ꓟꓸ ꓒꓽ ꓓꓽ ꓟ ꓡ-ꓢ-ꓣꓳ ꓤ ꓟꓶꓼ ꓓꓰꓺ Elizabeth Fish ꓠꓬ ꓴꓢꓮ ꓗꓴꓷꓼ꓾ Trinity Christian University ꓗꓪ ꓐꓰ 2022 ꓘꓳꓼ ꓗꓪ B.Sc (Biology) ꓙꓵꓽ ꓪꓴꓸ ꓛꓴ ꓘꓳꓹ ꓟꓶ ꓬꓰꓳ꓿
Biology ꓠꓬ ꓧꓪꓽ ꓖꓳ ꓓꓱꓽ ꓬꓲꓸ ꓡꓲꓽ ꓬꓲꓸ ꓚꓱꓹ ꓔꓯꓸ ꓟꓳꓸ ꓢꓳ ꓟꓰꓹ ꓠꓬꓲˍ ꓟ ꓥ ꓠꓬꓲ꓾ ꓡ ꓠꓹ ꓟ ꓦꓬꓼ ꓠꓬꓲ ꓗꓪ ꓬꓲꓸ ꓠꓬ ꓠꓯ ꓞꓲꓼ ꓟꓸ ꓟ ꓟꓬꓱꓽ ꓬꓰ ꓠꓹ ꓟ ꓟꓳꓸ ꓙ ꓔꓸ ꓡꓳ꓿
“ꓥꓪ ꓠꓴ ꓤ ꓟꓶꓼ ꓓꓰꓺ Elizabeth ꓠꓬ Trinity Christian University ꓗꓪ ꓐꓰ B.Sc in biology ꓧꓪꓸ ꓡꓰꓳ꓿ ꓡ ꓠꓹ ꓟ ꓗꓪ ꓬꓲꓸ ꓔꓶ ꓙꓱꓼ ꓠꓬ ꓠꓯ ꓞꓲꓼ ꓔꓯꓸ ꓟꓳꓸ ꓟꓸ ꓟ ꓓꓽ ꓬꓰ ꓠꓹ ꓟ ꓥ ꓡꓳ” ꓐꓰ꓾ ꓬꓲꓸ ꓐꓹ ꓐ ꓟꓸ ꓒ ꓓꓽ ꓟ ꓡ-ꓢ-ꓣꓴ ꓡꓰ ꓐꓯ ꓡꓳ꓿
Elizabeth ꓠꓬ 2018 ꓘꓳꓼ ꓕꓯꓽ ꓕꓳ ꓶ ꓢꓳ ꓠꓹ ꓟ ꓟꓬ-ꓟ ꓗꓴꓷꓼ ꓗꓪ ꓐꓰ ꓓꓳ ꓙꓰˍ ꓟ ꓥ ꓡꓳ꓿
ꓡꓲ-ꓢꓴ ꓞꓲꓼ ꓤ ꓡꓯꓹ ꓤ ꓐꓴ ꓪꓴꓽ ꓟꓴˍ ꓟ ꓗꓴꓷꓼ ꓐꓰ ꓢꓷ ꓠꓲꓹ ꓢꓳ ꓓꓳ ꓡ ꓢꓴ ꓟꓬꓽ ꓡ ꓔꓬ ꓟ ꓥꓳ꓿