ꓣꓳ-ꓦꓲ-ꓙ ꓞꓳ ꓫꓵꓽ ꓔꓯ ꓬꓲꓸ ꓛꓴ ꓞꓰꓹ ꓡꓰ ꓓꓴ ꓬꓰ ꓥ ꓐꓯ ꓢꓲ꓾ Iꓚꓙ- international court of justice ꓗꓪ ꓖ-ꓐꓲ-ꓬ ꓗꓴꓷꓼ (Gambia) ꓡꓰ ꓟꓬ-ꓟ ꓗꓴꓷꓼ ꓔꓯ ꓫꓵꓽ ꓩꓴ ꓔꓸ ꓟ ꓔꓯ ꓔꓳꓹ ꓡꓯ ꓘꓳ ꓠꓹ ꓟ ꓜꓲꓽ ꓟꓴꓽ (15) ꓣꓳ ꓕꓲ ꓜꓴ ꓟꓬ-ꓟ ꓗꓴꓷꓼ ꓗꓪ ꓐꓰ ꓔꓴ ꓙꓰꓳ꓿
Video
ꓫꓵꓽ ꓪꓴ ꓕꓱ ꓕꓲ ꓚ3ꓹ ꓐꓱ ꓶ 3 ꓧꓪꓹ ꓕꓲ ꓧꓪꓹ ꓜꓲꓼ ꓓꓴ ꓔ ꓮ 2022 ꓘꓳꓼ 2 ꓦ 21 ꓠꓬꓲ ꓕꓯ꓾ ꓠꓯ-ꓔ-ꓡ ꓗꓴꓷꓼ (Netherlands)꓾ ꓓꓰ-ꓦꓲꓼ ꓡꓳ ꓒꓱ (the Hague) ꓗꓪ ꓜꓲꓻ ꓡꓯ ꓘꓳ ꓠꓹ ꓟ ꓥ ꓢꓲ꓾ ꓟꓬ-ꓟ ꓗꓴꓷꓼ ꓐꓱ ꓶ ꓬꓲꓸ ꓛꓲ ꓦꓰꓼ ꓢꓴ ꓬꓰ ꓠꓹ ꓟ ꓔꓯꓸ ꓟꓳꓸ ꓟꓯꓼ ꓗꓳ-ꓢꓰ ꓐꓰ꓾ ꓠꓴꓖ ꓐꓴ ꓧꓳꓻ ꓡꓯ ꓘꓳ ꓔꓬ ꓟ ꓥ ꓡꓳ꓿
ꓟꓯꓼ ꓗꓳ-ꓢꓰ ꓗꓪ ꓐꓰ ꓗꓳ-ꓗꓳ-ꓡꓮꓲꓽ꓾ ꓓꓳ-ꓔ ꓔꓲ-ꓔ-ꓳꓸ ꓐꓴ ꓐꓰ ꓮ ꓙꓵꓽ ꓠꓬ (15) ꓣꓳ ꓕꓲ ꓜꓴ ꓙ ꓖꓶ ꓢꓲꓸ ꓙꓰˍ ꓡꓳ꓿
” ꓐꓯ ꓟꓴ ꓘꓶꓽ ꓖꓴ ꓗꓪ ꓐꓰ ꓘꓴ ꓕꓳ ꓶ ꓔꓯ ꓟꓬ-ꓟ ꓗꓴꓷꓼ ꓝꓲ ꓓꓴ ꓔꓬ ꓟ ꓦꓲ ꓗꓪ ꓕꓳ ꓶ ꓦ ꓖꓶ ꓡ ꓠꓬꓲ꓾ ꓟꓯꓼ ꓗꓳ-ꓢꓰ ꓣꓴ ꓟꓶ ꓢꓲꓸ ꓙꓰˍ ꓟ ꓥ ꓓꓳ꓿ ꓮ ꓡꓲ ꓐꓯ ꓡꓲꓸ ꓐꓯ ꓕꓱ ꓟ ꓠꓬ ꓞꓳ ꓢꓰꓼ ꓪ ꓢꓰꓼ ꓫꓵꓽ ꓪꓴ ꓥ ꓠꓬꓲ꓾ ꓙꓲˍ ꓟ ꓐꓯ ꓟꓴ ꓕꓲꓺ ꓠꓬ ꓟꓽ ꓥ꓿ ꓝꓴꓲꓸ ꓬꓰ ꓔꓸ ꓢꓴ ꓝꓴꓲꓸ ꓪꓽ ꓒꓵꓽ ꓟꓶ ꓡ ꓥꓳ” ꓐꓰ ꓢꓷꓸ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓠꓴꓖ ꓠꓬ ꓫꓵꓽ ꓪꓴ ꓕꓱ ꓟ ꓗꓪ ꓟꓬ-ꓟ ꓗꓴꓷꓼ ꓐꓱ ꓶ ꓬꓲꓸ ꓛꓲ ꓦꓰꓼ ꓙ ꓢꓴ ꓐꓯ ꓢꓲ꓾ ꓮ ꓟꓶ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓟꓬ-ꓟ ꓐꓱ ꓶ ꓦꓰꓼ ꓙ ꓔꓬ ꓟ ꓝꓲ ꓓꓴ ꓚꓳ-ꓟꓳꓹ-ꓕꓴꓸ ꓔꓯ ꓢꓲꓻ ꓣꓴ ꓔꓸ ꓥ ꓟꓲ ꓐꓯ ꓟꓴ ꓕꓲꓺ ꓗꓪ ꓡꓯ ꓫꓵ ꓮ ꓡꓲ ꓒꓬꓱꓼ ꓡ ꓟ ꓢꓷꓸ ꓪ ꓟꓽ ꓓ ꓢꓰꓽ꓿
2022 ꓘꓳꓼ 2 ꓦ 21, 23, 25, 28 ꓕꓱ ꓡꓲꓸ ꓠꓬꓲ ꓗꓪ ꓐꓯ ꓟꓴ ꓚ ꓟꓸ ꓡꓯ ꓘꓳ ꓓꓴ ꓝꓰꓹ ꓔꓸ ꓡꓳ꓿