Lisu~English ꓘꓶꓽ ꓒꓶꓻ ꓕꓳ ꓶ iOS app ꓠꓬ 2022 ꓘꓳꓼ 7 ꓦ 24 ꓠꓬꓲ ꓕꓯꓽ iphone ꓣꓱꓽ ꓢꓴ ꓐꓴ ꓐꓱ ꓶꓽ ꓬꓲꓸ ꓪꓴꓸ ꓕꓲꓽ ꓧꓪꓹ ꓫꓬꓹ ꓓꓳ ꓩꓴ ꓡ ꓡꓳ꓿Application Tꓱ ꓟ ꓠꓬ iPone BE iPad ꓠꓬꓲ ꓫꓵꓽ ꓡꓱꓼ ꓗꓪ ꓣꓱꓽ ꓙꓲ_ ꓡꓳ=
“ꓟꓶ ꓤ ꓥꓳ ꓡꓳꓸ ꓔꓬ ꓟ iOS app ꓫꓬꓹ ꓓꓳ ꓡꓻꓳ꓿ ꓮ ꓟꓶ ꓠꓬ android ꓐꓱ ꓶ ꓥ ꓟꓲ iOS ꓐꓱ ꓶ ꓥ ꓟꓲ ꓫꓬꓹ ꓓꓳ ꓡꓰˍ ꓟ ꓥ ꓡꓳ꓿ ꓕꓱ ꓟ ꓠꓬ ꓮ ꓟꓬꓹ ꓣꓳ ꓔꓺ ꓢꓲꓸ ꓜꓴ ꓟꓬꓱꓽ (team work) ꓗꓪ ꓐꓰ ꓫꓬꓹ ꓓꓳ ꓡ ꓟ ꓥ ꓡꓳ꓿” ꓐꓰ ꓡꓲ-ꓢꓴ ꓤꓶ ꓧꓳꓽ ꓢꓴ ꓮ-ꓓꓶꓸ ꓙꓬꓽ ꓡꓰ ꓐꓯ ꓡꓳ꓿
ꓘꓶꓽ ꓒꓶꓻ ꓕꓳ ꓶ ꓐꓳ ꓢꓴ ꓠꓬ꓾ Avia & Jibiyi Ngwazah꓾ ꓙꓼ ꓗꓪ ꓜꓯꓻ ꓢꓴ ꓠꓬ ꓡꓯ-ꓟꓯ-ꓢꓶꓸ꓾ logo design ꓠꓬ Aaron Jay꓾ ꓫꓬꓹ ꓓꓳ ꓩꓴ ꓡ ꓟ ꓜꓴ ꓠꓬ꓾ ꓡꓲ-ꓢꓴ ꓤꓶ (The Lisu Times) ꓥ ꓡꓳ꓿
“ꓟꓶꓽ ꓬꓰˍ ꓐꓰ ꓗꓹ ꓟ ꓡꓲ-ꓢꓴ ꓥꓳꓽ ꓝꓳꓹ ꓮ ꓟꓬꓹ ꓔꓯ ꓕꓱ ꓕꓲ ꓞꓲꓼ ꓐꓰ ꓗꓸ ꓠꓯꓸ ꓟ ꓞꓲꓼ ꓤ ꓡꓯꓹ ꓤ ꓤꓶ ꓗꓪ ꓛꓲ ꓫꓺ ꓒꓵꓽ ꓪ ꓡꓰ ꓓꓴ ꓚꓱꓹ ꓕꓲꓽ ꓟ ꓥꓳ꓿ ꓫꓬꓹ ꓢꓴ ꓠꓰ ꓫꓬꓹ ꓓꓳ ꓡˍ ꓟꓲ ꓣꓱꓽ ꓢꓴ ꓟꓽ ꓙꓳ ꓠꓬ ꓬꓲꓸ ꓖꓳꓽ ꓥꓳ꓿ iphone ꓣꓱꓽ ꓔꓬ ꓢꓴ ꓮ ꓙꓵꓽ ꓢꓴ ꓣꓱꓽ ꓪ ꓡꓰ ꓝꓲ ꓡꓯ꓿ ꓡꓲ-ꓢꓴ ꓥꓳꓽ ꓝꓳꓹ ꓐꓰ ꓰ-ꓖꓲ-ꓡꓲꓼ ꓥꓳꓽ ꓝꓳꓹ ꓢꓷꓸ ꓠꓲꓹ ꓪꓴꓽ ꓡ ꓝꓲ ꓡꓯ” ꓐꓰ ꓦ ꓐꓬꓱꓽ ꓪꓴꓸ ꓔꓴ ꓬꓲꓼ ꓟꓬ ꓘꓳ ꓢꓴ ꓗꓙ ꓡꓰꓽ ꓐꓯˍ ꓡꓳ꓿
iphone ꓣꓱꓽ ꓢꓴ ꓐꓴ ꓠꓬ App Store ꓗꓪ ꓙꓰ ꓢꓲ꓾ search ꓗꓪ “Lisu-English dictionary” ꓐꓳ ꓢꓲ ꓧꓪ ꓟꓶˍ ꓠꓬ꓾ install ꓬꓰ ꓓ ꓡꓳ꓿ ꓐꓯ ꓘꓶꓽ ꓝꓳꓹ ꓧꓪ ꓣꓴˍ ꓟ ꓗꓪ Lisu font ꓐꓰ English font ꓠꓬꓲꓽ ꓫꓵꓽ ꓐꓳ ꓙꓲ ꓠ ꓙꓽ ꓖꓶꓽ ꓔꓸ ꓡꓳ꓿
Android app ꓠꓬ 2021 ꓘꓳꓼ 12 ꓦ ꓕꓯꓽ ꓫꓬꓹ ꓓꓳ ꓔꓸ ꓟ ꓥ ꓡꓳ꓿ ꓖꓳ ꓟ ꓔꓯ ꓥ ꓟꓲ android phone ꓣꓱꓽ ꓔꓬ ꓢꓴ ꓐꓴ Play Store ꓗꓪ ꓙꓰ ꓢꓲꓸ ꓧꓪ ꓪ ꓓ ꓡꓳ꓿
///💕 ꓡꓲ-ꓢꓴ ꓤꓶ (Lisu Times) ꓠꓬ ꓟꓲ ꓠꓯ ꓫꓵꓽ ꓓꓳꓽ ꓔꓯ ꓡꓲ-ꓢꓴ ꓥꓳꓽ ꓗꓪ ꓵꓺ ꓐ ꓡ ꓠꓹ ꓟ꓾ ꓡꓲ-ꓢꓴ ꓕꓳ ꓶ ꓔꓯ ꓫꓺ ꓒꓵꓽˍ ꓟ ꓐꓰ ꓤꓶ ꓟꓴ ꓡ ꓠꓹ ꓟ ꓟꓬꓱꓽ ꓔꓯ ꓥꓪ ꓠꓴ ꓢꓷꓸ ꓟ ꓗꓴꓸ ꓟ ꓕꓲꓽ ꓙꓶ ꓗꓪ ꓐꓰ ꓠꓲꓹ ꓡꓱ ꓢꓯꓼ ꓕꓵꓼ ꓔꓬ ꓡꓳ꓿ ꓢꓯꓼ ꓖꓶ ꓡ ꓢꓴ ꓮ ꓙꓵꓽ ꓔꓯ ꓫꓸ ꓟꓳ= 💕///
For iOS
Download Links: https://apps.apple.com/us/app/lisu-english-dictionary/id1635907807?fbclid=IwAR00OGCzYARUN4eDLvkFEwTSX2lwLPoHIRF95wdedX70CXc0wtSDreblz64
For Android