ꓗꓐꓚ ꓢꓽ ꓡ ꓙꓵꓽ ꓢꓴ ꓬꓲꓸ ꓡꓵꓺ Rev. Dr. ꓘ-ꓡ ꓢ-ꓟꓳ-ꓢꓳ-ꓠ ꓔꓯ 2022 ꓘꓳꓼ 12 ꓦ 5 ꓠꓬꓲ ꓠꓯꓼ 9 ꓙꓵꓹ ꓕꓯ ꓟ-ꓓꓲ-ꓡꓲ ꓙꓱ ꓦꓲ ꓠꓽ ꓔꓶꓸ ꓗꓪ ꓣꓴ ꓟꓶ ꓡꓰ ꓐꓰ ꓓꓳꓽ ꓜꓳˍ ꓡꓳ꓿
“ꓬꓲꓸ ꓪ 3 ꓣꓳ ꓕꓮꓲꓹ ꓗꓪ ꓙꓰˍ ꓟ ꓙ ꓖꓴ ꓗꓪ ꓟ-ꓓꓲ-ꓡꓲ ꓗꓪ ꓛꓲ ꓕꓯꓽ ꓚꓲꓸ ꓚ ꓓꓴ ꓙꓳˍ ꓥ ꓐꓯ ꓢꓲꓸ ꓬꓲꓸ ꓔꓯ ꓣꓴ ꓞꓰ ꓒꓰꓹ ꓡꓻꓳ ꓙꓳꓽ꓿ ꓬꓲꓸ ꓛꓳ ꓒꓯꓹ ꓠꓬꓲꓽ ꓣꓳ ꓔꓯ ꓠꓬ ꓟꓽ ꓗꓽ ꓔꓸ꓿ ꓬꓲꓸ ꓔꓯ ꓐꓶꓽ ꓗꓴꓷꓼ ꓗꓪ ꓙꓰ ꓟꓽ ꓓ ꓐꓯ ꓔꓸꓳ ꓫꓵꓽ ꓙꓳˍ ꓥ ꓙꓳꓽ꓿ ꓟꓲꓸ ꓟꓲ ꓡꓲꓹ ꓖꓶ ꓓꓴ ꓥꓳ ꓐꓯꓸꓳ ꓫꓵꓽ ꓟꓽ ꓡꓲꓹ ꓡ ꓢꓰꓽ” ꓐꓰ ꓡꓯꓼ ꓠꓶꓽ ꓢꓴ ꓐꓴ ꓗꓪ ꓐꓰ ꓢꓷꓸ ꓡ ꓡꓳ꓿
Rev. Dr. ꓘ-ꓡ ꓢ-ꓟꓳ-ꓢꓳ-ꓠ ꓠꓬ ꓧꓶꓸ ꓕꓯ ꓗꓐꓚ ꓢꓽ ꓡ ꓙꓵꓽ꓾ꓮ ꓟꓶ ꓗ-ꓛꓲ ꓫꓵꓽ ꓚꓴ ꓬꓲꓹ ꓧꓶꓽ ꓜꓴ ꓪꓟꓣ ꓢꓽ ꓡ ꓙꓵꓽ ꓬꓰ ꓔꓬ ꓢꓴ ꓥ ꓡꓳ꓿
2019 ꓘꓳꓼ 7 ꓦ 18 ꓠꓬꓲ ꓕꓯꓽ ꓴꓢꓮ ꓗꓴꓷꓼ ꓪꓴꓸ ꓓꓵ ꓓꓳ-ꓠꓯ ꓕ-ꓣꓼ ꓔꓯ ꓜꓲ ꓡꓯ ꓘꓳ ꓢꓲꓸ ꓟꓬ-ꓟ ꓗꓴꓷꓼ ꓗꓪ ꓞꓳ ꓠꓲꓸ ꓙꓲ-ꓢꓴ ꓢꓲ ꓤ ꓐꓴ ꓔꓯ ꓟꓬ-ꓟ ꓟꓯꓼ ꓡꓰ ꓢꓰꓼ ꓔꓬ ꓟ ꓓꓳꓽ ꓐꓯ ꓟꓸ ꓖꓶꓽ ꓢꓴ ꓥ ꓡꓳ꓿
ꓖꓳ ꓟ ꓑꓶꓸ ꓓꓴ ꓡꓳ ꓪꓴꓸ ꓕꓲ ꓛꓱꓽ ꓗꓪ ꓟ ꓟꓯꓼ ꓜꓲꓽ ꓡꓰꓽ 2019 ꓘꓳꓼ 8 ꓦ 8 ꓠꓬꓲ ꓕꓯꓽ ꓙꓵꓽ ꓗ ꓠꓳꓸ 200 ꓗꓪ ꓐꓰ ꓐꓯ ꓟꓴ ꓩꓴ ꓗꓷ ꓥ ꓟꓲ꓾ 2019 ꓘꓳꓼ 9 ꓦ 9 ꓠꓬꓲ ꓗꓪ ꓠꓬ ꓫꓵꓽ ꓪꓴ ꓟꓽ ꓬꓰ ꓬꓰ ꓡꓲꓹ ꓩꓴ ꓡ ꓡꓳ꓿