ICJ ꓐꓱ ꓶ ꓠꓴꓖ ꓡꓰ ꓙꓽ ꓖꓶˍ ꓟ ꓔꓯ ꓟꓳꓸ ꓢꓷ ꓙ ꓟꓴ ꓙ ꓘꓶꓽ ꓔꓯ 2022 ꓘꓳꓼ 2 ꓦ 15 ꓠꓬꓲ ꓕꓯꓽ ꓠꓴꓖ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ ꓓꓴ-ꓪ ꓡ-ꓫꓲꓸ-ꓡꓼ ꓡꓯꓼ ꓓꓴ ꓢꓽ ꓢꓲꓸ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓖꓳ ꓗꓪ 2016-17 ꓕꓯꓽ ꓣꓳ-ꓦꓲ-ꓙ ꓞꓳ ꓫꓵꓽ ꓔꓯ ꓞꓳ ꓛꓴ ꓞꓰꓹ ꓡꓰ ꓠꓹ ꓟ ꓞꓳ ꓢꓰꓼ ꓪ ꓢꓰꓼ ꓡ ꓟ ꓑꓶꓸ ꓓꓴ ꓖ-ꓐꓲ-ꓬ ꓗꓴꓷꓼ ꓡꓰ ꓟꓬ-ꓟ ꓔꓯ ꓐꓯ ꓟꓴ ꓩꓴ ꓔꓸ ꓟ ꓚꓱꓹ ꓐꓱ ꓶ ꓙꓵꓽ ꓗ ꓒꓽ 2 ꓣꓳ ꓥꓪꓸ ꓔꓸꓳ ꓐꓯ ꓔ ꓡꓳ꓿
ꓙꓵꓽ ꓗ ꓒꓽ ꓠꓬꓲꓽ ꓣꓳ ꓠꓬ Professor Jean-Marc Thouvenin ꓐꓰ꓾ Steven Powles QC ꓐꓴ ꓥ ꓢꓲ꓾ ꓬꓲꓸ ꓪ ꓠꓬ꓾ ꓟꓬ-ꓟ ꓗꓴꓷꓼ ꓬꓲꓸ ꓛꓲ ꓐꓯ ꓟꓴ ꓕꓲꓺ ꓗꓪ ꓦꓰꓼ ꓢꓴ ꓮ ꓟꓶ ꓟꓬ-ꓟ ꓗꓴꓷꓼ ꓬꓲꓸ ꓛꓲ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓦꓰꓼ ꓔꓬ ꓟ ꓝꓲ ꓓꓴ ꓓꓽ ꓟ ꓴ-ꓚꓳ-ꓟꓳꓹ-ꓕꓴꓸ ꓐꓰ ꓕꓲ ꓛꓳ ꓐꓯ ꓟꓴ ꓕꓱꓻ ꓓꓴ ꓥꓳ ꓐꓯ ꓔꓸ ꓡꓳ꓿
2002 ꓘꓳꓼ ꓕ ꓑꓳꓸ ꓟꓬ-ꓟ ꓟꓯꓼ ꓡꓰ ꓬꓲꓸ ꓡꓲꓽ ꓟꓽ ꓛꓳ ꓠꓬꓲꓸ ꓤꓲ ꓟꓶ ꓢꓴ ꓐꓴ ꓐꓱ ꓶ ꓔꓱꓹ ꓜꓳˍ ꓟ ꓫꓵꓽ ꓘꓶꓽ ꓓꓴ ꓒꓬꓱꓼ ꓡ ꓠꓹ ꓟ ꓥꓳꓺ ꓡꓳꓸ ꓡꓳ꓾ ꓐꓰ ꓐꓯ ꓔꓸ ꓡꓳ꓿
ꓬꓲ ꓚꓰꓺ꓾ ꓑꓦꓔꓦ