2022 ꓘꓳꓼ ꓗꓪ ꓠꓬ ꓧꓶ ꓗꓴꓷꓼ ꓶ ꓡꓯꓼ ꓚꓱꓹ ꓠꓬ ꓮ ꓕꓽ ꓟꓽ ꓚꓰꓼ ꓞꓰ ꓬꓯꓼ ꓡ ꓓꓴ ꓥꓳ ꓐꓰ ꓟꓲ ꓠꓯ ꓒꓴ ꓞꓳꓽ ꓦꓲ ꓓꓽ ꓟ ꓲꓟꓝ ꓡꓪ ꓢꓪꓼ ꓓꓳ ꓡ ꓡꓳ꓿
ꓕꓱ ꓡꓱ ꓢꓪꓼ ꓓꓳ ꓡ ꓟ ꓬꓲꓸ ꓚꓰꓺ ꓠꓬ꓾ ꓳ-ꓟꓲ-ꓘ-ꓣꓳ ꓠꓻ ꓓꓱꓽ꓾ ꓴꓢꓮ ꓡꓰ ꓶ ꓡꓯꓼ ꓚꓱꓹ ꓗꓽ ꓞꓲꓽ ꓗꓷ ꓡ ꓟ꓾ ꓧꓶꓽ ꓗꓴꓷꓼ ꓘꓴꓽ ꓗꓪ ꓦꓲꓻ ꓐꓱ ꓶ ꓡꓯꓼ ꓫꓵꓽ ꓪꓴ ꓙꓳˍ ꓟ꓾ ꓐꓶ ꓗꓴꓷꓼ ꓐꓰ ꓶ ꓡꓯꓼ ꓚꓱꓹ ꓗꓪ ꓞꓰ ꓡꓰˍ ꓟ ꓑꓶꓸ ꓓꓴ ꓥ ꓡꓳ ꓐꓪ ꓢꓪꓼ ꓔꓬ ꓡꓳ꓿
2021 ꓘꓳꓼ ꓗꓪ ꓧꓶꓽ ꓗꓴꓷꓼ ꓕꓲ ꓗꓴꓷꓼ ꓡꓱꓸꓼ ꓒꓴ ꓧꓪ ꓟꓶˍ ꓟ ꓖꓓꓑ ꓠꓬ 15600 ꓢꓯꓹ ꓪꓹ (15600 billion) ꓙꓳ ꓢꓲꓸ ꓬꓲꓸ ꓙꓶ 9% ꓗꓪ ꓛꓲ ꓓꓯꓺ ꓡ ꓥ ꓟꓲ꓾ 2022 ꓘꓳꓼ ꓗꓪ ꓠꓬ 5.1-5.4% ꓗꓪ ꓛꓲ ꓞꓰ ꓡ ꓓꓴ ꓥꓳ ꓐꓰ ꓢꓪꓼ ꓔꓬ ꓡꓳ꓿
1989 ꓘꓳꓼ ꓗꓪ ꓠꓬ ꓧꓶꓽ ꓗꓴꓷꓼ ꓖꓓꓑ 3.9% ꓗꓪ ꓛꓲ ꓞꓰ ꓬꓰ ꓠꓬꓲˍ ꓟ ꓚꓺ ꓟꓲꓽ ꓙꓳ ꓡꓳ꓿ ꓖꓳ ꓟ ꓑꓶꓸ ꓓꓴ 2022 ꓘꓳꓼ ꓗꓪ ꓖꓳ ꓡꓱ 5% ꓖꓼ ꓡꓯꓼ ꓖꓼ ꓙꓲ ꓞꓰ ꓡ ꓠꓬ꓾ 1990 ꓘꓳꓼ ꓗꓪ ꓐꓰ ꓕ ꓑꓳꓸ ꓧꓶꓽ ꓗꓴꓷꓼ ꓶ ꓡꓯꓼ ꓚꓱꓹ ꓮ ꓘꓶꓸ ꓞꓰ ꓡꓰˍ ꓟ ꓕꓲ ꓘꓳꓼ ꓒꓬꓱꓼ ꓡ ꓥꓳ ꓐꓯ ꓡꓳ꓿
ꓬꓲ ꓚꓰ꓾ ꓚꓠꓠ