ꓬꓥ-ꓖꓳꓥ ꓡꓳ ꓒꓱ꓾ Myanmar Plaza ꓠꓯꓸꓼ ꓗꓪ ꓙꓳˍ ꓟ Harry’s Bar ꓗꓪ 2022 ꓘꓳꓼ 4 ꓦ 11 ꓠꓬꓲ ꓟꓶ ꓘꓶꓼ 4 ꓙꓵꓹ ꓛꓲ ꓕꓯꓽ ꓐꓳꓽ 2 ꓢꓶꓽ ꓑꓳˍ ꓡꓳ꓿
“ꓬꓲꓸ ꓪꓴꓸ ꓕꓲ ꓕꓶꓹ ꓑꓳ ꓡ ꓕꓯ ꓖꓳ ꓗꓪ ꓒ ꓕꓲ ꓗꓪ ꓡꓳꓸ ꓔꓬ ꓟ ꓟꓯꓼ ꓐꓴ ꓔꓷꓹ ꓓꓵꓽ ꓡ ꓡꓳ꓿ ꓖꓳ ꓕꓯꓽ ꓕꓲ ꓢꓶꓽ ꓑꓳˍ ꓡꓳ꓿ ꓖꓳ ꓡꓱ ꓥ ꓟꓲ ꓞꓳ ꓤ ꓟꓽ ꓠꓻ ꓓꓴ ꓬꓰ꓿ ꓠꓬꓺ ꓐꓻ ꓐꓶꓽ ꓬꓰ꓿ ꓳꓸ ꓕꓲ ꓟꓵꓽ ꓗꓪ ꓟꓯꓼ ꓮ ꓘꓶꓸ ꓚꓲꓸ ꓚ ꓔꓬ ꓥ” ꓐꓰ ꓖꓳ ꓗꓪ ꓮ ꓡꓲ ꓗ ꓬꓰ ꓟ ꓢꓷꓸ ꓢꓴ ꓡꓰ ꓐꓯ ꓡꓳ꓿
Harry’s Bar ꓠꓬ ꓙꓲ ꓒꓶ ꓙꓲꓺ ꓔꓲꓺ ꓥ ꓢꓲ꓾ ꓡꓳ ꓑ ꓢꓲꓹ ꓕꓯꓸ ꓔꓯ-ꓜꓼ ꓔꓯꓸ ꓟ ꓥ ꓡꓳ꓿
ꓮ ꓡꓲ ꓕꓲ ꓜꓴ ꓡꓰ ꓑꓳ ꓩꓴ ꓡ ꓟ ꓟꓽ ꓐꓯ ꓒꓬꓱ ꓡ ꓢꓰꓽ꓿
ꓙꓲꓺ ꓔꓲ ꓬꓲꓸ ꓐꓽ ꓗꓪ ꓟꓬ-ꓟ ꓘꓳꓼ ꓫꓵꓼ ꓮ ꓙꓬ ꓕꓲꓽ ꓑꓮꓲ ꓚꓲꓸ ꓟꓶ ꓓꓴ ꓜꓽ ꓫꓵꓽ ꓜꓽ ꓙꓰ ꓪꓴꓽ ꓔꓶꓸ ꓬꓰ ꓔꓸ ꓢꓲꓸ ꓟꓶ ꓘꓶꓼ 4 ꓙꓵꓹ ꓗꓪ ꓐꓰ 8 ꓙꓵꓹ ꓗꓪ ꓛꓲ ꓪꓴꓽ ꓖꓶ ꓔꓬ ꓟ ꓥ ꓡꓳ꓿
Myanmar Plaza ꓠꓬ ꓮ ꓠꓰꓹ ꓕꓽ ꓟꓯꓼ ꓙꓵꓽ ꓡ ꓟ ꓔꓯ ꓒꓳꓹ ꓔꓳꓹ ꓢꓴ ꓐꓴ ꓔꓯ ꓙꓲ ꓔꓲꓸ ꓡꓳꓸ ꓢꓴ (security) ꓐꓴ ꓡꓰꓽ ꓔꓲꓸ ꓓꓶꓽ ꓩꓴ ꓡ ꓟ ꓑꓶꓸ ꓓꓴ ꓬꓥ-ꓖꓳꓥ ꓑ ꓫꓬꓽ ꓐꓴ ꓡꓰꓽ ꓔꓶꓼ ꓟꓽ ꓙ ꓡꓯ ꓘꓳ ꓓꓴ (boycott) ꓬꓰ ꓔꓸ ꓟ ꓙꓲꓺ ꓔꓲ ꓓꓽ ꓟ ꓕꓲ ꓟ ꓥ ꓡꓳ꓿