ꓟꓬꓱ ꓓꓳꓽ ꓙꓳˍ ꓟ ꓑꓲꓹ ꓡꓴꓸ ꓑꓲꓹ ꓒꓽ David Beckham ꓠꓬ ꓬꓲꓸ ꓚꓲ ꓛꓬ social media ꓗꓪ ꓟ Facebook, Twitter Account ꓔꓯ ꓬꓴ-ꓗ-ꓣꓲ-ꓬ ꓗꓴꓷꓼ Kharkiv ꓡꓳ ꓒꓱ ꓗꓪ ꓔꓬ ꓤ ꓠꓱ ꓠꓯ ꓞꓲꓼ ꓟꓸ ꓟ ꓓꓽ ꓟ Iryna ꓔꓯ ꓡꓯꓼ ꓙꓱ ꓖꓶꓽ ꓗꓷꓳ꓿
David Beckham ꓠꓬ ꓟꓲ ꓠꓯ ꓗꓴꓷꓼ ꓜꓴ ꓡꓯꓼ ꓛꓲ ꓗꓪ ꓟ ꓤ ꓠꓱ ꓤ ꓐꓱ ꓶ ꓒꓴ ꓧꓪ ꓜꓴ (UNICEF) ꓝꓲ ꓓꓴ ꓕꓲ ꓣꓳ ꓥ ꓟ ꓡꓰ ꓐꓰ꓾ ꓟꓵ ꓗꓳ ꓓꓵ ꓓꓵ ꓗꓪ ꓐꓰ ꓤ ꓠꓱ ꓐꓴ ꓐꓱ ꓶ ꓔꓲꓺ ꓖꓶ ꓡ ꓠꓹ ꓟ ꓕꓱ ꓡꓱ ꓬꓰ ꓗꓷ ꓟ ꓥ ꓡꓳ꓿
ꓬꓲꓸ Facebook ꓗꓪ ꓠꓬ ꓡ ꓞꓳ 56 ꓢꓯꓹ ꓬꓲ ꓔꓯ ꓖꓼ ꓛꓳꓽ ꓔꓬ ꓢꓲ꓾ Twitter ꓗꓪ ꓠꓬ 71.5 ꓢꓯꓹ ꓣꓳ ꓙꓳ ꓡꓳ꓿ ꓬꓲ ꓟꓬꓱ ꓓꓳꓽ ꓞꓼ ꓓꓳꓽ ꓗꓪ ꓐꓰ ꓤ ꓠꓱ ꓐꓴ ꓐꓱ ꓶ ꓫꓱꓸ ꓤꓼ ꓔꓲꓺ ꓖꓶ ꓢꓴ ꓙꓳ ꓡ ꓭꓳ ꓐꓰ ꓥꓳ ꓡꓳꓸ ꓔꓬ ꓡꓳ꓿
ꓠꓯ ꓞꓲꓼ ꓟꓸ ꓟ Iryna ꓠꓬ ꓬꓴ-ꓗ-ꓣꓲꓸ ꓗꓪ ꓣ-ꓫꓸ ꓓꓵꓽ ꓡ ꓢꓲꓸ ꓟꓯꓼ ꓢꓰꓼ ꓡ ꓟ ꓕꓲ ꓠꓬꓲ ꓗꓪ ꓐꓰ ꓕ ꓑꓳꓸ ꓟꓲ ꓠꓯ ꓘꓴ ꓗꓪ ꓙꓳˍ ꓟ ꓠꓯ ꓞꓲꓼ ꓦꓲ ꓗꓪ ꓤ ꓟꓶꓼ ꓐꓰ ꓤ ꓠꓱ ꓐꓴ ꓔꓯ ꓠꓯ ꓞꓲꓼ ꓫꓬꓹ ꓖꓶ ꓔꓬ ꓢꓴ ꓥ ꓡꓳ꓿
ꓬꓲꓸ ꓚꓰ꓾ skynews