ꓟꓬ-ꓟ ꓗꓴꓷꓼ꓾ ꓗ-ꓛꓲ ꓟꓵꓽ꓾ ꓠ-ꓟ-ꓔꓲꓸ ꓡꓳ ꓒꓱ ꓗꓪ ꓐꓰ ꓚꓴꓸ ꓟꓶˍ ꓟ ꓑꓶ-ꓬꓲꓹ ꓗꓪ 110 ꓪꓹ ꓘꓳꓼ ꓡꓳꓼ ꓡˍ ꓟ ꓮ ꓡꓯꓹ ꓐꓶꓽ ꓛꓶ ꓫꓵꓻ ꓟꓳ Retinosaurus hkamtiensis ꓕꓲ ꓟ ꓧꓪ ꓟꓶꓳ ꓐꓰ ꓧꓪ ꓟꓰꓹ ꓢꓴ ꓐꓴ ꓡꓰꓽ ꓐꓯˍ ꓡꓳ꓿
ꓑꓶ ꓬꓲꓹ ꓘꓴꓽ ꓗꓪ ꓟ ꓮ ꓡꓯꓹ ꓐꓶ ꓛꓶꓽ ꓔꓯ Peretti Museum Foundation ꓗꓪ ꓟꓬꓱꓽ ꓬꓰ ꓔꓬ ꓢꓴ ꓟꓬ-ꓟ ꓡ ꓞꓳ ꓴ-ꓥꓰ-ꓥꓰ-ꓮꓳꓽ ꓡꓰ ꓬꓲꓸ ꓰꓴꓸ ꓧꓪ ꓟꓳˍ ꓟ ꓥ ꓡꓳ꓿
ꓖꓳ ꓕꓲ ꓞꓲꓼ ꓢꓯꓸ ꓔꓬ ꓗꓷ ꓢꓲꓸ ꓮ ꓟꓶ ꓬꓲꓸ ꓛꓴ ꓞꓰꓹ ꓬꓰˍ ꓟ ꓢꓯꓸ ꓫꓵꓽ ꓐꓴ ꓟꓸ ꓟꓲꓽ ꓔꓯ ꓧꓪ ꓟꓰꓹ ꓟ ꓗꓪ ꓬꓰ ꓙ ꓓꓴ ꓓꓽ ꓟ ꓥꓳ ꓐꓰ Comenius ꓟꓴ ꓕꓲꓸ ꓢꓳ ꓦꓲ ꓗꓪ ꓟ ꓟꓸ ꓒ ꓓꓽ Andrej Čerňanský ꓐꓰ꓾ ꓬꓲ ꓛꓳ ꓒꓯꓹ ꓐꓴ ꓡꓰ ꓐꓯˍ ꓡꓳ꓿
ꓧꓪ ꓟꓶˍ ꓟ ꓮ ꓡꓯꓹ ꓐꓶ ꓛꓶ ꓫꓵꓻ ꓟꓳ ꓔꓯ CT Scan ꓓꓱꓽ ꓢꓲꓸ ꓬꓲꓸ ꓔꓱꓹ ꓟꓽ ꓗꓹ ꓧꓪ ꓟꓰꓹ ꓠꓬꓲ ꓓꓴ ꓥꓳ ꓐꓰ꓾ Scientific Report ꓕꓳ ꓶ ꓗꓪ ꓢꓷ ꓙ ꓟꓴ ꓙ ꓔ ꓡꓳ꓿