ꓧꓶꓸ ꓕꓯ ꓟ-ꓓꓲ-ꓡꓲ ꓡꓳ ꓒꓱ ꓙꓵꓽ ꓢꓲꓽ ꓒꓽ ꓓꓽ ꓟ ꓬꓰ ꓗꓷ ꓢꓴ Dr. ꓜꓳ-ꓟꓲꓼ-ꓟꓮꓳ ꓠꓬ 2024 ꓘꓳꓼ 10 ꓦ 7 ꓠꓬꓲ ꓠꓯꓼ 3 ꓙꓵꓹ ꓕꓯꓽ ꓧꓪ ꓖꓳ ꓓꓱꓽ ꓡꓳꓹ ꓬꓰꓳ꓿
ꓬꓲꓸ ꓔꓯ ꓟꓬ-ꓟ ꓟꓯꓼ ꓡꓰ 2021 ꓘꓳꓼ ꓕꓯ ꓣꓴ ꓡꓴꓽ ꓔꓸ ꓢꓲ꓾ ꓖꓳ ꓫꓵ ꓠꓬꓳ ꓫꓵꓽ ꓝꓴꓲ ꓮ ꓟꓬꓹ ꓫꓵꓽ ꓓꓰꓺ ꓢꓲꓸ 29 ꓘꓳꓼ ꓡꓴꓽ ꓠꓹ ꓟ ꓐꓯ ꓞꓷꓹ ꓟꓶ ꓔꓸ ꓢꓴ ꓥ ꓡꓳ꓿
ꓬꓲꓸ ꓧꓪ ꓖꓳ ꓓꓱꓽ ꓡꓳꓹ ꓬꓰ ꓘꓶꓽ ꓟ ꓗꓪ ꓬꓲꓸ ꓔꓯ ꓡꓲꓹ ꓖꓶ ꓩꓴ ꓥꓳ ꓐꓰ ꓐꓱ ꓓꓴꓽ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓕꓵꓼ ꓪ ꓵꓺ ꓟꓸ ꓖꓶ ꓡꓳ꓾ ꓐꓯ ꓡꓳ꓿ ꓬꓲꓸ ꓠꓬ ꓗꓲ-ꓢ ꓠꓻ ꓔꓬ ꓢꓴ ꓥ ꓢꓲ꓾ ꓠꓯ ꓞꓲꓼ ꓙꓲ ꓙꓲ ꓟꓽ ꓫꓬꓹ ꓪ ꓠꓬꓲ꓾ ꓕꓱ ꓡꓱ ꓧꓪ ꓖꓳ ꓓꓱꓽ ꓡꓳꓹ ꓬꓰ ꓟ ꓥ ꓡꓳ꓿
ꓬꓲꓸ ꓔꓯ ꓠꓲꓹ ꓠꓵ ꓢꓴ ꓐꓴ ꓮ ꓟꓬꓹ ꓠꓬ ꓥꓪ ꓠꓴ ꓮ ꓡꓲ ꓬꓰ ꓟꓽ ꓐ ꓡ ꓠꓬꓲ ꓠꓴ ꓔꓯ ꓚꓬꓴꓹ ꓣꓴ ꓟꓽ ꓐ ꓡꓻꓳ ꓐꓰ ꓖꓶ ꓬꓲꓽ ꓘꓶꓽ ꓕꓱ ꓢꓲꓸ ꓠꓲꓹ ꓠꓻ ꓟꓬ ꓠꓻ ꓔꓬ ꓡꓳ꓿