2021 ꓘꓳꓼ 11 ꓦ 25 ꓠꓬꓲ꓾ ꓬꓥ-ꓖꓳꓥ ꓗꓪ ꓙꓳ ꓟ Myanmar Plaza ꓗꓪ ꓞꓳ ꓡꓯꓸ ꓕꓲ ꓜꓴ ꓠꓬ꓾ Parami, Omini Focus Bus ꓟꓽ ꓜꓶꓽ ꓠꓹ ꓟ ꓑ ꓫꓬ ꓐꓴ ꓔꓯ ꓖꓴ ꓟꓳꓸ ꓢꓷ ꓙ ꓟꓴ ꓙ ꓔꓬ ꓕꓯꓽ ꓙꓲ ꓔꓲꓺ ꓡꓳꓸ ꓙ ꓗꓽ ꓗ ꓢꓴ (security) ꓐꓴ ꓔꓶꓹ ꓓꓳ ꓡ ꓢꓲ ꓣꓴ ꓥꓰꓸ ꓓꓶꓽ ꓡ ꓠꓬꓲ 2 ꓣꓳ ꓠꓻ ꓓꓴ ꓡꓰꓳ꓿
ꓠꓬꓲꓸ ꓠꓬꓲ 11 ꓦ 25 ꓠꓬꓲ ꓠꓬ꓾ ꓤ ꓟꓶ ꓤ ꓐꓴ ꓔꓯ ꓥꓰꓸ ꓤꓲ ꓟ ꓬꓲ ꓟꓶꓽ ꓢꓰꓼ ꓓꓴ ꓟꓵ ꓗꓳ ꓓꓵ ꓓꓵ ꓗꓪ ꓢꓷ ꓙ ꓟꓴ ꓙ ꓔꓬ ꓟ ꓦꓬꓼ ꓠꓬꓲ ꓞꓲ ꓠꓬꓲ ꓥ ꓐꓯ ꓖꓶ ꓠꓰ꓾ Myanmar Plaza ꓙꓲ ꓔꓲꓺ ꓓꓽ ꓟ ꓘꓴꓽ ꓗꓪ ꓠꓬ ꓤ ꓟꓶꓼ ꓤ ꓕꓲ ꓣꓳ ꓔꓯ ꓤ ꓑꓸ ꓤ ꓐꓴ ꓕꓲ ꓜꓴ ꓡꓰ ꓣꓴ ꓥꓰꓸ ꓢꓲꓸ ꓓꓶꓽ ꓗꓷ ꓟ ꓥ ꓡꓳ꓿
ꓠꓰꓪꓢ ꓮꓠꓓ ꓑꓧꓳꓔꓳ- ꓚꓙ