2024 ꓘꓳꓼ 11 ꓦ 3 ꓠꓬꓲ ꓕꓯ ꓟꓬ‐ꓟ ꓗꓴꓷꓼ ꓗꓪ ꓔꓬ ꓢꓴ ꓙ‐ꓟꓰ ꓐꓰ ꓬꓲ. ꓦꓲ ꓢꓲ ꓟ ꓠꓬ ꓔꓰꓫꓮꓢ ꓡꓲ‐ꓢꓴ ꓘꓴ‐ꓜꓲ‐ꓞꓳ ꓗꓪ ꓪ ꓘꓴ ꓔ ꓡ ꓡꓳ꓿ ꓙ‐ꓟꓰ ꓠꓬ ꓟꓬꓱꓽ ꓓꓳꓽ ꓙꓳ_ ꓟ ꓣꓮꓑ ꓟꓴ ꓖꓪ ꓖꓪ ꓒꓽ ꓕꓲ ꓣꓳ ꓥꓳ꓿ ꓬꓲ. ꓦꓲ ꓢꓲ ꓟ ꓠꓬ ꓮ‐ꓒꓴꓼ ꓞꓳ ꓫꓵꓽ ꓥ ꓢꓲ. ꓧꓶ. ꓕꓯ ꓕꓽ ꓖ‐ꓟꓶ‐ꓓꓰ (ꓑꓴꓔꓮꓳ) ꓠꓮꓴꓠꓖ ꓗꓮꓲꓠꓖ ꓗꓪ ꓔꓬ ꓢꓴ ꓥꓳ ꓐꓰ ꓢꓷ. ꓪ ꓡꓳ꓿ ꓬꓲ. ꓠꓬ ꓮ ꓟꓶ ꓔꓰꓫꓮꓢ, ꓓꓮꓡꓡꓮꓢ ꓗꓪ ꓙꓳ_ ꓟ ꓪꓴ‐ꓢ ꓢꓲ‐ꓫꓬ ꓕꓳ ꓶ ꓙꓳꓥ ꓦꓲ ꓗꓪ ꓪꓴ‐ꓢ ꓐꓯ ꓘꓶ ꓢꓳ ꓔꓬ ꓢꓴ ꓥ ꓢꓲ. ꓬꓲ. ꓦꓲ ꓢꓲ ꓒ ꓙ‐ꓟꓰ ꓐꓰ ꓬꓲ. ꓮ ꓟꓲ ꓕꓲ ꓣꓳ ꓾ ꓬꓲ. ꓪ 3 ꓒ ꓡꓽ ꓐꓴ ꓠꓬ ꓴꓢꓮ ꓗꓪ ꓛꓲ ꓡ ꓟ ꓥꓳ꓿
ꓠꓬꓲ. ꓠꓬꓲ ꓠꓬ ꓙ‐ꓟꓰ ꓗꓪ ꓐꓪ ꓪꓴ‐ꓢ ꓔꓯ ꓫꓱ. ꓖꓶ ꓟ ꓐꓰ ꓢꓷ. ꓙ ꓟꓴ ꓙ ꓟ ꓾ ꓬꓲ. ꓔꓳ, ꓜꓳꓽ ꓗꓷ_ ꓟ ꓗꓪ ꓪꓴ‐ꓢ ꓮ ꓡꓲ ꓬꓰ ꓙ ꓟ ꓔꓯ ꓮ ꓟꓬ ꓢꓯꓼ ꓖꓶ ꓡ ꓡꓳ꓿ ꓝꓮꓲ ꓠꓬ ꓬꓲ. ꓕꓲ ꓦꓲ ꓢꓴ ꓥ ꓟꓲ ꓢꓯꓼ ꓖꓶ ꓪꓽ ꓖꓶ ꓟ ꓮ ꓟꓬ ꓐꓯ ꓟꓳ. ꓖꓶ ꓡ ꓡꓳ꓿