ꓮ-ꓟꓯ-ꓣꓲ-ꓗ ꓟꓯꓼ ꓡꓵꓺ ꓐꓴ ꓔꓯ ꓟꓬꓱ ꓓꓳꓽ ꓖꓶ ꓟ ꓦꓬꓼ ꓠꓬꓲ ꓠꓬꓲꓸ ꓠꓬꓲ 2021 ꓘꓳꓼ 11 ꓦ 11 ꓠꓬꓲ ꓗꓪ꓾ Kachin Rangers ꓟꓯꓼ ꓡꓵꓺ Sara Kaba Joseph Nang Zing Htoi Wa (နန်ဇိန်ထွဲဝါ) ꓔꓯ ꓴꓢ ꓰꓟꓐꓮꓢꓢꓬ ꓡꓰ ꓟꓬꓱ ꓓꓳꓽ ꓖꓶ ꓘꓶꓽ ꓐꓳ ꓩꓴ ꓡ ꓡꓳ꓿
ꓬꓲꓸ ꓠꓬ ꓟꓬ-ꓟ ꓗꓴꓷꓼ ꓡꓳ ꓪꓴꓸ ꓕꓲ ꓒꓳꓹ ꓗꓪ ꓟ ꓟꓯꓼ ꓘꓶꓽ ꓗꓪ ꓑꓶꓸ ꓑꓶꓸ ꓡꓰꓽ ꓟꓯꓼ ꓢꓰꓼ ꓗꓷ ꓢꓴ 101 Kachin Rangers ꓟꓯꓼ ꓒꓽ ꓐꓴ ꓗꓪ ꓐꓰ ꓕꓲ ꓣꓳ ꓥ ꓡꓳ ꓐꓰ ꓐꓳ ꓔ ꓡꓳ꓿
ꓮ ꓫꓶ ꓬꓲ ꓞꓲꓼ 97 ꓘꓳꓼ ꓡꓳꓼ ꓬꓰ ꓕꓯ ꓟꓶ-ꓚꓲ-ꓠ ꓗꓪ ꓫꓵꓻꓳ꓿ ꓬꓲ ꓦꓲ ꓢꓲ ꓟ ꓐꓰ꓾ ꓤ ꓠꓱ 6 ꓣꓳ꓾ ꓡꓲꓸ ꓑ ꓡꓲꓸ ꓟ 21 ꓣꓳ꓾ ꓡꓲꓸ ꓒꓲꓽ 3 ꓣꓳ ꓜꓰ ꓒꓰꓹꓳ꓿ ꓬꓲꓸ ꓫꓵ ꓥ ꓟꓲ ꓟꓬꓱ ꓓꓳꓽ ꓞꓼ ꓓꓳ ꓠꓬ ꓜꓰ ꓔꓬ ꓢꓰ ꓥꓳ ꓐꓰ ꓟꓬꓱꓽ ꓓꓳ ꓖꓶ ꓕꓳ ꓶ ꓗꓪ ꓐꓳ ꓔ ꓡꓳ꓿