ꓟꓬ-ꓟ ꓒꓴ ꓒꓵꓽ ꓮ ꓕꓽ ꓟꓽ ꓚꓰꓼ ꓞꓰ ꓡꓰ ꓔꓬ ꓟ ꓠꓬꓲꓸ ꓠꓬꓲ 2021 ꓘꓳꓼ 9 ꓦ 28 ꓠꓬꓲ ꓗꓪ 1 ꓓꓳ-ꓡ 2700 ꓒꓯꓼ ꓑ ꓡꓯ ꓘꓳ ꓔꓬ ꓡꓳ꓿
ꓬꓥ-ꓖꓳꓥ ꓗꓪ ꓒꓴ ꓑꓺ ꓦꓲ ꓕꓲ ꓟ ꓕꓲ ꓫꓵꓽ ꓑ ꓡꓯ ꓘꓳ ꓔꓬ ꓢꓲ꓾ ꓚꓧꓮꓢꓰ ꓟꓳꓠꓰꓬ ꓚꓧꓮꓣꓖꓰꓣ ꓗꓪ 1 ꓓꓳ-ꓡ 2700 ꓒꓯꓼ ꓙꓳ ꓡꓳ꓿ ꓪꓴ ꓠꓲꓹ ꓫꓵ ꓡꓲꓸ ꓪꓴ ꓪ ꓟꓽ ꓓ ꓠ ꓥꓲ ꓓꓳ-ꓡ ꓒꓴ ꓫꓸ ꓔꓬ ꓡꓳ꓿
ꓫꓵꓺ ꓒꓵꓽ ꓠꓬ ꓬꓥ-ꓖꓳꓥ ꓫꓵꓺ ꓶ ꓡꓯꓼ ꓜꓴ ꓗꓪ ꓐꓰ ꓠꓬꓲꓸ ꓠꓬꓲ ꓕꓲ ꓠꓬꓲ ꓪꓴꓸ ꓔꓴ ꓟ ꓗꓪ ꓫꓵꓺ 1 ꓒꓯꓼ 2050000 ꓒꓯꓼ ꓐꓯ ꓔꓸ ꓥ ꓟꓲ꓾ 1 ꓒꓯꓼ 21 ꓢꓯꓹ ꓖꓼ ꓡꓯꓼ ꓖ ꓙꓲ ꓪꓴꓽ ꓡꓯ ꓘꓳ ꓔꓬ ꓡꓳ꓿
ꓙꓵꓽ ꓪ ꓣꓴ ꓟꓯꓼ ꓪꓴꓸ ꓓꓵ ꓣꓱꓽ ꓢꓴ ꓡꓰ ꓟꓬ-ꓟ ꓗꓴꓷꓼ ꓠꓬ 10 ꓘꓳꓼ ꓟ ꓘꓴꓽ ꓗꓪ ꓮ-ꓢꓲ-ꓬ ꓗꓴꓷꓼ ꓐꓴ ꓗꓪ ꓐꓰ ꓪꓴꓽ ꓟꓴ ꓡꓳꓹ ꓬꓰ ꓟ ꓗꓴꓷꓼ ꓒꓬꓱꓼ ꓡ ꓓ ꓡꓳ ꓐꓰ ꓐꓯ ꓔꓸ ꓡꓳ꓿
ꓬꓲꓸ ꓗꓴꓷꓼ ꓙꓵꓽ ꓪ ꓬꓲꓸ ꓪꓴꓸ ꓣꓴ ꓕꓯ 1 ꓘꓳꓼ ꓐꓯ ꓥ ꓟꓲ ꓗꓸ ꓠꓯꓸ 2 ꓘꓳꓼ ꓗꓪ ꓛꓲ ꓡꓳꓸ ꓙ ꓓꓴ ꓥꓳ ꓐꓯ ꓒꓳꓹ ꓡꓳ꓿ ꓝꓮꓲ ꓮ ꓟꓶ ꓠꓬ 10 ꓘꓳꓼ ꓗꓪ ꓛꓲ ꓟꓬꓱꓽ ꓬꓰ ꓚꓱꓹ ꓬꓲ ꓫꓵ ꓬꓲ ꓙꓰ ꓕꓱ ꓔꓬ ꓡꓳ꓿