ꓟꓬ-ꓟ ꓟꓯꓼ ꓗꓳ-ꓢꓰ ꓠꓬ 2025 ꓘꓳꓼ ꓗꓪ ꓢꓲꓻ ꓣꓴ ꓑꓮꓲꓽ ꓬꓰ ꓓꓴ ꓙ ꓖꓶꓽ ꓔꓬ ꓡꓳ꓾ ꓐꓰ ꓑ-ꓔꓲ ꓐꓴ ꓗꓪ ꓐꓰ ꓕꓲꓽ ꓝꓸ ꓢꓷꓸ ꓡ ꓡꓳ꓿
“2024 ꓘꓳꓼ ꓗꓪ ꓠꓬ ꓵꓺ ꓟꓬꓱ ꓖꓳꓻ ꓢꓲ꓾ 2025 ꓘꓳꓼ ꓗꓪ ꓠꓬ ꓢꓲꓻ ꓣꓴ ꓑꓮꓲ ꓬꓰ ꓓꓴ ꓙ ꓖꓶ ꓔꓬꓳ” ꓐꓰ ꓑ-ꓔꓲ ꓗꓴꓷꓼ ꓟꓬꓱꓽ ꓚꓱꓹ ꓗꓪ ꓡꓯꓼ ꓠꓶꓽ ꓢꓴ ꓕꓲꓽ ꓣꓳ ꓡꓰ ꓐꓯ ꓡꓳ꓿
ꓡ ꓠꓹ ꓟ ꓢꓲꓻ ꓣꓴ ꓑꓮꓲꓽ ꓗꓪ ꓙꓼ ꓪꓴꓸ ꓠꓷꓸ (electronic) ꓜꓱꓽ ꓢꓲꓸ ꓬꓰ ꓓꓴ ꓥꓳ꓾ ꓐꓯ ꓢꓲꓸ 2023 ꓘꓳꓼ 9 ꓦ 5 ꓠꓬꓲ ꓕꓯꓽ ꓑ-ꓔꓲ (36) ꓟ ꓘꓴ ꓜꓲꓼ ꓔꓸ ꓢꓲꓸ ꓟꓳꓸ ꓖꓶ ꓡꓳ꓿
ꓟꓯꓼ ꓗꓳ-ꓢꓰ ꓧꓳꓽ ꓢꓴ ꓡꓰ ꓥ ꓟꓲ꓾ 2024 ꓘꓳꓼ ꓗꓪ ꓵꓺ ꓟꓬꓱ ꓖꓳꓻ ꓓꓳ ꓡꓰ ꓕꓯ ꓢꓲꓸ ꓢꓲꓻ ꓣꓴ ꓑꓮꓲ ꓬꓰ ꓐ ꓡ ꓥꓳ ꓐꓰ꓾ 2023 ꓘꓳꓼ 9 ꓦ 1 ꓠꓬꓲ ꓕꓯꓽ ꓫꓸ ꓕꓱ ꓔꓸ ꓡꓳ꓿
ꓟꓯꓼ ꓠꓰ ꓙꓵꓽ ꓪ ꓣꓴ ꓙꓰ ꓕꓯꓽ 1 ꓘꓳꓼ ꓘꓴꓽ ꓗꓪ ꓢꓲꓻ ꓣꓴ ꓑꓮꓲꓽ ꓬꓰ ꓖꓶ ꓢꓲꓸ ꓧꓪꓸ ꓡꓰ ꓢꓴ ꓔꓯ ꓙꓵꓽ ꓪ ꓡꓯꓼ ꓙꓱ ꓓꓴ ꓐꓯ ꓔꓸ ꓥ ꓟꓲ꓾ ꓮ ꓟꓶ ꓠꓬ 2 ꓘꓳꓼ ꓙꓻ ꓬꓰꓳ꓿