ꓴꓢꓮ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓴꓢꓮ ꓗꓴꓷꓼ ꓓꓵꓽ ꓕꓵꓼ ꓪ (ꓦꓲꓢꓮ) ꓔꓯ ꓬꓲꓸ ꓔꓱꓹ ꓮ ꓟꓬꓹ ꓚꓱꓹ ꓗꓪ ꓐꓰ ꓖꓶꓽ ꓔꓬ ꓟ ꓠꓯꓸꓼ ꓗꓪ꓾ ꓓꓦ ꓡꓳꓔꓔꓰꓣꓬ ꓠꓬ ꓕꓲ ꓚꓱꓹ ꓥ ꓡꓳ= ꓓꓦ ꓐꓯ ꓟ ꓠꓬ꓾ Diversity Visa ꓥ ꓢꓲ꓾ ꓞꓳ ꓫꓵꓽ ꓞꓳ ꓙꓰꓽ꓾ ꓦ ꓡꓱ ꓚꓱꓹ ꓬꓲ ꓫꓵ ꓬꓲ ꓙꓰ꓾ ꓟꓬꓱꓽ ꓫꓵ ꓟꓬꓱꓽ ꓙꓰ ꓬꓰ ꓗꓴꓸ ꓢꓴ꓾ ꓟꓲ ꓠꓯ ꓗꓴꓷꓼ ꓫꓵꓽ ꓗꓴꓷꓼ ꓙꓰ ꓮ ꓟꓬꓹ ꓗꓪ ꓐꓰ ꓴꓢꓮ ꓗꓴꓷꓼ ꓗꓪ ꓓꓵꓽ ꓡ ꓝꓲˍ ꓟ ꓚꓱꓹ ꓥ ꓡꓳ= ꓕꓱ ꓟ ꓔꓯ ꓚꓲꓸ ꓬꓯ ꓑꓶꓹ ꓟ꓾ ꓢꓽ ꓢꓱ ꓢꓱˍ ꓟ ꓡꓰ ꓐꓰ ꓙꓼ ꓗꓪ ꓐꓰ ꓢꓲꓻ ꓣꓴ ꓢꓲꓸ ꓬꓲꓸ ꓟꓶꓽ ꓬꓲꓸ ꓢꓯꓹ ꓣꓳ ꓔꓯ ꓕꓲ ꓘꓳꓼ ꓡꓲ ꓕꓲ ꓘꓳꓼ ꓴꓢꓮ ꓗꓪ ꓓꓵꓽ ꓡ ꓝꓲ ꓔꓬ ꓟ ꓥ ꓡꓳ= ꓕꓲ ꓘꓳꓼ ꓡꓲ ꓕꓲ ꓘꓳꓼ 10-11 ꓦ ꓠꓬꓲꓽ ꓗꓴꓸ ꓚꓸ ꓗꓪ ꓓꓰꓽ ꓕꓳ ꓶ ꓘꓳ ꓣꓴ ꓝꓲꓸ ꓥ ꓡꓳ= ꓫꓵꓽ ꓩꓴꓸ ꓙꓲ ꓢꓴ ꓐꓴ ꓮ ꓟꓬꓹ ꓠꓬ ꓕꓱ ꓕꓲ ꓚꓱꓹ ꓗꓪ ꓐꓰ ꓴꓢꓮ ꓗꓪ ꓛꓲ ꓬꓰ ꓪ ꓓ ꓡꓳ=ꓮ ꓟꓶ ꓟꓶ ꓤ ꓟꓽ ꓥ ꓠꓬ ꓓꓦ ꓡꓳꓔꓔꓰꓣꓬ ꓐꓱ ꓶ ꓓꓰꓽ ꓕꓳ ꓶ ꓕꓸ ꓠꓹ ꓟ ꓬꓲꓸ ꓝꓲꓸ ꓠꓶꓽ ꓡ ꓔꓬꓳ= ꓕꓱ ꓟ ꓐꓱ ꓶ ꓙꓽ ꓖꓶ ꓠꓲꓹ ꓫꓵ ꓠꓬ꓾ (1) ꓑꓮꓢꓢꓑꓳꓣꓔ (1 ꓘꓳꓼ ꓗꓪ ꓛꓲ ꓬꓲꓸ ꓙꓵꓹ ꓙꓳˍ ꓢꓰꓽ ꓟ ꓑꓮꓢꓢꓑꓳꓣꓔ ꓥ ꓠꓯˍ ꓡꓳ)(2) ꓐꓬꓱꓽ (2 ꓡꓯꓹ ꓟꓼ 4 ꓗꓴ ꓡꓲ ꓡꓯꓼ ꓙꓳ ꓟ ꓐꓬꓱꓽ= ꓐꓬꓱꓽ ꓗꓪ ꓟꓬ ꓢꓶꓽ ꓛ ꓓꓴ ꓛ ꓟꓽ ꓓ= ꓝꓮꓲ ꓐꓬꓱꓽ ꓗꓸ ꓠꓯꓸ ꓢꓲ ꓠꓬ ꓒꓴ ꓛꓼ ꓛꓼ ꓗ ꓠꓯ ꓡꓳ= ꓐꓬꓱꓽ ꓓꓱꓽ ꓔꓶꓸ ꓗꓪ ꓙꓰ ꓢꓲꓸ ꓴꓢꓮ ꓦꓲꓢꓮ ꓐꓱ ꓶ ꓐꓬꓱꓽ ꓓꓱꓽ ꓠꓲꓹ ꓫꓵ ꓡꓳ ꓐꓯ ꓠꓬ ꓬꓲꓸ ꓪ ꓓꓱꓽ ꓖꓶ ꓐ ꓡ ꓡꓳ= )(3) ꓚꓲ ꓛꓬ ꓟꓬꓱꓺ (ꓑꓮꓢꓢꓑꓳꓣꓔ ꓗꓪ ꓮ ꓡꓲ ꓙꓳ ꓠꓬ ꓖꓳ ꓡꓱ ꓐꓳ ꓠꓯ ꓡꓳ)(4) ꓦꓵ ꓦꓬꓼ ꓠꓬꓲ(5) ꓦꓵ ꓟꓵꓽ ꓡꓳ ꓒꓱ(6) ꓔꓬ ꓖꓴ (7) ꓩꓴꓸ ꓠ ꓐꓼ(8) ꓰ-ꓟꓮꓲꓡ (9) ꓢꓷ ꓠꓲꓹ ꓬꓲꓸ ꓙꓶ (ꓔꓸ 10 ꓔꓯ ꓧꓪꓸ ꓡꓰ ꓢꓴ ꓥ ꓠꓯˍ ꓡꓳ)(10) ꓦꓲ ꓕꓴ ꓗꓪ ꓕꓴꓽ ꓔꓸ ꓢꓴ ꓥ ꓠꓬ ꓦꓲ ꓘꓴ ꓡ ꓞꓳ ꓮ ꓙꓵꓽ ꓓꓰꓽ ꓕꓳ ꓶ ꓗꓪ ꓐ ꓓˍ ꓡꓳ= (ꓖꓳ ꓡꓱ ꓥ ꓟꓲ ꓤ ꓠꓱ 21 ꓘꓳꓼ ꓙ ꓡꓰ ꓢꓴ ꓐꓴ ꓠꓬ ꓬꓲꓸ ꓫꓳꓽ ꓓꓰꓽ ꓕꓳ ꓶ ꓕꓸ ꓠꓯˍ ꓡꓳ= ꓐꓹ ꓐ ꓟꓹ ꓟ ꓐꓰ ꓕꓲ ꓡꓲꓹ ꓓꓰꓽ ꓪ ꓟꓽ ꓓ=)ꓕꓱ ꓡꓱ ꓙꓽ ꓖꓶ ꓔꓸ ꓢꓲꓸ ꓴꓢꓮ ꓗꓴꓷꓼ ꓙꓵꓽ ꓜꓴ ꓡꓰ ꓓꓦ ꓡꓳꓔꓔꓰꓣꓬ ꓓꓰꓽ ꓠꓹ ꓟ ꓦꓬꓼ ꓠꓬꓲ ꓬꓲꓸ ꓙꓵꓹ ꓒꓴ ꓡ ꓠꓬ꓾ (1) ꓚꓳꓟꓑꓴꓔꓰꓣ ꓣꓱꓽ ꓗꓴꓸ ꓢꓴ ꓥ ꓠꓬ꓾ ꓚꓲ ꓛꓬ ꓔꓱꓹ ꓚꓲꓸ ꓛꓬ ꓴꓢꓮ ꓓꓦ ꓓꓰꓽ ꓕꓳ ꓶ ꓕꓸ ꓩꓴ ꓓˍ ꓡꓳ= (2) ꓖꓳ ꓡꓱ ꓬꓰ ꓟꓽ ꓗꓴꓸ ꓠꓬ ꓒꓴ ꓮ ꓔꓲꓸ ꓖꓶꓽ ꓢꓲ꓾ ꓢꓷꓸ ꓢꓴ ꓕꓲ ꓣꓳ ꓣꓳ/ ꓬꓲꓸ ꓜꓴ ꓔꓯ ꓳꓽ ꓧꓪ ꓓ ꓡꓳ= =======ꓙ ꓖꓶ ꓔꓸ ꓓꓴ ꓬꓰ ꓡꓯ= ꓠꓴ ꓫꓵꓽ ꓩꓴꓸ ꓙꓲ ꓠꓬ ꓴꓢꓮ ꓗꓪ ꓙꓰ ꓪ ꓓꓴ ꓥꓳ========