ꓣ-ꓫ ꓗꓴꓷꓼ ꓐꓬꓱꓽ ꓓꓴꓽ ꓗꓪ ꓡꓴꓽ ꓔ ꓟ ꓴꓢꓮ ꓗꓴꓷꓼ ꓐ-ꓢꓲ-ꓗꓯꓼ-ꓐꓳꓹ (busketball) ꓡꓳꓺ ꓖꓪ ꓟ Brittney Griner ꓠꓬ ꓠꓬꓲꓸ ꓠꓬꓲ 2022 ꓘꓳꓼ 12 ꓦ 8 ꓠꓬꓲ ꓕꓯ ꓡꓲꓹ ꓡꓻꓳ꓾ ꓐꓰ ꓴꓢꓮ ꓗꓴꓷꓼ ꓪꓴꓸ ꓓꓵ ꓙꓳ,-ꓐ-ꓓꓲ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ=
WNBA ꓗꓪ ꓟꓬꓱ ꓓꓳꓽ ꓙꓳ ꓢꓴ Brittney Griner ꓠꓬ ꓣ-ꓫꓸ ꓗꓴꓷꓼ ꓗꓪ ꓦ ꓐ 10 ꓟ ꓡꓴꓽ ꓡꓰ ꓢꓲꓸ ꓓꓳꓻ ꓡ ꓟ ꓥ ꓡꓳ꓿
ꓬꓲꓸ ꓠꓬ ꓗꓳꓸ ꓗꓷ ꓟ 2022 ꓘꓳꓼ 2 ꓦ ꓗꓪ ꓬꓲꓼ ꓡ ꓟ ꓜꓲꓽ ꓬꓲꓸ ꓬꓲꓻ ꓬꓲꓸ ꓶꓻ ꓤ ꓕꓱꓹ ꓗꓪ ꓗꓶꓺ ꓔꓯꓹ ꓡ ꓡꓳ ꓐꓯ ꓢꓲ꓾ ꓣ-ꓫꓸ ꓙꓱ ꓦꓲ ꓠꓽ ꓔꓶꓸ ꓕꓲꓽ ꓟ ꓗꓪ ꓣꓴ ꓟꓶ ꓡꓰ ꓟ ꓥ ꓡꓳ꓿
ꓬꓲꓸ ꓡꓲꓹ ꓡ ꓟ ꓙ ꓖꓴ ꓠꓬ꓾ ꓗꓴꓷꓼ ꓠꓬꓲꓽ ꓛꓱꓽ ꓐꓱ ꓓꓴꓽ ꓡꓴꓽ ꓔꓸ ꓢꓴ ꓐꓴ ꓑꓺ ꓡꓯ ꓘꓳ ꓟ ꓚꓱꓹ ꓗꓪ ꓐꓰ ꓡꓲꓹ ꓡ ꓟ ꓥ ꓡꓳ꓿ ꓖꓳ ꓗꓪ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓟ ꓣ-ꓫꓸ ꓑꓳꓺ ꓶ ꓡꓯꓼ ꓬꓰ ꓢꓴ Viktor Bout ꓥ ꓟꓲ ꓴꓢꓮ ꓡꓰ ꓡꓲꓹ ꓩꓴ ꓗꓷꓳ꓿