ꓴꓢꓮꓲꓓ ꓐꓰ ꓠꓰ. ꓑ ꓬꓰ ꓙ ꓚꓱ, ꓮ ꓙꓵꓽ ꓔꓯ ꓟꓽ ꓬꓰ ꓙ ꓠ, ꓟ ꓐꓱ ꓶ ꓕ‐ꓣ ꓠꓰ ꓡꓯꓼ ꓓꓴ ꓢ ꓢꓲ. ꓐꓯ ꓔ ꓥ_ ꓟꓲ ꓕꓱ ꓟ ꓔꓯ. ꓟꓳ ꓫ ꓪ ꓥꓯ ꓡꓯ ꓘꓳ ꓓꓴ ꓮ ꓘꓶ ꓙꓳ ꓡ ꓔꓬ ꓡꓳ꓿ꓴꓢꓮꓲꓓ ꓬꓰ ꓙ ꓚꓱ, ꓔꓯ ꓠ, ꓡꓰ ꓗꓷ ꓟ ꓗꓪ ꓐꓰ ꓐꓶ ꓗꓴꓷꓼ ꓗꓪ ꓫ ꓔꓬ ꓢꓴ ꓐꓴ ꓮ ꓙꓵꓽ ꓐꓱ ꓶ ꓬꓰ ꓙ ꓔꓳ, ꓙ ꓚꓱ, ꓠ, ꓡꓰ ꓟ ꓥꓳ꓿ ꓮ ꓟꓶ ꓠꓬ ꓕ‐ꓣ ꓠꓰ ꓫꓵꓽ ꓘꓶ ꓔꓶ. ꓗꓪ $2 ꓐꓲꓡꓡꓲꓳꓠ ꓬꓰ ꓙ ꓚꓱ, ꓔꓯ ꓠ ꓡꓰ ꓠ, ꓟ ꓐꓱ ꓶ ꓕꓳ ꓶ ꓐꓳ ꓢꓲ. ꓓꓰꓽ ꓔ ꓥ ꓟꓲ ꓫꓵꓽ ꓘꓶ ꓢꓴ ꓕꓱ ꓟ ꓔꓯ 5 ꓣꓳ 4 ꓣꓳ ꓟꓽ ꓘꓳ ꓣꓴ_ ꓟ ꓗꓪ ꓐꓰ ꓕ‐ꓣ ꓓꓰꓽ ꓘꓶ ꓔꓯ ꓟꓽ ꓘꓳ ꓣꓴ ꓟ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓬꓰ ꓙ ꓚꓱ, ꓔꓯ ꓠꓬ ꓧꓶ ꓕꓯ ꓮ ꓡꓲ ꓬꓰ ꓙ ꓮ ꓡꓲ ꓔꓲ. ꓬꓰ ꓙ ꓐ ꓡ ꓥꓳ ꓐꓰ ꓓꓵꓽ ꓙ ꓔꓬ ꓡꓳ꓿ ꓴꓢꓮꓲꓓ ꓗꓪ ꓐꓰ ꓬꓰ ꓙ ꓟ ꓗꓴꓷꓼ ꓠꓬ 60 ꓗꓴꓷꓼ ꓟꓽ ꓞꓲ ꓗꓪ ꓔꓬ ꓟ ꓫ ꓢꓴ ꓔꓯ ꓬꓰ ꓙ ꓔꓬ ꓟ ꓥꓳ ꓪ꓿
ꓓꓳꓽ ꓚꓰ꓾ ꓣꓰꓴꓔꓰꓣꓢ