ꓑꓴ-ꓔ-ꓳ꓾ ꓟꓶ-ꓡ-ꓫꓵ-ꓓꓰ ꓗꓪ ꓡꓲ-ꓢꓴ ꓙꓲ-ꓢꓴ ꓘꓴ ꓜꓲꓼ ꓞꓳ ꓐꓴ ꓔꓯ ꓶꓼ ꓓꓳ ꓟꓸ ꓖꓶ ꓡ ꓢꓴ ꓟꓳꓽ ꓟꓸ ꓒ ꓕꓲ ꓦꓲ ꓪꓴ-ꓢ ꓟꓬꓱꓽ ꓬꓰ ꓡ ꓟ 100 ꓘꓳꓼ ꓐꓲ ꓡꓰˍ ꓟ ꓚꓲꓸ ꓟꓶ ꓓꓴ ꓑꓮꓲ ꓔꓯ ꓠꓬꓲꓸ ꓠꓬꓲ 2022 ꓘꓳꓼ 12 ꓦ 23 ꓠꓬꓲ ꓕꓯꓽ ꓬꓰ ꓗꓷꓳ꓿
ꓚꓲꓸ ꓟꓶ ꓓꓴ ꓭꓸ ꓜꓲ ꓘꓴ ꓒꓴ ꓑꓮꓲ ꓐꓰ꓾ ꓟꓳꓽ ꓟꓸ ꓒ ꓕꓲꓽ ꓦꓲ ꓪꓴ-ꓢ ꓟꓬꓱꓽ ꓬꓰ ꓩꓴ ꓡ ꓟ ꓚꓺ ꓟꓲꓽ ꓚꓺ ꓟꓸ ꓖꓶ ꓟ꓾ ꓟꓸ ꓒ ꓟꓳ-ꓫꓲ ꓡꓰ ꓐꓳ ꓔꓸ ꓟ 100 ꓘꓳꓼ ꓜꓴ ꓟꓴ ꓖꓪ ꓔꓯ 100 ꓣꓳ ꓡꓰ ꓖꓪˍ ꓟ꓾ ꓝꓮꓲ ꓚꓲꓸ ꓟꓶ ꓓꓴ ꓡꓯꓼ ꓫꓴ ꓖꓶ ꓡꓯ ꓘꓳ ꓟ ꓬꓰ ꓡꓳ꓿
ꓟꓳꓽ ꓟꓸ ꓒꓽ ꓕꓲ ꓦꓲ ꓠꓬ 1921 ꓘꓳꓼ ꓕꓯꓽ ꓴꓢꓮ ꓗꓪ ꓐꓰ ꓓꓳ ꓡ ꓟ ꓥ ꓢꓲ꓾ ꓮ ꓟꓶ 100 ꓘꓳꓼ ꓗꓪ ꓛꓲ ꓬꓲꓸ ꓤꓽ꓾ ꓬꓲꓸ ꓡꓲꓸ ꓑ (3 ꓤꓶ) ꓗꓪ ꓛꓲ ꓪꓴ-ꓢ ꓟꓬꓱꓽ ꓬꓰ ꓔꓬ ꓢꓰꓽ ꓡꓳ꓿
ꓬꓰ-ꓢꓴ ꓦꓵ ꓑꓮꓲꓽ ꓓꓽ ꓟ ꓥ ꓟꓲ 12 ꓦ 26 ꓠꓬꓲ ꓠꓯꓼ ꓗꓪ ꓛꓲ ꓝꓸ ꓬꓰ ꓙꓰ ꓓꓴ ꓙꓳ ꓡꓳ꓿