ꓚꓳꓦꓲꓓ-19 ꓔꓯ ꓗꓽ ꓔꓳꓹ ꓡꓯ ꓘꓳ ꓠꓹ ꓟ ꓟꓬ-ꓟ ꓐꓱ ꓶ ꓟꓲ ꓠꓯ ꓒꓴ ꓜꓴ (ꓲꓟꓝ) ꓡꓰ ꓖꓶ ꓔꓸ ꓟ ꓓꓳ-ꓡ 372 ꓪꓹ ꓠꓬ ꓟꓯꓼ ꓡꓯ ꓒꓯꓹ ꓗꓪ ꓟꓶꓽ ꓬꓰꓳ ꓐꓰ 2021 ꓘꓳꓼ 11 ꓦ 3 ꓠꓬꓲ ꓗꓪ ꓲꓟꓝ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
$100 ꓪꓹ ꓕꓯꓽ ꓢꓲ ꓣꓱꓽ ꓢꓲꓸ ꓟꓬꓱꓽ ꓬꓰ ꓟ ꓮ ꓙꓵꓽ ꓲꓟꓝ ꓔꓯ ꓢꓷꓸ ꓖꓶ ꓠꓹ ꓟ ꓐꓰ꓾ ꓔꓲꓺ ꓒꓴ ꓕꓱ ꓟꓬ ꓟ ꓣꓱꓽ ꓢꓲ ꓟꓬꓱꓽ ꓮ ꓡꓲ ꓬꓰ ꓔꓬ ꓟ ꓦ ꓐ 3 ꓟ ꓗꓪ 1 ꓧꓪꓹ ꓕꓳ ꓶ ꓗꓪ ꓐꓰ ꓢꓷꓸ ꓡ ꓠꓹ ꓟ ꓐꓯ ꓔꓸ ꓥ ꓟꓲ ꓮ ꓫꓵꓽ ꓡꓲꓸ ꓟꓽ ꓢꓷꓸ ꓡ꓿
“ꓟꓬꓱꓽ ꓬꓰ ꓟ ꓗꓪ ꓟꓯꓼ ꓠꓬ ꓮꓳ-ꓢꓸ-ꓢꓴ-ꓚꓰꓽ ꓡꓰ ꓧꓳꓽ ꓪꓴꓸ ꓟꓴ ꓟ ꓠꓡꓓ ꓗꓴꓷꓼ ꓙꓵꓽ ꓜꓴ ꓡꓰ ꓐꓰ ꓒꓴ ꓒꓴ ꓡꓯꓽ ꓡꓯꓽ ꓟꓽ ꓔꓸ꓿ ꓥꓪ ꓠꓴ ꓖꓶ ꓔꓸ ꓟ ꓔꓲꓺ ꓒꓴ ꓠꓬ ꓟꓳꓸ ꓙ ꓔꓸ ꓟ ꓗꓪ ꓣꓱꓽ ꓔꓬ/ꓟꓽ ꓔꓬ ꓮ ꓫꓵꓽ ꓡꓲꓸ ꓟꓽ ꓢꓷꓸ ꓪ” ꓐꓯ ꓡꓳ꓿
ꓓꓳ-ꓡ 372 ꓪꓹ ꓠꓬ ꓟꓯꓼ ꓡꓰ ꓙꓵꓽ ꓪ ꓣꓴ ꓔꓯꓹ ꓙꓰ ꓓꓴ ꓬꓰˍ ꓘꓶꓽ ꓟ ꓦꓬꓼ ꓠꓬꓲ ꓗꓪ ꓦ ꓔꓸ ꓟ ꓥ ꓢꓲ꓾ ꓮ ꓟꓶ ꓖꓳ ꓑꓳꓸ ꓠꓬ ꓮ ꓫꓵꓽ ꓕꓲ ꓒꓯꓼ ꓡꓲꓸ ꓟꓽ ꓬꓰ ꓙꓻꓳ ꓐꓯ ꓡꓳ꓿