NCA ꓙ ꓟꓳ ꓘꓶꓽ ꓒꓳꓹ ꓢꓴ ꓔꓯ ꓝꓴꓲꓸ ꓖꓶ ꓓꓴ ꓥꓳ ꓐꓰ ꓟꓬ-ꓟ ꓟꓯꓼ ꓡꓰ 2021 ꓘꓳꓼ 12 ꓦ 30 ꓠꓬꓲ ꓗꓪ ꓐꓯ ꓩꓴ ꓡ ꓟ ꓡꓰꓽ ꓐꓰ ꓠꓚꓮ ꓙ ꓟꓳ ꓘꓶꓽ ꓒꓳꓹ ꓢꓴ ꓠꓬ ꓠꓱꓸ ꓐꓯꓼ ꓢꓴ ꓟꓽ ꓥ꓾ ꓟꓬ-ꓟ ꓟꓯꓼ ꓥ ꓡꓳ ꓐꓰ ꓖꓳ ꓕꓲ ꓠꓬꓲ ꓗꓪ ꓔꓲꓸ ꓗꓠꓴ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓠꓚꓮ ꓡꓳ ꓚ ꓟꓬꓱꓽ ꓬꓰ ꓡꓯ꓾ ꓖꓳ ꓡꓱ ꓟꓽ ꓥ ꓠꓬ ꓝꓴꓲꓸ ꓖꓶ ꓓꓴ ꓥꓳ ꓐꓰ ꓟꓬ-ꓟ ꓟꓯꓼ ꓜꓲꓽ ꓐꓴ ꓡꓰ ꓕꓲ ꓗꓴꓷꓼ ꓡꓱꓸꓼ ꓟꓯꓼ ꓢꓰꓼ ꓠꓽ ꓡꓰ ꓓꓴ ꓙ ꓟꓳ ꓘꓶꓽ (ꓠꓚꓮ) ꓡꓯꓼ ꓓꓴ ꓢꓽ ꓔꓸ ꓟ ꓜꓴ ꓐꓴ ꓔꓯ ꓐꓯ ꓩꓴ ꓡ ꓟ ꓥ ꓡꓳ꓿
ꓗꓠꓴ ꓢꓽ ꓡ ꓙꓵꓽ ꓡꓰ ꓠꓚꓮ ꓙ ꓟꓳ ꓘꓶꓽ ꓒꓳꓹ ꓢꓴ ꓠꓬ ꓟꓬ-ꓟ ꓟꓯꓼ ꓥ ꓡꓳ꓾ ꓟꓬ-ꓟ ꓟꓯꓼ ꓡꓰ ꓠꓚꓮ ꓙ ꓟꓳ ꓘꓶꓽ ꓒꓳꓹ ꓢꓲꓸ 2021 ꓘꓳꓼ 2 ꓦ 1 ꓠꓬꓲ ꓗꓪ ꓑ ꓫꓬ ꓙꓵꓽ ꓪ ꓦꓴ ꓔꓯꓹ ꓙꓰ ꓡ ꓟ ꓗꓪ ꓐꓰ ꓟꓬ-ꓟ ꓠꓬ ꓐꓬ ꓡꓰ ꓔꓬ ꓟ ꓗꓴꓷꓼ ꓒꓬꓱꓼ ꓡꓻꓳ ꓐꓰ ꓗ-ꓬꓲ ꓘꓳꓼ ꓫꓵꓼ ꓐꓱ ꓶ ꓒꓵꓽ ꓗ ꓐꓰ ꓖꓴ ꓟꓳꓸ ꓕꓳ ꓶ ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓟ ꓥ ꓡꓳ꓿
ꓝꓮꓲ ꓗꓠꓴ/ꓗꓠꓡꓮ ꓡꓰ ꓢꓯꓸ ꓢꓯꓸ ꓣꓴ ꓟꓶ ꓔꓸ ꓟ ꓟꓬ-ꓟ ꓟꓯꓼ 7 ꓣꓳ ꓔꓯ ꓡꓲꓹ ꓖꓶ ꓡꓯ ꓐꓰ ꓘꓴ ꓓꓰꓽ ꓩꓴ ꓡ ꓡꓳ꓿ ꓟꓯꓼ ꓖꓳ ꓕꓲ ꓜꓴ ꓠꓬ ꓟꓯꓼ ꓶ ꓤꓼ ꓡ ꓛꓴꓸ ꓮ ꓟꓬꓹ ꓗꓶꓺ ꓔꓸ ꓟ ꓟꓳ-ꓓꓳ ꓗꓪ ꓜꓶ ꓡ ꓕꓯꓽ ꓗꓠꓡꓮ ꓐꓰ ꓑꓓꓝ ꓐꓴ ꓡꓰ ꓣꓴ ꓟꓶ ꓡꓰ ꓟ ꓥ ꓡꓳ꓿ ꓬꓲꓸ ꓪ ꓔꓯ ꓡꓲꓹ ꓖꓶꓽ/ ꓟꓽ ꓡꓲꓹ ꓖꓶ ꓔꓯ ꓟꓳꓸ ꓗꓠꓴ/ꓗꓠꓡꓮ ꓡꓰ ꓮ ꓫꓵꓽ ꓟꓽ ꓓꓽ ꓔꓳꓹ ꓡ ꓢꓰꓽ꓿
ꓖꓳ ꓡꓱ ꓥ ꓟꓲ ꓟꓬ-ꓟ ꓟꓯꓼ ꓐꓴ ꓠꓬ ꓑꓓꓝ ꓟꓯꓼ ꓐꓰ ꓑ ꓫꓬ ꓐꓴ ꓔꓯ ꓟꓽ ꓚꓹ ꓚꓹ ꓢꓰꓼ ꓢꓴ꓾ ꓟꓯꓼ ꓘꓶꓽ ꓬꓲꓸ ꓡꓲꓽ ꓟꓽ ꓛꓳ ꓛꓳ ꓫꓸ ꓟꓴ ꓫꓸ ꓚꓬ ꓟꓽ ꓙꓲˍ ꓟ ꓬꓰ ꓢꓴ꓾ ꓘꓴꓽ ꓦꓴ ꓢꓴ꓾ ꓦꓲ ꓐꓰ ꓑ ꓫꓬ ꓔꓯ ꓮ ꓔꓳꓸ ꓛꓴ ꓢꓴ ꓥˍ ꓟ ꓬꓰ ꓟꓬꓱꓽ ꓗꓪ ꓐꓰ ꓫꓬꓽ ꓫꓬꓽ ꓟꓳꓸ ꓖꓶ ꓔꓸ ꓡꓳ꓿