ꓟꓬ-ꓟ ꓗꓴꓷꓼ ꓔꓯ ꓟꓬ-ꓟ ꓟꓯꓼ ꓡꓰ ꓙꓵꓽ ꓩꓴ ꓡ ꓟ ꓟꓲꓸ ꓟꓲ ꓠꓬ 3 ꓘꓳꓼ ꓐꓲ ꓡꓰ ꓢꓲ꓾ ꓦꓹ ꓠꓯꓼ 2024 ꓘꓳꓼ 2 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ 5 ꓧꓪꓸ ꓕꓲ ꓧꓪꓸ ꓟꓯꓼ ꓙꓵꓽ ꓪ ꓦꓬꓼ ꓠꓬꓲ ꓦ ꓐ 6 ꓟ ꓫꓵꓺ ꓩꓴ ꓗꓷꓳ꓾ ꓐꓰ ꓟꓣꓔꓦ ꓗꓪ ꓐꓰ ꓢꓷ ꓙ ꓟꓴ ꓙ ꓡꓳ꓿
ꓓꓳꓽ ꓐꓬꓱꓽ ꓢꓯꓸ ꓓꓳ ꓡ ꓟ ꓗꓪ ꓟꓯꓼ ꓜꓲꓽ ꓗꓽ ꓟꓰ꓾-ꓮꓳ-ꓡꓮꓲ꓾ ꓧꓶꓸ ꓕꓯꓽ ꓟꓬ-ꓟ ꓗꓴꓷꓼ ꓪꓴꓸ ꓓꓵ ꓠꓬꓲꓽ ꓣꓳ ꓕꓲꓽ ꓣꓳ ꓥ ꓢꓴ ꓟ ꓟꓲꓼ-ꓢꓱ꓾ ꓔꓳꓹ ꓙ ꓗꓴꓷꓼ ꓪꓴꓸ ꓓꓵ ꓐ-ꓕꓲꓸꓬꓴ꓾ ꓗꓴꓷꓼ ꓜꓲꓼ ꓓꓴ ꓢꓽ ꓡ ꓙꓵꓽ ꓔꓲ-ꓘꓴ-ꓟꓬꓼ ꓐꓴ ꓜꓲꓼ ꓔꓬ ꓟ ꓐꓬꓱꓽ ꓟꓳꓸ ꓖꓶ ꓔꓸ ꓡꓳ꓿
2020 ꓘꓳꓼ 2 ꓦ 1 ꓠꓬꓲ꓾ ꓟꓬ-ꓟ ꓟꓯꓼ ꓡꓰ ꓑ ꓫꓬ ꓡꓰ ꓢꓲꓻ ꓔꓸ ꓟ ꓗꓴꓷꓼ ꓙꓴꓽ ꓜꓴ ꓡꓯ ꓒꓯꓹ ꓗꓪ ꓐꓰ ꓗꓴꓷꓼ ꓙꓵꓽ ꓪ ꓣꓴ ꓙꓰ ꓟ ꓕꓲꓽ ꓠꓬꓲ ꓗꓪ “1 ꓘꓳꓼ ꓘꓴ ꓗꓪ ꓢꓲꓻ ꓣꓴ ꓑꓮꓲꓽ ꓬꓰ ꓢꓲꓸ ꓧꓪꓸ ꓡꓰ ꓢꓴ ꓔꓯ ꓗꓴꓷꓼ ꓙꓵꓽ ꓪ ꓡꓲꓸ ꓖꓶ ꓓꓴ ꓥꓳ” ꓐꓯˍ ꓟ ꓬꓲꓸ ꓚꓽ ꓟꓽ ꓒꓬꓱꓼ ꓡ꓿