ꓟꓶ-ꓡꓯ-ꓫ ꓗꓪ ꓮ ꓕꓽ ꓗꓯꓸ ꓢꓰꓼ ꓢꓴ Merry Yet Ngwa ꓧꓪ ꓖꓳ ꓓꓱꓽ ꓔꓯ ꓟꓶ-ꓡꓯ-ꓫ ꓗꓪ ꓐꓰ ꓟꓬ-ꓟ ꓗꓪ ꓚꓰꓹ ꓡꓽ ꓩꓴ ꓡ ꓢꓲ꓾ ꓬꓥ-ꓖꓳꓥ ꓗꓪ ꓔꓵꓸ ꓓꓴ ꓥꓳ꓾ ꓐꓰ ꓡꓣꓚ ꓗꓪ ꓐꓰ ꓓꓳꓽ ꓢꓷꓸ ꓩꓴ ꓡ ꓡꓳ꓿
2026 ꓘꓳꓼ 5 ꓦ 7 ꓠꓬꓲ ꓠꓯꓼ 11 ꓙꓵꓹ ꓕꓯꓽ ꓟꓶ-ꓡꓯ-ꓫ ꓕꓲ ꓒꓳꓹ ꓗꓪ ꓲꓑꓣ ꓠꓯ ꓞꓲꓼ ꓦꓲ ꓒ ꓕꓲ ꓗꓪ ꓪ ꓘꓴ ꓜꓲꓼ ꓓꓴ ꓬꓰ ꓢꓲ꓾ ꓟꓬ-ꓟ ꓗꓴꓷꓼ ꓗꓪ နှလုံးလှ ꓬꓰ ꓙ ꓜꓴ ꓡꓰ ꓬꓲꓸ ꓚꓱꓹ ꓬꓰ ꓙ ꓢꓲꓸ ꓧꓪꓽ ꓖꓳ ꓓꓱꓽ ꓫꓵꓻ ꓟꓳꓻ ꓚꓰꓹ ꓡꓽ ꓩꓴ ꓡ ꓓꓴ ꓥ ꓡꓳ ꓐꓰ꓾ ꓡꓣꓚ ꓡꓰ ꓐꓯˍ ꓡꓳ꓿
ꓝꓮꓲ ꓟꓬ-ꓟ ꓗꓴꓷꓼ ꓬꓥ-ꓖꓳꓥ ꓗꓪ ꓠꓬ ꓬꓲꓸ ꓫꓵꓽ ꓪꓳꓼ ꓐꓴ ꓡꓰ ꓓꓰꓽ ꓘꓶ ꓔ ꓛꓳ ꓢꓲꓸ HOPE – မျှော်လင့်ရာ ꓜꓴ ꓗꓪ ꓐꓰ ꓫꓵꓻ ꓟꓳꓻ ꓣꓴ ꓙ ꓢꓲ꓾ ꓬꓥ-ꓖꓳꓥ ရေဝေးခရစ်ယာန်ဥယျာဉ် ꓗꓪ 2026 ꓘꓳꓼ 5 ꓦ 10 ꓠꓬꓲ ꓕꓯ ꓫꓺ ꓔꓵꓸ ꓠꓹ ꓟ ꓙꓽ ꓖꓶ ꓔꓬ ꓡꓳ ꓐꓰ꓾ HOPE ꓗꓪ ꓐꓰ ꓢꓷꓸ ꓡ ꓡꓳ꓿
ꓢꓰꓼ ꓢꓴ Aung Tun Ngwa ꓔꓯ ꓠꓬ ꓟꓶ-ꓡꓯ-ꓫ ꓟꓯꓼ ꓡꓰ ꓣꓴ ꓔ ꓢꓲ꓾ Kualum Lumpur Magistrate’s Court ꓗꓪ 2026 ꓘꓳꓼ 5 ꓦ 5 ꓠꓬꓲ ꓕꓯꓽ ꓫꓵꓽ ꓪꓴꓻ ꓫꓵꓹ ꓩꓴꓸ ꓔꓴˍ ꓡꓳ꓿ ꓕꓱ ꓡꓱꓳ ꓫꓵꓽ ꓫꓵꓽ ꓪꓴ ꓔꓯ ꓠꓬ High Court ꓗꓪ ꓐꓰ ꓗꓪꓽ ꓫꓵˍ ꓡꓳ꓾ ꓐꓯ ꓡꓳ꓿
Merry Yet Ngwa ꓠꓬ 2026 ꓘꓳꓼ 4 ꓦ 23 ꓠꓬꓲ ꓟꓶ ꓘꓶꓼ ꓝꓲꓸ ꓗꓪ꓾ ꓬꓲꓸ ꓞꓲꓼ 34 ꓘꓳꓼ ꓙꓳ ꓕꓯꓽ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰ ꓥ ꓡꓳ꓿