Covid-19 Delta Variant ꓠꓻ ꓓꓱꓽ ꓙꓳ ꓢꓴ ꓟꓬ-ꓟ ꓗꓴꓷꓼ ꓗꓪ 15 ꓣꓳ ꓚꓹ ꓟꓶ ꓡꓰꓳ ꓐꓰ 2021 ꓘꓳꓼ 9 ꓦ 1 ꓠꓬꓲ ꓕꓯꓽ ꓟꓯꓼ ꓡꓯ ꓛꓲ ꓗꓪ ꓟ ꓖꓳ ꓓꓱ ꓔꓬ ꓢ ꓜꓴ ꓗꓪ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓖꓳ 15 ꓣꓳ ꓠꓬ ꓠꓯ-ꓑꓲ-ꓓꓳ ꓗꓪ ꓐꓰ 5 ꓣꓳ꓾ ꓬꓥ-ꓖꓳꓥ 2꓾ ꓟ-ꓓꓲ-ꓡꓲ 2꓾ ꓢꓰ-ꓔꓱ꓾ ꓔꓮꓳ-ꓥꓳ꓾ ꓡ-ꓫꓴ꓾ ꓟꓳ-ꓡꓲ-ꓟꓬꓲꓽ꓾ ꓟꓳ-ꓬꓪꓮ- ꓗ-ꓡꓯꓹ ꓡꓳ ꓒꓱ ꓗꓪ 1 ꓡꓳ ꓒꓱ 1 ꓣꓳ ꓧꓪ ꓟꓳ ꓔꓸ ꓡꓳ ꓐꓯ ꓡꓳ꓿
ꓚꓳꓦꓲꓓ-19 ꓠꓬ ꓠꓻ ꓓꓱꓽ ꓮ ꓙꓵ ꓟ ꓬꓲꓸ ꓧꓶꓹ ꓚ ꓥ ꓢꓲ꓾ ꓖꓳ ꓗꓪ ꓠꓻ ꓫꓵꓽ ꓬꓲ ꓧꓹ ꓬꓲꓸ ꓧꓹ ꓮ ꓟꓬꓹ ꓙꓳ ꓡꓳ꓿ alpha, beta, gamma, Delta, lambda ꓕꓱ ꓡꓱ ꓟꓽ ꓫꓱꓸ ꓡꓯ ꓘꓳ ꓟ ꓠꓻ ꓫꓵꓽ ꓬꓲꓸ ꓡꓯꓼ ꓗꓸ ꓙꓳ ꓟ ꓥ ꓡꓳ꓿ ꓮ ꓟꓶ ꓐꓯ ꓔꓬ ꓟꓬ Delta ꓕꓲ ꓩꓴꓸ ꓟ ꓔꓯ ꓬꓲꓸ ꓪꓴꓸ ꓧꓪ ꓟꓳ ꓟ ꓗꓴꓷꓼ ꓠꓬ ꓲ-ꓓꓲ-ꓬ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓚꓓꓟ ꓬꓰ ꓔꓬ ꓟ ꓠꓯ ꓞꓲꓼ ꓟꓸ ꓒ ꓕꓲ ꓣꓳ꓾ ꓧꓔꓳꓳ ꓪꓳꓠꓓꓰꓣ ꓡꓴꓢꓔ ꓑꓮꓖꓰ ꓐꓳ ꓢꓴ ꓡꓰ꓾ “ꓮ ꓟꓶ ꓔꓳꓹ ꓜꓳ ꓔꓬ ꓟ ꓠꓬ ꓓꓰꓡꓔꓮ ꓟꓽ ꓥ ꓡ? ꓕꓱ ꓟ ꓠꓬ ꓠꓯꓸ ꓐꓯꓼ ꓓꓳꓽ ꓔꓯ ꓑꓲꓸ ꓩꓴ ꓠꓲꓹ ꓫꓵ ꓠꓬꓲ ꓬꓰ ꓔꓬ ꓟꓽ ꓢꓷꓸ” ꓐꓰ ꓐꓯ ꓡꓽ ꓩꓴ ꓡ ꓡꓳ꓿