2022 ꓘꓳꓼ ꓐꓱ ꓶ ꓟꓵ ꓗꓳ ꓓꓵ ꓓꓵ ꓗꓪ ꓐꓰ ꓑꓶꓸ ꓢꓴ ꓤ ꓟꓶꓼ ꓤꓼ ꓡꓯꓼ ꓫꓴ (International Women of Courage Award) ꓔꓯ ꓠꓴꓖ ꓗꓪ ꓟꓬꓱꓽ ꓬꓰ ꓔꓬ ꓟ ꓢꓲꓽ ꓟ Ei Thinzar Maung ꓪ ꓡꓰꓳ꓿
ꓕꓲ ꓟꓲ ꓠꓯ ꓗꓪ ꓐꓰ ꓡꓯꓼ ꓫꓴ ꓟꓶ ꓢꓴ (12) ꓣꓳ ꓙꓳ ꓢꓲ꓾ 2022 ꓘꓳꓼ 3 ꓦ 14 ꓠꓬꓲ ꓕꓯꓽ ꓴꓢꓮ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒ ꓐꓶ-ꓡꓲ-ꓗꓲ ꓡꓰ Online ꓗꓪ ꓐꓰ ꓡꓯꓼ ꓫꓴ ꓖꓶ ꓑꓮꓲ ꓬꓰ ꓓꓴ ꓥ ꓡꓳ꓿
IWOC ꓟꓬꓱ ꓓꓳꓽ ꓡꓯꓼ ꓫꓴ ꓠꓬ꓾ ꓚꓲꓸ ꓛꓬ ꓙꓲ ꓖꓴ ꓡꓳꓺ ꓗꓷ ꓢꓲ꓾ ꓕꓲ ꓟꓲ ꓠꓯ ꓡꓱꓸꓼ ꓗꓪ ꓢꓲ ꓡꓲꓹ ꓟ ꓚꓱꓹ꓾ ꓔꓱꓹ ꓜꓳ ꓟ ꓚꓱꓹ꓾ ꓡ ꓞꓳ ꓶꓽ ꓗꓪ ꓢꓯꓼ ꓕꓵꓼ ꓢꓴ ꓐꓴ ꓔꓯ ꓖꓶˍ ꓟ ꓡꓯꓼ ꓫꓴ ꓥ ꓡꓳ꓿
Ei Thinzar Maung ꓠꓬ 2021 ꓘꓳꓼ ꓟꓬꓱ ꓓꓳꓽ ꓙꓳˍ ꓟ (100) ꓣꓳ ꓗꓪ ꓥ ꓟꓲ ꓢꓲꓻ ꓪ ꓢꓴ ꓕꓲ ꓣꓳ ꓥ ꓡꓳ꓿
ꓟꓬ-ꓟ ꓗꓴꓷꓼ ꓚ ꓟꓲꓽ ꓗꓪ꓾ 2012 ꓘꓳꓼ ꓗꓪ ꓥ ꓟꓲ International Women of Courage Award ꓔꓯ ꓮ ꓟꓶ ꓠꓴꓖ ꓗꓴꓷꓼ ꓙꓵꓽ ꓜꓴ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓟ ꓜꓰ-ꓟ-ꓮꓳꓽ ꓪ ꓠꓬꓲˍ ꓡꓳ꓿