4 ꓧꓪꓹ ꓕꓲ ꓧꓪꓹ ꓟ ꓴꓢꓮ ꓡꓲ-ꓢꓴ ꓘꓴ ꓜꓲꓼ ꓞꓳ ꓐꓴ ꓜꓲꓼ ꓜꓴ ꓑꓮꓲ ꓔꓯ 2022 ꓘꓳꓼ 6 ꓦ 12 ꓠꓬꓲ ꓕꓯꓽ ꓳ-ꓡꓮꓲꓹ ꓗꓪ ꓐꓰ ꓬꓰ ꓓꓳ ꓡꓰꓳ꓿
ꓕꓱ ꓟ ꓠꓬ 2 ꓘꓳꓼ ꓕꓲꓽ ꓧꓪꓹ ꓬꓰ ꓗꓳꓸ ꓡ ꓟ 4 ꓧꓪꓹ ꓕꓲ ꓧꓪꓹ ꓟ ꓜꓲꓼ ꓓꓴ ꓥ ꓢꓲ꓾ MN꓾ VA꓾ CA꓾ TX (TLCC)꓾ ꓔꓫ (RLCC)꓾ CO (CLCC ) ꓐꓰ ꓚꓳ (ELCC) ꓕꓱ ꓡꓱ ꓴꓢꓮ ꓗꓪ ꓙꓳˍ ꓟ ꓡꓲ-ꓢꓴ ꓘꓴ ꓜꓲꓼ ꓞꓳ 7 ꓟ ꓔꓺ ꓧꓳꓽ ꓔꓸ ꓟ ꓜꓲꓼ ꓜꓴ ꓥ ꓡꓳ꓿
2022 ꓘꓳꓼ ꓗꓪ ꓠꓬ ꓚꓮ ꓗꓪ ꓬꓰ ꓓꓴ ꓙ ꓖꓶ ꓗꓷ ꓥ ꓟꓲ ꓗꓳ-ꓪꓰꓼ ꓑꓶꓸ ꓓꓴ ꓒꓬꓱꓽ ꓔꓳꓹ ꓟꓬ ꓔꓳꓹ ꓜꓲꓼ ꓓꓴ ꓬꓰ ꓟꓽ ꓛꓱꓼ ꓬꓰ ꓟ ꓥ ꓡꓳ꓿
“ꓞꓲ ꓠꓲꓹ ꓗꓯ-ꓡꓲ-ꓩꓴ-ꓠꓰ-ꓬ (ꓚꓮ) ꓗꓪ ꓔꓺ ꓜꓲꓼ ꓢꓲꓸ ꓑꓮꓲꓽ ꓬꓰ ꓠꓹ ꓟ ꓙ ꓟꓳ ꓔꓸ ꓥ ꓟꓲ ꓗꓳ-ꓪꓰꓼ ꓑꓶꓸ ꓓꓴ ꓕꓱ ꓡꓱ ꓳ-ꓡꓮꓲꓹ ꓗꓪ ꓚꓳꓸ ꓬꓰ ꓠ ꓗ ꓬꓰꓳ꓿” ꓐꓰ ꓟꓬꓱꓽ ꓡꓳꓸ ꓮ-ꓓꓶꓸ-ꓙꓬ ꓡꓰ ꓐꓯˍ ꓡꓳ꓿
ꓴꓢꓮ ꓗꓪ ꓬꓯꓽ ꓐꓯꓽ ꓚꓲꓸ ꓛꓲ ꓡ ꓢꓴ ꓡꓲ-ꓢꓴ ꓐꓴ ꓠꓬ ꓮ ꓟ ꓮ ꓡꓲ ꓘꓴ ꓜꓲꓼ ꓞꓳ ꓗꓪ ꓐꓰ ꓡ ꓥ ꓟꓲ꓾ ꓬꓰ-ꓢꓴ ꓙꓲ-ꓢꓴ ꓔꓯ ꓦ ꓡꓱ ꓢꓴ ꓐꓴ ꓠꓬ ꓘꓴ ꓜꓲꓼ ꓞꓳ ꓟꓽ ꓒꓯꓽ ꓒꓯꓽ ꓔꓺ ꓙꓲ ꓠꓹ ꓟ ꓖꓪ ꓙꓱ ꓖꓪ ꓟꓴ ꓧꓳꓽ ꓪꓴꓸ ꓟꓴ ꓔꓬ ꓟ ꓥ ꓡꓳ꓿