ꓡꓲ-ꓢꓴ ꓥꓳꓽ ꓗꓪ ꓐꓰ ꓟꓲ ꓠꓯ ꓫꓵꓽ ꓓꓳꓽ ꓐꓳ ꓖꓶꓽ꓾ꓚꓺ ꓟꓸ ꓖꓶ ꓔꓬ ꓟ ꓡꓲ-ꓢꓴ ꓤꓶ (The Lisu Times) ꓐꓱ ꓶ iOS App ꓕꓲꓽ ꓟ ꓠꓬꓲꓸ ꓠꓬꓲ 2022 ꓘꓳꓼ 8 ꓦ 1 ꓠꓬꓲ ꓕꓯꓽ ꓫꓬꓹ ꓓꓳ ꓡꓲꓹ ꓩꓴ ꓡ ꓪ꓿
ꓕꓱ ꓟ ꓠꓬ iPhone, iPad, iPOP and iMac , Mac Book ꓮ ꓙꓵꓽ ꓗꓪ ꓣꓱꓽ ꓐ ꓡ ꓟ Application ꓥ ꓡꓳ꓿ ꓕꓱ ꓟ ꓗꓪ ꓐꓰ ꓕꓲ ꓟꓵ ꓕꓲ ꓟꓵꓽ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓓꓳꓽ ꓔꓯ ꓡꓲ-ꓢꓴ ꓥꓳꓽ ꓗꓪ ꓢ ꓢꓹ ꓵꓺ ꓐ ꓡ ꓠꓹ ꓟ꓾ ꓟꓴ ꓖꓪ ꓐꓰ ꓟꓸ ꓟꓲꓽ ꓚꓱꓹ ꓠ ꓠꓹ ꓙꓲ ꓠꓹ ꓟ ꓙꓽ ꓖꓶꓽ ꓔ ꓡꓳ꓿
ꓟꓬꓱꓽ ꓑꓶꓸ ꓕꓱ ꓟ ꓐꓱ ꓶ Lisu Times ꓡꓰ ꓧꓳꓽ ꓪꓴꓸ ꓟꓴ ꓢꓲꓸ ꓙꓼ ꓢꓷꓸ ꓠꓲꓹ ꓙꓳ ꓢꓴ ꓡꓯ-ꓟꓯ-ꓢꓶꓸ ꓗꓪ ꓐꓰ ꓲꓳꓢ ꓗꓪ ꓬꓲꓸ ꓪꓴꓸ ꓕꓲꓽ ꓧꓪꓹ ꓜꓯ ꓓꓳ ꓡ ꓟ ꓥ ꓡꓳ꓿
ꓤꓹ ꓠꓬꓲ ꓢꓯꓼ ꓖꓶꓽ ꓠꓲꓹ ꓫꓵ ꓢꓴ ꓐꓴ ꓠꓬ App Store ꓗꓪ ꓙꓰ꓾ lisu times ꓐꓳ ꓢꓲꓸ install ꓬꓰ ꓓ ꓡꓳ꓿ ꓡꓲꓠꓗ ꓠꓬ꓾ https://apps.apple.com/us/app/lisu-times/id1637205510
Android Application ꓠꓬ Android phone ꓐꓱ ꓶ ꓥ ꓢꓲꓸ ꓧꓶꓸ ꓕꓯꓽˍ ꓡꓰ ꓫꓬꓹ ꓔꓸ ꓡꓳ꓿ ꓖꓳ ꓟ ꓔꓯ ꓧꓪ ꓠꓲꓹ ꓫꓵ ꓢꓴ ꓠꓬ Google Play Store ꓗꓪ Lisu Times ꓐꓳ ꓢꓲꓸ ꓧꓪ ꓪ ꓓ ꓡꓳ꓿
///💕 ꓡꓲ-ꓢꓴ ꓤꓶ (Lisu Times) ꓠꓬ ꓟꓲ ꓠꓯ ꓫꓵꓽ ꓓꓳꓽ ꓔꓯ ꓡꓲ-ꓢꓴ ꓥꓳꓽ ꓗꓪ ꓵꓺ ꓐ ꓡ ꓠꓹ ꓟ꓾ ꓡꓲ-ꓢꓴ ꓕꓳ ꓶ ꓔꓯ ꓫꓺ ꓒꓵꓽˍ ꓟ ꓐꓰ ꓤꓶ ꓟꓴ ꓡ ꓠꓹ ꓟ ꓟꓬꓱꓽ ꓔꓯ ꓥꓪ ꓠꓴ ꓢꓷꓸ ꓟ ꓗꓴꓸ ꓟ ꓕꓲꓽ ꓙꓶ ꓗꓪ ꓐꓰ ꓠꓲꓹ ꓡꓱ ꓢꓯꓼ ꓕꓵꓼ ꓔꓬ ꓡꓳ꓿ ꓢꓯꓼ ꓖꓶ ꓡ ꓢꓴ ꓮ ꓙꓵꓽ ꓔꓯ ꓫꓸ ꓟꓳ= 💕///