ꓠꓬꓲꓸ ꓠꓬꓲ 2022 ꓘꓳꓼ 7 ꓦ 19 ꓠꓬꓲ ꓗꓪ ꓬꓥ-ꓖꓳꓥ ꓗꓪ 1 ꓓꓳ ꓡ 2400 ꓐꓯ ꓡꓯ ꓘꓳ ꓔꓬ ꓥ ꓟꓲ ꓓꓳ ꓡ ꓒꓴ ꓪꓴꓻ ꓪ ꓟꓽ ꓓ ꓗꓪ ꓛꓲ ꓗꓷ ꓡꓰꓳ꓿
ꓗꓳꓸ ꓗꓷ ꓟ ꓕꓲꓽ ꓠꓽ ꓗꓪ ꓛꓲ 1 ꓓꓳ ꓡ 2000 ꓒꓯꓼ ꓖꓼ ꓡꓯ ꓖꓼ ꓙꓲ ꓙꓳˍ ꓟ ꓗꓪ ꓐꓰ ꓟꓲꓸ ꓟꓲ ꓠꓬ 1 ꓓꓳ ꓡ 2400 ꓒꓯꓼ ꓓꓯꓻ ꓙꓰˍ ꓟ ꓥ ꓡꓳ꓿ ꓬꓲꓸ ꓐꓽ ꓗꓪ 2500 ꓡꓰꓽ ꓪꓴꓻ ꓢꓴˍ ꓟꓲ ꓙꓳ ꓡꓳ꓿
ꓖꓳ ꓡꓱ ꓥ ꓟꓲ ꓟꓯꓼ ꓡꓯ ꓛꓲ ꓗꓪ ꓟ ꓗꓴꓷꓼ ꓒꓴ ꓞꓳꓽ ꓦꓲ ꓚꓰꓺ ꓗꓪ ꓐꓰ 1 ꓓꓳ ꓡ 1850 ꓒꓯꓼ ꓐꓯ ꓔꓸ ꓢꓰꓽ ꓡꓳ꓿ ꓝꓮꓲ ꓗꓳꓸ ꓗꓷ ꓟ ꓕꓲꓽ ꓠꓽ ꓗꓪ ꓒꓴ ꓞꓳꓽ ꓦꓲ ꓗꓪ ꓫꓺ ꓔꓸ ꓟ ꓓꓳ ꓡ ꓒꓴ ꓮ ꓙꓵꓽ ꓟꓬ-ꓟ ꓒꓴ ꓗꓪ ꓟꓽ ꓑꓺ ꓟꓽ ꓓ꓾ ꓐꓯ ꓡ ꓟ ꓗꓪ ꓐꓰ꓾ ꓐꓶ ꓗꓴꓷꓼ ꓐꓰ ꓙ ꓡꓯ ꓘꓳ ꓢꓲꓸ ꓶ ꓡꓯꓼ ꓟꓬꓱꓽ ꓬꓰ ꓢꓴ ꓮ ꓙꓵꓽ ꓮ ꓘꓶꓸ ꓬꓰ ꓫꓸ ꓡꓰ ꓟ ꓥ ꓡꓳ꓿
“ꓣꓳ ꓔꓯ ꓓꓳ ꓡ ꓙꓳˍ ꓓꓴ ꓟ ꓠꓽ ꓠꓰ ꓬꓲꓸ ꓔꓯ ꓟꓬ-ꓟ ꓒꓴ ꓑꓺ ꓖꓶ ꓡꓯ ꓙꓳ꓿ ꓑꓺ ꓙꓶ ꓠꓬ 1850 ꓒꓯꓼ꓿ ꓣꓳ ꓜꓱꓽ ꓠ ꓔꓸꓳ꓾ ꓢꓴ ꓗꓴꓷꓼ ꓗꓪ ꓶ ꓡꓯꓼ ꓖꓶ ꓙꓵꓹ ꓛꓲꓳ ꓐꓯ ꓥꓳ ꓐꓯ ꓬꓲꓸ ꓚꓸ (ꓒꓴ ꓞꓳꓽ ꓦꓲ ꓚꓰꓺ) ꓗꓪ ꓪꓴꓻ ꓪ ꓟꓽ ꓓ꓿ ꓬꓲꓸ ꓐꓽ ꓗꓪ ꓪꓴꓻ ꓥꓳ ꓐꓯ 1 ꓓꓳ ꓗ 2000 ꓙ ꓬꓰꓳ꓿ ꓮ ꓡꓲ ꓢꓲꓸ ꓶ ꓤ ꓶ ꓟꓲ ꓚꓰꓹ ꓓꓵꓽ꓾ ꓮ ꓡꓲ ꓢꓲꓸ ꓬꓲꓸ ꓐꓵꓽ ꓪ ꓡ? ꓟꓯꓼ ꓦꓬꓼ ꓠꓬꓲ ꓗꓪ ꓓꓳ ꓡ ꓒꓴ ꓧꓶꓽ ꓚꓱꓸ ꓔꓲꓸ ꓔꓬˍ ꓟ ꓥꓳ꓿ ꓗꓴꓷꓼ ꓙꓬ ꓬꓰ ꓡ ꓔꓳꓼ ꓥ” ꓐꓰ ꓬꓲꓸ ꓟꓬꓱꓺ ꓐꓯ ꓟꓳꓸ ꓖꓶ ꓠꓲꓹ ꓟꓽ ꓫꓵ ꓢꓴ ꓕꓲ ꓣꓳ ꓡꓰ ꓮ ꓟꓶ ꓒꓬꓱꓼ ꓔꓬ ꓟ ꓐꓯ ꓟꓳꓸ ꓖꓶ ꓡ ꓡꓳ꓿
ꓟꓯꓼ ꓡꓰ ꓙꓵꓽ ꓪ ꓟꓽ ꓣꓴ ꓢꓰꓽ ꓟ 2021 ꓘꓳꓼ 1 ꓦ 31 ꓠꓬꓲ ꓕꓯꓽ ꓒꓴ ꓒꓵꓽ ꓠꓬ 1 ꓓꓳ ꓡ 1340 ꓒꓯꓼ ꓥ ꓡꓳ꓿