ꓠꓬꓲꓸ ꓠꓬꓲ 2021 ꓘꓳꓼ 8 ꓦ 4 ꓠꓬꓲ ꓕꓯ꓾ ꓟꓬ-ꓟ ꓗꓴꓷꓼ ꓗꓪ ꓟ 28 ꓑ-ꓔꓲ ꓠꓬ ꓮ ꓟꓶ ꓟꓯꓼ ꓜꓲꓽ ꓗꓽ ꓓꓽ ꓟ ꓡꓰ ꓗꓴꓷꓼ ꓚꓱꓹ ꓧꓳꓽ ꓪꓴꓸ ꓟꓴ ꓔꓬ ꓟ ꓔꓯ ꓓꓳꓹ ꓟꓴ ꓘꓳ ꓣꓴ ꓟ ꓠꓲꓹ ꓡꓶꓽ ꓟꓳꓸ ꓖꓶ ꓩꓴ ꓡ ꓡꓳ꓿
ꓚꓳꓦꓲꓓ-19 ꓟꓬꓱꓽ ꓬꓰ ꓟ꓾ ꓗꓴꓷꓼ ꓙꓵꓽ ꓜꓴ ꓫꓬꓹ ꓡꓲꓸ ꓫꓬꓹ ꓑꓱ ꓟ ꓔꓯ ꓮ ꓘꓶꓸ ꓜꓳ ꓡꓳ ꓐꓰ ꓘꓳ ꓣꓴ ꓓꓳꓹ ꓟꓳ ꓘꓶꓽ ꓕꓱ ꓢꓲ꓾ ꓝꓮꓲ ꓟꓲ ꓠꓯ ꓗꓴꓷꓼ ꓜꓴ ꓜꓲꓼ ꓓꓴ ꓗꓪ ꓫꓸ ꓕꓱ ꓔꓬ ꓢꓴ ꓟꓬ-ꓟ ꓗꓴꓷꓼ ꓝꓲ ꓓꓴ ꓓꓽ ꓟ ꓚꓳ-ꓟꓳꓹ-ꓕꓴꓸ ꓠꓬ ꓗꓴꓷꓼ ꓔꓯ ꓒꓳꓹ ꓔꓳꓹ ꓢꓴ ꓥ ꓠꓬꓲ꓾ ꓬꓲꓸ ꓔꓯ ꓙ ꓡꓯ ꓘꓳ ꓢꓴ ꓐꓴ ꓥ ꓟꓲ ꓜꓲ ꓜꓲ ꓑꓰꓹ ꓑꓰꓹ ꓟꓽ ꓜꓳ ꓟꓽ ꓔꓱꓹ ꓬꓰ ꓢꓴ (terrorist) ꓔꓯ ꓙ ꓡꓯ ꓘꓳ ꓔꓬ ꓟ ꓢꓷꓸ ꓠꓯ ꓡꓳ꓾ ꓐꓰ ꓐꓳ ꓔ ꓡꓳ꓿
ꓖꓳ 28 ꓑ-ꓔꓲ ꓐꓴ ꓗꓪ ꓧꓶꓸ ꓕꓯ ꓐꓱ ꓓꓴꓽ ꓗꓪ ꓣꓴ ꓡꓴꓽ ꓟꓶ ꓡꓰ ꓢꓴ ꓑ-ꓔꓲ ꓢꓽ ꓡ ꓙꓵꓽ ꓚꓳ-ꓟꓰꓼ ꓐꓰ꓾ ꓕꓯꓸ-ꓮꓳꓽ ꓐꓴ ꓥ ꓟꓲ ꓡꓯꓼ ꓓꓴ ꓜꓸ ꓔꓸ ꓡꓳ꓿
ꓧꓶꓸ ꓕꓯ ꓟꓯꓼ ꓜꓲꓽ ꓗꓽ ꓓ ꓟ ꓔꓯ ꓜꓲ ꓡꓯ ꓘꓳ ꓟ ꓑ-ꓔꓲ 34 ꓑ-ꓔꓲ ꓙꓳ ꓥ ꓟꓲ꓾ ꓕꓱ ꓕꓲ ꓧꓪꓹ ꓠꓬ 28 ꓑ-ꓔꓲ ꓡꓰ ꓪꓽ ꓢꓲ꓾ ꓕꓳ ꓶ ꓐꓳ ꓔꓸ ꓡꓳ꓿ ꓡꓠꓓꓑ ꓑ-ꓔꓲ (ꓛꓬꓹ ꓑ-ꓔꓲ) ꓠꓬ ꓕꓱ ꓕꓲ ꓧꓪꓹ (28) ꓑ-ꓔꓲ ꓠꓲꓹ ꓡꓶꓽ ꓟꓳꓸ ꓖꓶ ꓟ ꓕꓳ ꓶ ꓗꓪ ꓟꓽ ꓔꓺ ꓞ꓿