2023 ꓘꓳꓼ 11 ꓦ 28 ꓠꓬꓲ ꓕꓯꓽ ꓟꓶ-ꓡꓯ-ꓫ ꓗꓪ ꓙꓳˍ ꓟ ꓗꓣꓚ (Kachin Refugee Committee) ꓡꓰ ꓡꓣꓚ (Lisu Refugee Committee) ꓔꓯ ꓗ-ꓛꓲ ꓞꓳ ꓫꓵꓽ ꓜꓴ ꓕꓲꓽ ꓟ ꓟꓽ ꓢꓪꓼ꓾ ꓐꓰ ꓢꓷꓸ ꓙ ꓟꓴ ꓙ ꓕꓳ ꓶ ꓐꓳ ꓒꓬꓱ ꓩꓴ ꓡ ꓡꓳ꓿
ꓢꓷ ꓙ ꓟꓴ ꓙ ꓘꓶꓽ ꓗꓪ ꓬꓲꓸ ꓝꓲꓸ ꓓꓽ ꓟ (7) ꓝꓲꓸ ꓐꓳ ꓔꓸ ꓡꓳ꓿ ꓟꓽ ꓓ ꓕꓲꓽ ꓘꓶ ꓠꓬ ꓗꓣꓚ ꓙꓵꓽ ꓗ 5 ꓕꓱ꓾ ꓬꓲꓸ ꓤ 12 ꓗꓪ꓾ ꓗꓣꓚ ꓡꓰ ꓕꓵꓼ ꓪ ꓖꓶ ꓟ ꓟꓽ ꓙꓳ ꓠꓬ ꓗ-ꓛꓲ ꓡ ꓞꓳ ꓐꓴ ꓮ ꓟ ꓥ ꓟꓲ ꓬꓲꓸ ꓜꓴ ꓬꓲꓸ ꓒꓳ ꓒꓳ ꓟꓽ ꓓ꓾ ꓐꓯ ꓔꓸ ꓡꓳ꓿
ꓗꓣꓚ ꓡꓰ ꓟꓡꓚꓚ -ꓟꓶ-ꓡꓯ-ꓫ ꓡꓲ-ꓢꓴ ꓙꓲ ꓢꓴ ꓢꓲ ꓤ ꓘꓴ ꓜꓲꓼ ꓞꓳ ꓔꓯˍ ꓡꓰ ꓗ-ꓛꓲ ꓡ ꓞꓳ ꓜꓴ ꓢꓪꓼ ꓥꓳ꓾ ꓐꓯ ꓡꓳ꓿
“ꓣꓳ ꓬꓲꓸ ꓐꓶꓹ ꓪꓽ ꓡꓯ ꓘꓳ ꓡ ꓠꓹ ꓟ ꓐꓱ ꓶ ꓬꓲꓸ ꓪ ꓠꓰ ꓟꓬꓱꓽ ꓕꓲꓽ ꓫꓵꓽ ꓬꓰ ꓓꓳ ꓡꓻꓳ ꓫꓵꓽ ꓥ꓿ ꓬꓲꓸ ꓪ ꓔꓯ ꓡꓰꓸ ꓫꓸ ꓟꓳ ꓐꓯ ꓠ ꓔꓸꓳ ꓫꓵꓽ ꓢꓲꓸ ꓥ꓿ ꓮ ꓫꓵꓽ ꓙ ꓫꓸ ꓟꓽ ꓛꓲ” ꓐꓰ ꓡꓣꓚ ꓧꓳꓽ ꓢꓴ ꓕꓲꓽ ꓣꓳ ꓡꓰ ꓐꓯ ꓩꓴ ꓡ ꓡꓳ꓿
ꓡꓣꓚ ꓔꓯ 2022 ꓘꓳꓼ 8 ꓦ (30) ꓠꓬꓲ ꓕꓯꓽ ꓔꓶꓸ ꓪꓴꓸ ꓔꓴ ꓔꓸ ꓟ ꓥ ꓢꓲ꓾ ꓗꓣꓚ ꓔꓯ ꓠꓬ 2003 ꓘꓳꓼ 9 ꓦ 4 ꓠꓬꓲ ꓕꓯꓽ ꓒꓴ ꓪꓴꓸ ꓔꓴ ꓔꓸ ꓟ ꓥ ꓡꓳ꓿
ꓗ-ꓛꓲ ꓞꓳ ꓫꓵꓽ ꓘꓴ ꓗꓪ ꓫ. ꓪ ꓟꓽ ꓪ ꓟ ꓐꓰ ꓓꓵ ꓙ ꓚꓱꓹ ꓶꓽ ꓡꓯ ꓘꓳ ꓞꓹ ꓟ ꓑꓶꓸ ꓓꓴ ꓪꓽ ꓡꓯ ꓘꓳ ꓫꓸ ꓓꓴ ꓙꓳ ꓔꓬ ꓟ ꓠꓬ ꓬꓲꓸ ꓫꓵꓼ ꓕꓲꓽ ꓟ ꓟꓽ ꓥꓻꓳ꓿