2023 ꓘꓳꓼ ꓗꓪ ꓴꓢꓮ ꓗꓴꓷꓼ ꓘꓴꓽ ꓗꓪ ꓚꓲꓸ ꓓꓵꓽ ꓠꓹ ꓟ ꓬꓯꓽ ꓐꓯꓽ 125000 ꓣꓳ ꓘꓳ ꓣꓴ ꓓꓴ ꓥꓳ ꓐꓰ꓾ ꓴꓢꓮ ꓗꓴꓷꓼ ꓪꓴꓸ ꓓꓵ ꓙꓳꓹ-ꓐ-ꓓꓲ ꓡꓰ 2022 ꓘꓳꓼ 9 ꓦ 27 ꓠꓬꓲ ꓕꓯꓽ ꓕꓵꓼ ꓪ ꓕꓳ ꓶ ꓗꓪ ꓡꓯꓼ ꓓꓴ ꓢꓽ ꓗꓷꓳ꓿
ꓮ-ꓩ-ꓣꓲ-ꓗ ꓟꓵꓽ ꓗꓪ ꓐꓰ 40000 ꓣꓳ꓾ ꓐꓶꓽ ꓓꓳ ꓮ-ꓢꓲ-ꓬ ꓟꓵꓽ ꓗꓪ ꓐꓰ 15000 ꓣꓳ꓾ ꓬꓴ-ꓬꓳ ꓐꓰ ꓔꓱꓹ ꓫꓵꓺ ꓮ ꓢꓲ-ꓬ ꓟꓵꓽ ꓗꓪ ꓐꓰ 15000 ꓣꓳ꓾ ꓡ-ꓔꓲ ꓮ-ꓟꓯ-ꓣꓲ-ꓖ ꓐꓰ ꓗꓯꓠꓢꓲ-ꓐꓲ-ꓬ ꓬꓲ ꓡꓴꓽ ꓐꓱ ꓘꓶꓽ ꓟꓵꓽ ꓗꓪ ꓐꓰ 15000 ꓣꓳ꓾ ꓮ-ꓢꓲ-ꓬ ꓐꓶꓽ ꓓꓳ꓾ ꓖꓴ ꓟꓶꓸ ꓮ-ꓢꓲ-ꓬ ꓗꓪ ꓐꓰ 35000 ꓣꓳ꓾ ꓬꓲꓸ ꓔꓶꓸ ꓟꓽ ꓒꓯꓽ ꓒꓯꓽ ꓬꓲ ꓜꓰ ꓪꓽ ꓖꓶ ꓔꓸ ꓟ 5000 ꓣꓳ ꓥ ꓡꓳ꓿
ꓖꓳ ꓟ ꓑꓶꓸ ꓓꓴ 2023 ꓘꓳꓼ ꓟ ꓘꓴꓽ ꓗꓪ ꓮ-ꓢꓲ-ꓬ ꓟꓵꓽ ꓗꓪ ꓐꓰ ꓚꓲꓸ ꓛꓬ ꓗꓴꓷꓼ ꓗꓪ ꓔꓬ ꓟꓽ ꓙꓲ ꓡꓰ ꓢꓴ ꓐꓴ꓾ 35000 ꓣꓳ ꓕꓯꓽ ꓢꓲ ꓴꓢꓮ ꓗꓪ ꓚꓲꓸ ꓓꓵꓽ ꓐ ꓡ ꓥꓳ꓾ ꓐꓰ ꓥꓳ ꓡꓳꓸ ꓓꓴ ꓙꓳ ꓡꓳ꓿