2022 ꓘꓳꓼ 4 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ 16 ꓘꓳꓼ ꓗ ꓑꓳꓸ ꓟ ꓗꓴꓷꓼ ꓡ ꓞꓳ ꓐꓴ ꓟ-ꓐꓳ-ꓔꓲ (national identification card) ꓟꓽ ꓔꓯꓹ ꓔꓯꓹ ꓘꓹ ꓞꓳ ꓪꓴꓽ ꓔꓳꓹ ꓙ ꓕꓳ ꓶ ꓗꓪ ꓐꓰ ꓓꓵꓽ ꓓꓳ ꓙꓰ ꓚꓳ ꓟꓽ ꓓ꓾ ꓪꓰ ꓤ ꓦꓲ ꓗꓪ ꓬꓲꓼ ꓔꓸ ꓪ ꓟꓽ ꓓ꓾ ꓕꓵꓼ ꓪ ꓟꓽ ꓛꓳ ꓢꓴ ꓔꓯ ꓝꓴꓲꓸ ꓖꓶꓽ ꓓꓴ ꓥꓳ ꓐꓰ꓾ ꓟꓯꓼ ꓡꓯ ꓛꓲ ꓗꓪ Immigration ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓗꓴꓷꓼ ꓡ ꓞꓳ ꓥ ꓢꓲꓸ ꓟ-ꓐꓳ-ꓔꓲ ꓟꓽ ꓙꓳ ꓢꓰꓽ ꓢꓴ ꓐꓴ ꓔꓯ 2021 ꓘꓳꓼ 5 ꓦ 3 ꓠꓬꓲ ꓗꓪ ꓐꓰ 2022 ꓘꓳꓼ 11 ꓦ 3 ꓠꓬꓲ ꓗꓪ ꓛꓲ ꓕꓲ ꓠꓬꓲ ꓡꓲꓸ ꓕꓲ ꓠꓬꓲ ꓮ ꓘꓶꓸ ꓢꓯꓼ ꓕꓵꓼ ꓢꓲꓸ ꓕꓲ ꓗꓴꓷꓼ ꓡꓱꓸꓼ ꓗꓪ ꓫꓬꓹ ꓖꓶ ꓔꓬ ꓡꓳ ꓐꓰ ꓐꓯ ꓔꓸ ꓡꓳ꓿
“ꓟꓵꓽ ꓘꓶ ꓟꓵ ꓡꓯꓼ ꓗꓪ ꓟ ꓡꓲ-ꓢꓴ ꓐꓴ ꓟ-ꓐꓳ-ꓔꓲ ꓫꓬꓹ ꓔꓶꓸ ꓗꓪ ꓠꓲꓹ ꓞ ꓫꓬꓹ ꓪ ꓠꓬ ꓙꓲˍ ꓡꓳ꓿ ꓟ-ꓐꓳ-ꓔꓲ ꓟꓽ ꓙꓳ ꓠꓬ ꓓꓵꓽ ꓓꓳ ꓠꓹ ꓟ꓾ ꓟꓬꓱꓽ ꓧꓪ ꓚꓱꓹ ꓗꓪ꓾ ꓕꓳ ꓶ ꓢꓳ ꓗꓪ ꓢꓴ ꓗꓸ ꓠꓯꓸ ꓮ ꓘꓶꓸ ꓞꓰ ꓡꓰ ꓡ ꓓꓴ ꓥꓳ꓿ ꓟꓽ ꓙꓳ ꓢꓰꓽ ꓢꓴ ꓮ ꓙꓵꓽ ꓠꓲꓹ ꓞ ꓔꓳꓼ ꓓꓴ ꓬꓰ” ꓐꓰ ꓡꓲ-ꓢꓴ ꓞꓳ ꓪꓴꓽ ꓕꓲ ꓣꓳ ꓡꓰ ꓢꓯꓼ ꓖꓶˍ ꓡꓳ꓿