ꓟꓬ-ꓟ ꓗꓴꓷꓼ ꓗꓪ ꓗꓳ-ꓪꓰꓼ ꓠꓯ ꓞꓲꓼ ꓐꓰ꓾ ꓫꓸ ꓟꓷꓼ ꓔꓬ ꓢꓴ ꓐꓴ ꓔꓯ ꓬꓰ ꓙ ꓚꓱꓹ ꓖꓪ ꓙꓱ ꓡ_ ꓟ꓾ ꓴꓢ ꓗꓴꓷꓼ ꓝꓲ ꓓꓴ ꓡꓵꓺ ꓐꓲ-ꓣꓲ-ꓛꓼ-ꓢ (Bill Richardson) ꓠꓬ 2021 ꓘꓳꓼ 11 ꓦ 1 ꓠꓬꓲ ꓗꓪ ꓛꓲ ꓡ ꓢꓲ꓾ 4 ꓠꓬꓲ ꓕꓯ ꓡꓽ ꓙꓰꓳ= “ꓟꓬ-ꓟ ꓗꓴꓷꓼ ꓡ ꓞꓳ 55 ꓪꓹ ꓟ ꓗꓳ-ꓪꓰꓼ ꓠꓻ ꓗꓽ ꓠꓯ ꓞꓲꓼ ꓟꓽ ꓗꓸ ꓪ ꓡ ꓥꓳ ꓐꓰ ꓙꓽ ꓫꓸ ꓟꓽ ꓛꓲ” ꓐꓰ ꓬꓲꓸ ꓡꓰ ꓐꓯ ꓡꓳ=
ꓬꓲꓸ ꓡ ꓕꓯ ꓮꓳ-ꓢ-ꓢꓴ-ꓚꓰ ꓔꓯ ꓠꓬ ꓟꓽ ꓜꓲ ꓡꓯ ꓘꓳ= ꓠꓼ ꓢꓼ ꓗꓼ ꓢꓽ ꓡ ꓙꓵꓽ ꓟꓰꓹ-ꓮꓳ-ꓡꓮꓲꓽ ꓐꓰ ꓠꓱꓸ ꓐꓯꓼ ꓟꓯꓼ ꓜꓲꓽ ꓐꓴ ꓔꓯ ꓜꓲ ꓡꓯ ꓘꓳ ꓟ ꓡꓰꓽ ꓟꓽ ꓞꓲ꓾ ꓮ-ꓟꓯ-ꓣꓲ-ꓗ꓾ ꓰ-ꓬꓴ꓾ ꓲ-ꓓꓲ-ꓬ꓾ ꓳ-ꓢꓲ-ꓔꓯ-ꓡꓲ-ꓬ꓾ ꓗ-ꓠꓯ-ꓓ꓾ ꓙ-ꓑ꓾ ꓐꓲ-ꓔꓲ ꓗꓴꓷꓼ ꓝꓲ ꓓꓴ ꓐꓴ_ ꓐꓰ ꓥ ꓟꓲ ꓜꓲ ꓡꓯ ꓘꓳ ꓗꓷꓳ= ꓬꓲꓸ ꓠꓬ ꓟꓬ-ꓟ ꓗꓴꓷꓼ ꓐꓰ ꓢꓷꓸ ꓡꓯ ꓘꓳ ꓡ ꓟ 30 ꓘꓳꓼ ꓟꓽ ꓞꓲ ꓡꓳꓼ ꓢꓴ ꓴꓢ ꓗꓴꓷꓼ ꓟꓬꓱꓽ ꓬꓰ ꓢꓴ ꓬꓲꓸ ꓡꓵꓺ ꓕꓲ ꓣꓳ ꓥ ꓡꓳ=