ꓒ-ꓗ ꓟꓵꓽ꓾ ꓗ-ꓢꓰꓸ꓾ ꓮ-ꓠꓼ-ꓑ ꓗꓪ ꓙꓱ ꓦꓲ ꓗꓪ ꓐꓰ ꓐꓳꓽ ꓐꓶ ꓡ ꓟ ꓔꓯ ꓟꓳꓸ ꓗꓲꓳ ꓟꓯꓼ ꓜꓲꓽ ꓗꓽ ꓖꓪ-ꓟꓳ ꓡꓰ ꓠꓬꓲꓸ ꓠꓬꓲ 2022 ꓘꓳꓼ 10 ꓦ 25 ꓠꓬꓲ ꓕꓯꓽ ꓕꓳ ꓶ ꓕꓲꓽ ꓘꓰꓸ ꓐꓳ ꓢꓲꓸ ꓡꓯꓽ ꓔꓯꓽ ꓩꓴ ꓡ ꓡꓳ꓿
ꓡꓯꓽ ꓔꓯꓽ ꓡꓽ ꓩꓴ ꓡ ꓟ ꓕꓳ ꓶ ꓗꓪ ꓬꓲꓸ ꓝꓲꓸ ꓓꓽ ꓟ ꓠꓬ꓾
- ꓮ-ꓠꓼ-ꓑ ꓠꓬ ꓗꓲꓮ ꓟꓯꓼ ꓒꓱ ꓔꓬ ꓖꓴ ꓟꓽ ꓥ꓿ ꓙ ꓖꓴ ꓙꓰ ꓢꓴ ꓐꓴ ꓠꓽ ꓔꓶꓸ ꓙꓲ ꓔꓲꓺ ꓙ ꓥ ꓡꓳ꓿
- ꓗꓲꓳ ꓜꓴ ꓚꓰꓺ ꓠꓬ ꓟꓬ-ꓟ ꓗꓴꓷꓼ ꓙꓵꓽ ꓜꓴ ꓕꓲ ꓝꓸ ꓡꓰꓸ ꓕꓲ ꓝꓸ ꓔꓯ ꓬꓰ ꓙ ꓔꓺ ꓙ ꓢꓴ ꓐꓴ ꓔꓯ ꓛꓴꓽ ꓙꓳ ꓢꓴ ꓥ ꓡꓳ꓾ ꓐꓰ ꓟꓽ ꓢꓪꓼ ꓢꓪꓼ ꓔꓬ꓿
- ꓮ ꓟꓶ ꓮ-ꓠꓼ-ꓑ ꓗꓪ ꓜꓲꓼ ꓔꓬ ꓟ ꓑ ꓫꓬ ꓐꓴ ꓔꓯ ꓟꓯꓼ ꓗꓳ-ꓢꓰ ꓠꓬ ꓛꓴꓽ ꓙꓳ ꓢꓴ ꓢꓪꓼ ꓢꓲꓸ ꓕꓱ ꓡꓱ ꓬꓰ ꓩꓴ ꓡ ꓟ ꓥ ꓡꓳ꓿
- ꓞꓲꓼ ꓣꓳ ꓢꓴ ꓐꓴ ꓔꓯ “ꓫꓬꓹ ꓔꓱꓹ ꓟꓽ ꓙꓲ ꓗꓪ ꓛꓲ ꓥꓳꓽ ꓡꓰ ꓓꓴ ꓕꓽ ꓬꓰ ꓪ ꓝꓲ” ꓐꓰ ꓬꓲꓸ ꓙꓵꓹ ꓬꓲ ꓖ ꓙꓳ ꓕ ꓑꓳꓸ ꓢꓯꓼ ꓖꓶ ꓗꓷꓳ꓿ ꓖꓳ ꓡꓱ ꓥ ꓟꓲ ꓕꓱ ꓡꓱꓳ ꓫꓵꓽ ꓬꓰ ꓢꓴ ꓠꓬ ꓞꓳ ꓡꓯꓸ ꓞꓲꓼ ꓣꓳ ꓢꓴ ꓐꓴ ꓟꓽ ꓥ꓿ ꓞꓳ ꓟꓳꓽ ꓐꓴ ꓠꓰ ꓬꓰ ꓓꓳ ꓩꓴ ꓡ ꓐꓶ꓿
- ꓮ-ꓠꓼ-ꓑ ꓗꓪ ꓢꓯꓼ ꓟꓬ ꓖꓴ ꓡꓰ ꓢꓴ ꓐꓴ ꓔꓬ ꓢ ꓙꓳ ꓢ ꓟ ꓟꓵꓽ ꓗꓪ ꓛꓲ ꓬꓰ ꓝꓲ ꓐꓰ ꓪ ꓘꓴ ꓥꓳ꓿ ꓠꓻ ꓓꓴ ꓡꓰ ꓢꓴ ꓐꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓥꓳ꓿ ꓕꓲ ꓦꓲ ꓡ ꓞꓳ ꓐꓴˍ ꓐꓰ ꓕꓲ ꓡꓰꓹꓼ ꓠꓲꓹ ꓥꓴ ꓟꓬ ꓥꓴ ꓔꓬ ꓥꓳ꓿
- ꓮ ꓙꓵꓽ ꓢꓴ ꓠꓲꓹ ꓫꓸ ꓟ ꓐꓰ ꓟꓬ ꓐꓲ ꓠꓬ ꓬꓴꓸ ꓒꓵꓽ ꓐꓯ ꓞꓷꓹ ꓟꓽ ꓐ ꓡ ꓟ ꓬꓲꓸ ꓗꓳꓺ ꓒꓬꓱꓼ ꓡ ꓥꓳ꓿
ꓕꓳ ꓶ ꓕꓱ ꓟ ꓔꓯ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓥ ꓟꓲ ꓢꓷꓸ ꓡꓰ ꓓꓴ ꓚꓳꓑꓬ ꓖꓶꓽ ꓔꓸ ꓟ ꓡꓰ ꓐꓰ ꓬꓰ ꓔꓸ ꓡꓳ꓿
2022 ꓘꓳꓼ 10 ꓦ 23 ꓠꓬꓲ ꓟꓶ ꓘꓶꓼ ꓗꓪ ꓟꓬ-ꓟ ꓟꓯꓼ ꓙꓱ ꓦꓲ ꓗꓪ ꓐꓰ ꓐꓳꓽ ꓐꓶ ꓡ ꓟ ꓑꓶꓸ ꓓꓴ꓾ ꓟꓴ ꓖꓪ ꓖꓪ ꓑꓮꓲ ꓬꓰ ꓔꓬ ꓟ ꓗꓪ ꓜꓲꓼ ꓡ ꓢꓴ 60 ꓟꓽ ꓞꓲ ꓫꓵꓻ ꓢꓲ꓾ ꓮ ꓟꓬꓹ ꓠꓻ ꓓꓴ ꓡꓰꓳ ꓐꓯ ꓡꓳ꓿