ꓴꓢꓮ ꓡ ꓞꓳ ꓐꓴ ꓠꓬꓲꓸ ꓠꓬꓲ ꓟꓬ-ꓟ ꓗꓴꓷꓼ ꓙ ꓖꓴ ꓗꓪ ꓕꓽ ꓙꓰ ꓚꓳ

ꓟꓬ-ꓟ ꓗꓴꓷꓼ ꓗꓪ ꓔꓬ ꓟ ꓮ-ꓟꓯ-ꓣꓲ-ꓗ ꓡ ꓞꓳ ꓐꓴ ꓠꓬꓲꓸ ꓠꓬꓲ 12 ꓦ 10 ꓠꓬꓲ ꓗꓪ ꓙ ꓖꓴ ꓙ ꓐꓽ ꓗꓪ ꓟꓽ ꓙꓰ ꓚꓳ ꓠꓹ ꓟ ꓴꓢ ꓰꓟꓐꓮꓢꓢꓬ ꓡꓰ ꓢꓷ ꓙ ꓟꓴ ꓙ ꓙꓳꓺ ꓗꓽ ꓖꓶ ꓔ ꓡꓳ꓿

ꓟꓬ-ꓟ ꓑ ꓫꓬ ꓐꓴ ꓠꓬ ꓠꓬꓲꓸ ꓠꓬꓲ 2021 ꓘꓳꓼ 12 ꓦ 10 ꓠꓬꓲ꓾ ꓠꓯꓼ 10 ꓙꓵꓹ ꓗꓪ ꓐꓰ ꓟꓶ ꓘꓶꓼ 4 ꓙꓵꓹ ꓗꓪ ꓛꓲ ꓙ ꓖꓴ ꓙ ꓐꓽ ꓗꓪ ꓟꓽ ꓙꓰ ꓚꓳ ꓚꓳ ꓦꓲ ꓘꓴꓽ ꓗꓪ ꓔꓬ ꓢꓲꓸ ꓟꓯꓼ ꓙꓵꓽ ꓚꓱꓹ ꓔꓯ ꓒꓳꓹ ꓔꓳꓹ ꓟ ꓢꓷ ꓡꓰ ꓓꓴ ꓟꓳꓸ ꓖꓶ ꓓꓴ ꓥ ꓡꓳ꓿

ꓑ ꓫꓬ ꓐꓴ ꓙ ꓖꓴ ꓒ ꓐꓲ ꓘꓴ ꓔꓴ ꓥ ꓟꓲ ꓟꓯꓼ ꓐꓴ ꓠꓬ ꓟꓽ ꓠꓲꓹ ꓫꓵ꓿ ꓮ ꓟꓶ ꓙ ꓖꓴ ꓗꓪ ꓑꓶ ꓢꓲ ꓡꓲꓹ ꓛꓱꓼ ꓡꓱꓼ ꓗꓼ ꓡꓼ ꓟꓽ ꓟꓶ ꓬꓰ ꓠꓹ ꓟ ꓢꓯꓼ ꓕꓵꓼ ꓚꓱꓹ ꓔꓯ ꓥ ꓟꓲ ꓟꓯꓼ ꓐꓴ ꓠꓬ ꓙꓳꓺ ꓔꓬ ꓡꓳ꓿