NATO ꓗꓪ ꓠꓲꓹ ꓞ ꓓꓵꓽ ꓠ ꓔꓸ ꓥ ꓐꓰ ꓒꓲ-ꓡ ꓗꓴꓷꓼ ꓙꓵꓽ ꓢꓽ ꓡ ꓙꓵꓽ Sauli Niinisto ꓐꓰ ꓟꓬꓱꓽ ꓢꓲꓺ Sanna Marin ꓐꓴ ꓡꓰ 2022 ꓘꓳꓼ 5 ꓦ 12 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓐꓯ ꓓꓳ ꓡ ꓡꓳ꓿
ꓣ-ꓫꓸ ꓡꓰ ꓬꓲꓸ ꓗꓴꓷꓼ ꓒ ꓕꓲ ꓗꓪ ꓟ ꓗꓴꓷꓼ ꓐꓴ ꓔꓯ ꓗꓸ ꓧꓪ ꓟˍ ꓐꓰ꓾ ꓟꓯꓼ ꓢꓰꓼ ꓦꓴ ꓡˍ ꓟ ꓔꓯ ꓗꓽ ꓠꓹ ꓟ ꓢꓯꓼ ꓙꓳˍ ꓟ ꓠꓮꓔꓳ ꓜꓴ ꓗꓪ ꓔꓺ ꓠꓲꓹ ꓫꓵ ꓡ ꓟ ꓥ ꓡꓳ꓿
ꓕꓱ ꓟ ꓑꓶꓸ ꓓꓴ ꓣ-ꓫꓸ ꓠꓬ ꓒꓲ-ꓡ ꓔꓯ ꓗꓹ ꓟꓽ ꓛꓲꓽ ꓢꓲꓸ ꓡꓯꓽ ꓔꓯꓽ ꓟꓸ ꓙꓽ ꓓꓴ ꓕꓵꓼ ꓡꓵꓸ ꓥꓳ ꓐꓯ ꓡꓽ ꓩꓴ ꓡ ꓡꓳ꓿
ꓣ-ꓫꓸ ꓡꓰ ꓬꓴ-ꓗ-ꓣꓲꓸ ꓗꓴꓷꓼ ꓔꓯ ꓟꓯꓼ ꓢꓰꓼ ꓡ ꓟ ꓑꓶꓸ ꓓꓴ ꓣ-ꓫꓸ ꓗꓴꓷꓼ ꓟꓵꓽ ꓫꓸ ꓗ ꓑꓯꓹ ꓡꓯꓽ ꓘꓳˍ ꓟ ꓗꓴꓷꓼ ꓤꓽ ꓐꓴ ꓠꓬ ꓡꓳ ꓪꓴꓸ ꓮ-ꓔ-ꓡ-ꓔꓲꓼ ꓗꓪ ꓛꓳꓽ ꓜꓴ (North Atlantic Treaty Organization) ꓜꓴ ꓗꓪ ꓠꓲꓹ ꓞ ꓠꓲꓹ ꓧꓳꓽ ꓔꓺ ꓓꓵꓽ ꓠꓲꓹ ꓫꓵ ꓡ ꓟ ꓥ ꓡꓳ꓿
ꓬꓲꓸ ꓚꓰ꓾ Straits Times, ReutersPHOTO: AFP, REUTERS