ꓪ ꓠꓬꓲ_ ꓟ ꓗꓴꓷꓼ ꓗꓪ ꓐꓰ ꓧꓳꓽ ꓣꓱꓽ_ ꓔꓬ ꓟ ꓧꓳꓽ ꓣꓱꓽ ꓚꓰ,꓾ ꓗꓴꓷꓼ ꓢꓲ.. ꓡꓲ, ꓟ ꓒꓬꓱ, ꓡ ꓠ ꓟ ꓧꓳꓽ ꓣꓱꓽ ꓔꓬ ꓟ Donal Trump ꓧꓳꓽ ꓣꓱꓽ ꓚꓱ, ꓔꓯ ꓠꓲ, ꓒꓴ ꓠꓲ, ꓧꓳ, ꓡꓳ ꓐꓰ ꓜ‐ꓡꓼ‐ꓢ‐ꓗꓰꓼ ꓡꓰ ꓐꓯ ꓡꓳ꓿ ꓕꓱ ꓟ ꓔꓯ ꓓꓳꓠꓮꓡ ꓔꓣꓴꓟꓑ ꓥ ꓟꓲ ꓕꓳ ꓶ ꓘꓳ ꓣꓴ ꓪ ꓡꓰꓳ ꓐꓰ ꓮ ꓟꓲꓽ ꓕ ꓗꓴꓷꓼ ꓙꓵꓽ ꓢꓴ ꓐꓴ ꓔꓯ ꓫ ꓕꓱ ꓟ ꓗꓪ ꓐꓯ ꓔ ꓡꓳ꓿
2 ꓦ 28 ꓠꓬꓲ 2025 ꓘꓳꓼ꓾ ꓠꓽ ꓥꓪꓽ ꓠꓬꓲ ꓕ ꓜ‐ꓡꓼꓢ‐ꓗꓰꓼ ꓠꓬ ꓦꓲ ꓒꓴ ꓒꓴ ꓗꓪ ꓡ ꓢꓲ. ꓔꓣꓴꓟꓑ ꓐꓰ ꓖꓪ ꓙꓱˍ ꓕꓯ ꓖꓪ ꓙꓱ ꓚꓱ, ꓟꓽ ꓪ ꓬꓰ ꓢꓲ. ꓦꓲ ꓒꓴ ꓒꓴ ꓗꓪ ꓐꓰ ꓓꓳ., ꓙꓰ_ ꓠ ꓗꓷ ꓙꓰ ꓗ. ꓠꓯ. ꓮ ꓟꓶ ꓠꓬ ꓔꓣꓴꓟꓑ ꓗꓪ ꓐꓰ ꓬꓰ ꓙ ꓔꓳ, ꓙ ꓚꓱ, ꓮ ꓙꓵ ꓑꓰꓼ ꓞꓲꓽ ꓩꓴ ꓗꓷ. ꓟ ꓕꓵꓼ ꓪ ꓖꓶꓽ ꓗꓷ ꓗ. ꓠꓯ. ꓾ ꓜ‐ꓡꓼ‐ꓢ‐ꓗꓰꓼ ꓠꓬ ꓔꓣꓴꓟꓑ ꓔꓯ ꓝꓮꓲꓽ ꓕꓲ ꓧꓪ ꓖꓪ ꓚꓱ, ꓠ ꓟ ꓐꓰ ꓔꓣꓴꓟꓑ ꓧꓳꓽ ꓣꓱꓽ ꓚꓱ, ꓔꓯ. ꓠꓲ, ꓧꓳ, ꓡꓳ ꓐꓰ ꓐꓯ ꓩꓴ ꓡ ꓟ ꓥꓳ꓿
ꓬꓲ. ꓪ ꓠꓬꓲ ꓣꓳ ꓠꓬ ꓮ ꓕ ꓟꓳ ꓡꓯ ꓘꓳ ꓟ ꓔꓯ ꓠꓬ ꓟꓽ ꓐꓯ ꓔ ꓢꓰ꓿
ꓝ. ꓵ ꓠꓬꓲ ꓓꓴ꓾