Elon Musk ꓠꓰ America Party ꓐꓯꓸꓳ ꓫꓵꓽ ꓑ-ꓔꓲ ꓫꓵꓼ ꓕꓲꓽ ꓟ ꓒꓴ ꓪꓴꓸ ꓔꓴ ꓗꓷꓳ ꓐꓰ X ꓗꓪ ꓐꓳ ꓔꓸ ꓡꓳ꓿
ꓮ ꓟꓶ ꓴꓢꓮ ꓗꓴꓷꓼ ꓪꓴꓸ ꓓꓵ Trump ꓔ ꓔꓲ ꓠꓲꓹ ꓟ ꓟꓽ ꓢ ꓡꓯ ꓘꓳ ꓓꓴ ꓙꓳ ꓡꓰ ꓗꓸ ꓠꓯꓸ Elon ꓡꓰ ꓕꓱ ꓡꓱ ꓬꓰ ꓓꓳ ꓡ ꓟ ꓥꓳ꓿
ꓴꓢꓮ ꓗꓪ ꓑ-ꓔꓲ ꓓꓽ ꓟ ꓠꓬꓲꓽ ꓟ ꓡꓰꓽ ꓙꓳˍ ꓢꓲ ꓑ ꓫꓬ ꓙꓵꓽ ꓪ ꓙꓳˍ ꓟ ꓟꓽ ꓥ꓾ ꓣꓳ ꓗꓴꓷꓼ ꓠꓬ ꓞꓳꓸ ꓖꓽ ꓬꓰ ꓡ ꓔꓳꓼ ꓟ ꓗꓪ ꓑ ꓫꓬ ꓐꓴ ꓔꓯ ꓩꓴ ꓗꓷ ꓟ ꓙꓵꓽ ꓪ ꓖꓶ ꓠꓹ ꓟ ꓑ-ꓔꓲ ꓬꓲꓸ ꓫꓵꓼ ꓕꓲꓽ ꓟ ꓒꓴ ꓩꓴꓳ ꓐꓰ ꓐꓯ ꓒꓬꓱ ꓩꓴ ꓡ ꓟ ꓥ ꓡꓳ꓿
“2 ꓟ ꓗꓪ ꓚꓳꓸ ꓕꓲꓽ ꓟ ꓢꓲꓺ ꓣꓴ ꓠ ꓗꓹ ꓟ ꓗꓪ ꓝꓮꓲ ꓕꓲꓽ ꓟ ꓠꓲꓹ ꓫꓵ ꓠꓬ ꓮ ꓟꓶ ꓙꓳ ꓡꓻꓳ꓿ ꓣꓳ ꓗꓴꓷꓼ ꓟ ꓞꓳꓸ ꓖꓽ ꓬꓰ ꓡ ꓔꓳꓼ ꓟ ꓗꓪ ꓣꓳ ꓠꓬ ꓑ ꓫꓬ ꓙꓵꓽ ꓪ ꓟꓽ ꓙꓳ ꓔꓬ꓿ ꓟꓲꓸ ꓟꓲ ꓠꓬ ꓠꓴ ꓪ ꓔꓯ ꓩꓴ ꓗꓷ ꓟ ꓙꓵꓽ ꓪ ꓖꓶ ꓠꓹ ꓟ America Party ꓒꓴ ꓩꓴꓳ” Elon Musk ꓡꓰ ꓫ ꓗꓪ ꓐꓳˍ ꓡꓳ꓿