2022 ꓘꓳꓼ 12 ꓦ 15 ꓠꓬꓲ ꓕꓯꓽ ꓠꓓꓮꓮ 2023 ꓐꓯˍ ꓟ ꓗꓴꓷꓼ ꓡꓳꓸ ꓗꓽ ꓙꓵꓽ ꓗ ꓔꓯ ꓑ ꓫꓬ ꓝꓲ ꓓꓴ 2 ꓜꓴ ꓕꓲ ꓠꓲꓹ ꓕꓲ ꓪ ꓪꓽ ꓩꓴ ꓟ ꓑꓶꓸ ꓓꓴ ꓴꓢꓮ ꓗꓴꓷꓼ ꓪꓴꓸ ꓓꓵ ꓙꓳꓹ-ꓐ-ꓓꓲ ꓡꓰ ꓡꓯꓼ ꓓꓴ ꓢꓽ ꓓꓳ ꓡꓰ ꓠꓬ ꓙꓵꓽ ꓗ ꓒꓬꓱꓼ ꓡ ꓥꓳ꓿
ꓠꓓꓮꓮ ꓗꓪ ꓟꓬ-ꓟ ꓗꓴꓷꓼ ꓐꓱ ꓶ ꓬꓰ ꓙ ꓔꓺ ꓙ ꓚꓱꓹ Burma Act ꓕꓱꓹ ꓞ ꓢꓲ꓾ ꓠꓴꓖ ꓐꓰ ꓑꓓꓝ ꓐꓴ ꓔꓯ ꓟꓯꓼ ꓶ ꓤ ꓟꓽ ꓥ ꓟ ꓠꓱꓸ ꓐꓯꓼ ꓢꓷꓸ ꓠꓲꓹ ꓚꓱꓹ ꓐꓰ꓾ ꓜꓽ ꓓꓴ ꓓꓳ ꓓꓴ ꓬꓰ ꓙ ꓚꓱꓹ ꓐꓳ ꓔꓸ ꓡꓳ꓿ ꓙꓵꓽ ꓗ ꓕꓱ ꓟ ꓕꓶꓻ ꓡꓰ ꓠꓹ ꓟ ꓑ ꓫꓬ ꓝꓲ ꓓꓴ 2 ꓜꓴ ꓡꓱꓸꓼ ꓪꓽ ꓠ ꓗ ꓟ ꓡꓰ ꓐꓰ ꓮ ꓟꓶꓽ ꓪꓽ ꓩꓴ ꓟ ꓥ ꓡꓳ꓿
“Burma Act ꓠꓬ ꓟꓬ-ꓟ ꓗꓴꓷꓼ ꓗꓪ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓔꓮ ꓟꓳꓸ ꓢꓯꓼ ꓕꓵꓼ ꓔꓬ ꓢꓴ ꓐꓴ ꓐꓱ ꓶ ꓧꓪꓸ ꓡꓰ ꓓꓴ ꓕꓲꓽ ꓕꓳꓼ ꓥꓳ꓿ ꓞꓳ ꓢꓰꓼ ꓪ ꓢꓰꓼ ꓢꓴ ꓟꓬ-ꓟ ꓟꓯꓼ ꓜꓲꓽ ꓐꓴ ꓔꓯ ꓥ ꓟꓲ ꓬꓲꓸ ꓪ ꓬꓰ ꓔꓸ ꓟ ꓝꓴꓲꓸ ꓶꓻ ꓣꓴ ꓝꓲ ꓠꓹ ꓟ ꓥ ꓡꓳ” ꓐꓰ ꓟꓬ-ꓟ ꓚꓱꓹ ꓗꓪ ꓢꓯꓼ ꓕꓵꓼ ꓙ ꓔꓬ ꓢꓴ Gregory Meeks ꓡꓰ ꓐꓯ ꓡꓳ꓿
ꓔꓲꓸ ꓚꓰ꓾ ꓦꓳꓮ