2021 ꓘꓳꓼ 11 ꓦ 25 ꓠꓬꓲ ꓕꓯꓽ Myanmar Plaza ꓙꓲ ꓡꓳꓸ ꓗꓽ ꓙ ꓢꓴ ꓡꓰ ꓟꓯꓼ ꓔꓯ ꓒꓳꓹ ꓔꓳꓹ ꓚꓱꓹ ꓢꓷ ꓙ ꓟꓴ ꓙ ꓢꓴ ꓞꓳ ꓡꓱ ꓐꓴ ꓔꓯ ꓖꓼ ꓣꓴ ꓢꓲꓸ ꓓꓶꓽ ꓗꓷ ꓟ ꓑꓶꓸ ꓓꓴ ꓑ ꓫꓬ ꓐꓴ ꓠꓲꓹ ꓟ ꓦꓶ ꓔꓴ ꓡ ꓟ ꓡꓰ ꓐꓰ꓾ ꓙꓲ ꓔꓲꓺ ꓦꓲ ꓓꓽ ꓟ ꓖꓳ ꓟ ꓘꓴꓽ ꓗꓪ ꓙꓳ ꓟ ꓙꓲ ꓔꓲ 40 ꓟꓽ ꓞꓲ ꓠꓬ ꓙꓲ ꓔꓲ ꓑꓲꓸ ꓔꓸ ꓓꓴ ꓥꓳ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓬꓮꓠꓟꓮꓣ ꓑꓡꓮꓜꓮ ꓗꓪ ꓒꓴ ꓔꓸ ꓟ Ma Ma Kitchen ၊ Nichii Myanmar ၊ Luxuri ၊ဒို့ရိုးရာမြေ ၊ ၊ Innwa Book & Cafe ၊ My Page၊ Stones Therapy၊ ၊ VJM jewelry၊ Pwal by The Event Architects၊ Sony Showroom ၊ LG Showroom, city mart, marketplace ꓐꓴ ꓐꓰ ꓠꓱꓸ ꓐꓯꓼ ꓟꓬꓱ ꓓꓳꓽ ꓙꓳ ꓟ ꓙꓲ ꓔꓲꓺ 40 ꓕꓯꓽ ꓢꓲ ꓠꓬ ꓙꓲ ꓔꓲ ꓑꓲꓸ ꓔꓸ ꓓꓴ ꓥꓳ ꓐꓰ ꓢꓷ ꓙ ꓟꓴ ꓙ ꓔ ꓡꓳ꓿
Myanmar Plaza ꓙꓵꓽ ꓢꓴ ꓜꓴ ꓗꓪ ꓐꓰ ꓖꓶ ꓬꓲꓽ ꓘꓶꓽ ꓢꓷ ꓙ ꓟꓴ ꓙ ꓔꓸ ꓥ ꓟꓲ ꓑ ꓫꓬ ꓐꓴ ꓠꓬ ꓠꓲꓹ ꓘꓪ ꓟꓽ ꓫꓵ꓿ ꓟꓳ-ꓓꓳ ꓫꓵꓸ ꓒꓽ ꓐꓴ ꓐꓰ ꓜꓽ ꓓꓴ ꓦ ꓖꓶ ꓢꓴ ꓐꓴ ꓥ ꓟꓲ Myanmar Plaza ꓗꓪ ꓥ ꓠꓬ ꓔꓶꓼ ꓬꓰ ꓙ ꓟꓽ ꓐ ꓡ ꓐꓰ ꓡꓯꓽ ꓔꓯꓽ ꓡ ꓡꓳ꓿
“ꓙꓲ ꓙꓲ ꓜꓳ ꓜꓳ ꓫꓸ ꓕꓱ ꓢꓲꓸ ꓐꓯ ꓠꓬ ꓠ ꓠꓹ ꓗꓴꓸ ꓥꓳ꓿ ꓓꓰ-ꓟꓳ-ꓗꓯ-ꓢꓰ ꓪ ꓡ ꓠꓬ ꓥꓪ ꓠꓴ ꓐꓱ ꓶ ꓓꓰꓼ ꓟꓽ ꓥ꓿ ꓠꓴ ꓪ ꓐꓱ ꓶ ꓖꓶ ꓥꓳ꓿ ꓞꓳ ꓱꓡꓱ ꓐꓴꓐꓔꓯ ꓟꓽ ꓒꓵ ꓟꓽ ꓚ ꓕꓱ ꓡꓱ ꓓꓶꓽ ꓠꓰ ꓔꓲꓸ ꓠꓰ ꓬꓰ ꓡ ꓟ ꓔꓯ ꓥꓪ ꓠꓴ ꓘꓳ ꓣꓴ ꓟꓽ ꓐ ꓡ” ꓐꓰ ꓬꓥ-ꓖꓳꓥ ꓞꓳ ꓡꓱ ꓐꓴ ꓡꓰ ꓐꓯ ꓩꓴ ꓡ ꓡꓳ꓿
ꓕꓱ ꓟ ꓮ ꓡꓲ ꓟꓶ ꓛꓲ ꓑꓲꓸ ꓡ ꓟ ꓠꓬ ꓐꓯ ꓟꓽ ꓗꓴꓸ ꓥ ꓟꓲ꓾ ꓬꓥ-ꓖꓳꓥ ꓡ ꓞꓳ ꓐꓴ ꓠꓬ ꓟꓯꓼ ꓫꓶꓹ ꓟꓯꓼ ꓡꓲꓽ ꓡꓰ ꓙꓵꓽ ꓡ ꓟ ꓔꓯ ꓔꓶꓼ ꓟꓽ ꓠꓵˍ ꓟ ꓟꓳꓸ ꓖꓶ ꓔꓬ ꓡꓳ꓿