2023 ꓘꓳꓼ 2 ꓦ ꓘꓴꓽ ꓗꓪ ꓮ ꓟꓶ ꓬꓲꓸ ꓚꓱꓹ ꓮ ꓟꓬꓹ ꓗꓪ ꓐꓰ ꓢꓷꓸ ꓠꓲꓹ ꓢꓳ ꓔꓬ ꓢꓴ ꓐꓴ ꓔꓯ 10 ꓔꓸ ꓕꓳ ꓶ ꓘꓳꓽ꓾ ꓬꓲꓸ ꓙꓶ ꓢꓪꓼ ꓖꓶ ꓓꓴ ꓥꓳ ꓐꓰ 2022 ꓘꓳꓼ 7 ꓦ 9 ꓠꓬꓲ ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓬꓲꓸ ꓞꓲꓼ ꓔꓯ ꓟꓳꓸ ꓐꓯˍ ꓠꓬ꓾ 2022 ꓘꓳꓼ 8 ꓦ 31 ꓠꓬꓲ ꓗꓪ (17) ꓘꓳꓼ ꓐꓲ ꓡꓰ ꓢꓴ꓾ 9 ꓔꓸ ꓢꓳ ꓠꓬꓲ ꓢꓴ (ꓬꓲꓸ ꓡꓵꓺ) ꓥ ꓠꓯˍ ꓡꓳ꓿
ꓕꓳ ꓶ ꓘꓳꓽ ꓚꓱꓹ 3 ꓚꓱꓹ ꓙ ꓖꓶ ꓔꓸ ꓟ ꓠꓬ꓾ ꓳ-ꓡꓮꓲꓹ꓾ ꓳꓼ-ꓩꓴ ꓡꓮꓲꓹ ꓐꓰ꓾ ꓢꓳ ꓦꓲ ꓗꓪ ꓡꓯꓼ ꓕꓲꓺ (Online, Offline and on ground) ꓘꓳꓽ ꓝꓲ ꓠꓸ ꓟ ꓙ ꓖꓶꓽ ꓔꓬ ꓡꓳ꓾ ꓐꓯ ꓡꓳ꓿
ꓘꓳꓽ ꓠꓹ ꓟ ꓙ ꓖꓴ ꓔꓯ ꓟꓳꓸ ꓠꓬ꓾ ꓢꓳ ꓚꓱꓹ ꓕꓳ ꓶ ꓔꓯ ꓠꓲꓹ ꓟ ꓗꓪ ꓕꓵꓼ ꓡꓵꓸ ꓟꓯꓻ ꓝꓳˍ ꓟ ꓕꓯꓽ ꓢꓲ꓾ (1) ꓢꓷꓸ ꓟ ꓐꓰ ꓙ ꓜꓲꓼ ꓟ (Knowledge and Understanding) (2) ꓮ ꓡꓲ ꓣꓱꓽ ꓙꓲˍ ꓟ ꓔꓯ ꓟꓳꓸ ꓢꓷꓸ ꓟ (Application and Analysis) (3) ꓬꓲꓸ ꓫꓵꓼ ꓕꓲ ꓚꓱꓹ ꓗꓪ ꓐꓰ ꓫꓵꓽ ꓪꓴꓻ ꓫꓬꓹ ꓗꓴꓸ ꓟ ꓢꓷꓸ ꓠꓲꓹ ꓔꓯ ꓤꓹ ꓠꓬꓲ꓾ ꓕꓻ ꓠꓬꓲ ꓓꓴ ꓥꓳ꓾ ꓐꓯ ꓔꓸ ꓡꓳ꓿
ꓖꓳ ꓟ ꓑꓶꓸ ꓓꓴ ꓠꓴꓖ ꓡꓰꓽ ꓧꓳꓽ ꓪꓴꓸ ꓟꓴˍ ꓟ ꓢꓷ ꓠꓲꓹ ꓕꓳ ꓶ ꓘꓳꓽ ꓑꓮꓲ ꓗꓪ ꓔꓺ ꓠꓲꓹ ꓫꓵ ꓢꓴ ꓠꓬ 10 ꓔꓸ ꓕꓳ ꓶ ꓡꓵꓺ ꓔꓯ ꓢꓳ ꓙꓽ ꓖꓶ ꓠꓹ ꓟ ꓢꓯꓼ ꓖꓶ ꓔ ꓡꓳ꓿