ꓴꓢꓮ ꓠꓬ 30 ꓘꓳꓼ ꓟ ꓘꓴꓽ ꓗꓪ ꓙꓬ ꓡꓳꓹ ꓬꓰ ꓟ ꓟꓶꓽ ꓞꓴꓽ ꓦꓬꓼ ꓠꓬꓲ ꓗꓳꓸ ꓪ ꓔꓬ ꓢꓲ꓾ ꓪꓽ ꓟꓲꓽ ꓦꓳ ꓕꓳ ꓙꓶꓼ ꓔꓬ ꓠꓬꓲ ꓽꓟꓞꓲ 12 ꓦ 22-23 ꓘꓴꓽ ꓗꓪ ꓙꓱ ꓦꓲ ꓚꓱꓹ (5000) ꓟ ꓠꓽ ꓔꓬ ꓡꓳ꓿
12 ꓦ 23 ꓠꓬꓲ ꓛꓲ ꓡ ꓟ ꓡꓰ ꓐꓰ ꓬꓰ-ꓢꓴ ꓦꓵ ꓑꓮꓲ ꓗꓪ ꓖꓳ ꓑꓳꓸ ꓕ ꓑꓳꓸ ꓓꓵ ꓓꓵ ꓓꓳ ꓓꓳ ꓬꓰ ꓠꓹ ꓟ ꓙꓰ ꓗꓸ ꓟꓽ ꓘꓳꓽ ꓗꓪ ꓛꓲ ꓥꓰꓺ/ ꓪꓽ ꓟꓲꓽ ꓦꓲ ꓙꓱꓼ ꓔꓬ ꓡꓳ ꓐꓰ ꓚꓠꓠ ꓡꓰ ꓓꓳꓽ ꓜꓳˍ ꓡꓳ꓿
“ꓟꓲꓸ ꓟꓲ ꓠꓽ ꓮ ꓡꓲ ꓟꓼ ꓬꓰ ꓙꓬˍ ꓟꓽ꓿ ꓟꓲꓽ ꓦꓲ ꓙꓶꓼ ꓓꓴ ꓟ ꓠꓰ ꓮ ꓘꓶꓸ ꓪꓳ ꓔꓳ ꓫꓲꓼ ꓫꓲꓼ ꓙꓬˍ ꓥ” ꓐꓰ ꓔꓮꓫꓮꓢ ꓗꓪ ꓔꓬ ꓟ ꓞꓳ ꓔꓲ ꓮ-ꓓꓶꓸ-ꓙꓬ ꓡꓰ ꓐꓯ ꓡꓳ꓿
ꓟꓲ-ꓠꓲ-ꓢꓳ-ꓔ ꓗꓪ ꓔꓬ ꓟ ꓞꓳ ꓔꓲ ꓜ-ꓜꓱ-ꓒꓴ ꓡꓰ ꓥ ꓟꓲ꓾ “ꓕꓱ ꓗꓪ ꓠꓬ -24 Celsius ꓙꓳ ꓡꓳ” ꓐꓯ ꓡꓳ꓿
ꓮ ꓟꓶ “bomb cyclone” ꓐꓯˍ ꓟ ꓟꓶ ꓞꓴꓽ ꓟꓲꓽ ꓦꓲ ꓕꓳ ꓕꓲꓽ ꓫꓵꓽ ꓠꓬ ꓢꓯꓼ ꓙꓳ ꓡ ꓢꓲ꓾ ꓳ-ꓧ-ꓬꓳꓹ ꓟꓵꓽ Plains and Great Lakes ꓗꓪ ꓐꓰ ꓠꓰ-ꓬꓴ-ꓬꓳꓼ ꓗꓪ ꓛꓲ ꓪꓽ ꓜꓯꓼ ꓡ ꓥꓳ꓾ ꓐꓰ ꓥꓳ ꓡꓳꓸ ꓔꓬ ꓡꓳ꓿
ꓴꓢꓮ ꓡ ꓞꓳ 1000 ꓢꓯꓹ ꓠꓬ 30 ꓘꓳꓼ ꓟ ꓘꓴꓽ ꓗꓪ ꓙꓬ ꓡꓳꓹ ꓬꓰ ꓟ ꓟꓶ ꓞꓴꓽ ꓗꓳꓸ ꓪ ꓥꓳ ꓐꓰ ꓥꓳ ꓡꓳꓸ ꓔꓬ ꓡꓳ꓿
Source: Reuters, CNN