Elon Musk ꓡꓰ Twitter ꓔꓯ ꓟꓽ ꓪꓴꓻ ꓗꓹꓳ ꓐꓯ ꓩꓴ ꓡ ꓟ ꓑꓶꓸ ꓓꓴ Twitter ꓠꓰ ꓬꓲꓸ ꓔꓯ ꓐꓯ ꓟꓴ ꓕꓱ ꓓꓴ ꓥꓳ ꓐꓯˍ ꓡꓳ꓿
Twitter ꓗꓪ ꓡ ꓞꓳ ꓬꓲꓸ ꓚꓵꓺ ꓟꓽ ꓥ ꓥ꓾ ꓙꓼ ꓗꓪ ꓐꓰ Account ꓒꓴ ꓔꓸ ꓟ ꓮ ꓟꓬ ꓛꓲ ꓙꓳˍ ꓡ? 5 % ꓙꓱ ꓘꓪˍ ꓡꓰꓽ ꓙꓳˍ ꓟ ꓗꓸ ꓚꓵ ꓟꓸ ꓖꓶꓽ ꓡꓯ ꓐꓯˍ ꓟ Elon Musk ꓠꓺ ꓠꓬꓲ ꓘꓶꓽ꓾ ꓓꓰꓽ ꓘꓶꓽ ꓔꓯ Twitter ꓡꓰ ꓒꓳꓹ ꓖꓶ ꓟꓽ ꓫꓳ ꓠꓰ ꓪꓴꓻ ꓟꓽ ꓐꓻ ꓡꓻꓳ ꓐꓰ꓾ 2022 ꓘꓳꓼ 7ꓦ 8 ꓠꓬꓲ ꓢꓷ ꓙ ꓟꓴ ꓙ ꓩꓴ ꓡ ꓟ ꓥ ꓡꓳ꓿
Twitter ꓗꓪ Account ꓬꓲꓸ ꓚꓬꓼ ꓮ ꓟꓬꓹ ꓙꓳ ꓔꓬ ꓠꓬꓲ ꓕꓲꓽ ꓠꓬꓲ ꓟ ꓘꓴꓽ ꓗꓪ (10) ꓢꓯꓹ ꓟꓽ ꓞꓲ ꓢꓲꓹ ꓔꓬ ꓠ ꓔꓸ ꓥ꓾ ꓐꓰ Twitter ꓡꓰ ꓐꓯ ꓔꓸ ꓟ ꓙꓳ ꓡꓳ꓿
Elon Musk ꓡꓰ Twitter ꓔꓯ ꓪꓴꓻ ꓠꓹ ꓟ ꓚꓱꓹ ꓔꓯ ꓠꓽ ꓩꓴ ꓡ ꓠꓰ ꓬꓲꓸ ꓔꓯ ꓐꓯ ꓟꓴ ꓕꓱ ꓓꓴ ꓥꓳ ꓐꓰ Twitter ꓗꓳ-ꓑꓶ-ꓠꓰ ꓢꓽ ꓡ ꓙꓵꓽ Bret Taylor ꓡꓰ ꓡꓯꓽ ꓔꓯꓽ ꓩꓴ ꓡ ꓡꓳ꓿
ꓬꓲꓸ ꓚꓰ꓾ VOA