ꓟꓲ ꓠꓯ ꓗꓪ ꓞꓳ ꓐꓳ ꓓꓽ ꓟ ꓯ-ꓡꓳ ꓟꓼ (Elon Musk) ꓠꓬ꓾ ꓕꓱ-ꓔ (Twitter) ꓔꓯ ꓪꓴꓻ ꓠꓲꓹ ꓫꓵˍ ꓡꓳ꓾ ꓐꓰ 2022 ꓘꓳꓼ 4 ꓦ 14 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓡꓳ꓿
Twitter ꓠꓬ ꓟꓲ ꓠꓯ ꓗꓪ ꓣꓱꓽ ꓢꓴ ꓮ ꓘꓶꓸ ꓟꓬꓽ ꓟ꓾ ꓕꓳ ꓶ ꓐꓰ ꓓꓳꓽ ꓬꓲ ꓫꓵꓽ ꓬꓲ ꓙꓰꓽ ꓠꓲꓹ ꓞ ꓠꓲꓹ ꓧꓳꓽ ꓦ ꓡꓱ ꓘꓳ ꓙꓲˍ ꓟ ꓙꓼ ꓢꓷꓸ ꓠꓲꓹ application ꓕꓲ ꓟ ꓥ ꓡꓳ꓿
“Twitter ꓔꓯ ꓮ ꓔꓲꓸ ꓫꓬꓹ ꓑꓱ ꓫꓬꓹ ꓡꓶꓸ ꓠ ꓔꓸ ꓥ꓿” ꓐꓰ Twitter ꓢꓽ ꓡ ꓙꓵꓽ ꓢꓴ ꓔꓯ ꓐꓳ ꓩꓴˍ ꓟ ꓕꓳ ꓶ ꓗꓪ ꓐꓯ ꓔ ꓡꓳ꓿ ꓬꓲꓸ ꓪꓴꓻ ꓠꓲꓹ ꓫꓵˍ ꓡꓳ꓾ ꓐꓯˍ ꓟ ꓕꓳ ꓶ ꓔꓯ ꓦ ꓩꓴ ꓗꓷ ꓟ ꓥ ꓡꓳ꓿
Twitter ꓕꓲ ꓟ ꓡꓱꓸꓼ ꓶ ꓤ ꓐꓰ ꓢꓷꓸ ꓠꓲꓹ ꓮ ꓙꓵꓽ ꓬꓲꓸ ꓒꓵꓽ ꓔꓯ ꓠꓬ ꓓꓳ-ꓡ 40 ꓔꓴ ꓢꓯꓹ ($40 Billion) ꓒꓵꓽˍ ꓡꓳ ꓐꓰ ꓢꓪꓼ ꓔꓸ ꓡꓳ꓿
ꓬꓲꓸ ꓡꓰ ꓕꓱ ꓡꓱ ꓐꓯ ꓩꓴ ꓡ ꓟ ꓑꓶꓸ ꓓꓴ Twitter ꓶ ꓡꓯꓼ ꓠꓬ 11% ꓓꓯꓻ ꓙꓰꓳ꓾ ꓐꓯ ꓡꓳ꓿
ꓪꓴꓻ ꓠꓲꓹ ꓫꓵˍ ꓡꓳ꓾ ꓐꓯ ꓟ ꓔꓯ ꓬꓲꓸ ꓟꓽ ꓐꓯ ꓢꓰꓽ ꓕꓯꓽ ꓗꓳꓸ ꓡ ꓟ 3 ꓦ ꓘꓴꓽ ꓗꓪ Share ꓕꓲ ꓩꓴꓸ ꓪꓴꓻ ꓪꓴꓸ ꓔꓴ ꓡ ꓟ ꓥ ꓡꓳ꓿
“ꓬꓲꓸ ꓪꓴꓻ ꓠꓲꓹ ꓫꓵ ꓡꓳ ꓐꓯ ꓡ ꓟ ꓔꓯ ꓕꓱ ꓗꓪ ꓢꓷꓸ ꓙꓲꓽ ꓙꓳ ꓢꓴ ꓶ ꓡꓯꓼ ꓛꓳ ꓒꓯꓹ ꓐꓴ ꓙꓲ ꓙꓲ ꓓꓵꓽ ꓙ ꓖꓪꓽ ꓠꓬꓲ ꓓꓴ ꓥꓳ” ꓐꓰ Twitter ꓢꓽ ꓡ ꓙꓵꓽ ꓓꓴ ꓡꓰ ꓐꓯ ꓡꓳ꓿
ꓬꓲꓸ ꓪꓴ ꓪ ꓬꓰ ꓠꓬ ꓮ ꓟ ꓮ ꓡꓰ ꓫꓸ ꓕꓱ ꓐ ꓡ ꓫꓸ ꓕꓱ ꓠꓹ ꓟ ꓬꓰ ꓡ ꓓꓴ ꓬꓲꓸ ꓚꓱꓹ ꓙꓳ ꓡꓳ꓿ ꓮ ꓫꓵꓽ ꓑꓶꓸ ꓓꓴ ꓐꓯ ꓠꓬ꓾ ꓴꓢꓮ ꓗꓴꓷꓼ ꓙꓵꓽ ꓒꓽ ꓬꓲꓸ ꓡꓵ ꓓꓳ-ꓠꓯ ꓕ-ꓣꓼ ꓔꓯ 2021 ꓘꓳꓼ 1 ꓦ ꓕꓯꓽ ꓓꓳꓽ ꓚꓬꓼ ꓐꓰ ꓢꓴ ꓡ ꓙꓴꓽ ꓡ ꓓꓴ ꓓꓳꓽ ꓐꓯ ꓒꓬꓱꓻ ꓡꓳ ꓐꓯ ꓢꓲꓸ ꓬꓲꓸ account ꓔꓯ ꓑꓲꓸ ꓩꓴ ꓡ ꓟ ꓔꓯ Elon Musk ꓟꓽ ꓠꓲꓹ ꓒꓴ꓿ ꓫꓬꓹ ꓔꓱꓹ ꓠ ꓔꓸ ꓥ ꓐꓯˍ ꓟ ꓥ ꓟꓲ ꓕꓱ ꓕꓲ ꓑꓶꓸ ꓥ ꓡꓳ꓿
ꓬꓲꓸ ꓚꓰ꓾ NBC news