ꓴꓢꓮ ꓡꓰ ꓬꓴ-ꓗ-ꓣꓲ ꓔꓯ ꓟꓯꓼ ꓶ ꓤ ꓬꓰ ꓙ ꓟ ꓠꓽ ꓩꓴꓳ

2025 ꓘꓳꓼ 3 ꓦ 3 ꓠꓬꓲ ꓗꓪ ꓐꓰ ꓪꓴꓸ ꓣꓴ ꓢꓲꓸ ꓴꓢꓮ ꓗꓴꓷꓼ ꓡꓰ ꓬꓴ-ꓗ-ꓣꓲ ꓔꓯ ꓟꓯꓼ ꓶ ꓤ ꓬꓰ ꓙ ꓟ ꓠꓽ ꓩꓴꓳ꓾ ꓐꓰ ꓓꓳꓽ ꓓꓳ ꓡ ꓡꓳ꓿

ꓕꓱ ꓟ ꓠꓬ 3 ꓦ 1 ꓠꓬꓲ ꓖꓪ ꓙꓱ ꓡꓯ ꓘꓳ ꓟ ꓗꓪ ꓗꓸ ꓟꓽ ꓘꓳꓽ ꓡꓰ ꓟ ꓑꓶꓸ ꓓꓴ꓾ ꓬꓰ ꓙ ꓚꓱꓹ ꓓꓶꓺ ꓞꓰꓹ ꓩꓴ ꓓꓴ ꓐꓶ ꓙꓬ ꓡꓴꓽ ꓡ ꓟ ꓥ ꓡꓳ꓿

ꓓꓳ-ꓠꓯ-ꓕ-ꓣꓼ ꓠꓬ ꓮ ꓟꓶ ꓮ ꓡꓲ ꓓꓶꓽ ꓧꓪꓸ ꓔꓸ ꓖꓳ ꓡꓱ ꓙꓳ ꓝꓲ꓾ ꓮ ꓟꓶ ꓗꓪ ꓐꓰ ꓢꓰꓼ ꓡꓯ ꓘꓳ ꓠꓽ ꓩꓴ꓾ ꓝꓮꓲ ꓴꓢꓮ ꓔꓯ ꓥ ꓟꓲ ꓬꓴ-ꓗ-ꓣꓲꓸ ꓗꓪ ꓶ ꓡꓯꓼ ꓬꓰ ꓜꓽ ꓝꓲ ꓡꓯ ꓐꓰ ꓖꓪ ꓙꓱ ꓔꓬ ꓟ ꓥ ꓡꓳ꓿

ꓬꓴ-ꓗ-ꓣꓲꓸ ꓠꓬ ꓣ-ꓫꓸ ꓔꓯ ꓟꓽ ꓧꓪꓸ ꓟꓽ ꓢ ꓢꓰꓼꓠ ꓗ ꓡꓳ꓾ ꓣ-ꓫꓸ ꓠꓰ ꓪꓴꓸ ꓔꓴ ꓡ ꓟ ꓟꓯꓼ ꓘꓶꓽ ꓥ ꓡꓳ ꓐꓯ ꓢꓲꓸ ꓬꓲꓸ ꓕꓲꓽ ꓗꓴꓷꓼ ꓓꓰꓼ ꓔꓳꓹ ꓧꓪꓸ ꓟꓽ ꓓ ꓐꓰ ꓠꓱꓸ ꓐꓯꓼ ꓗꓴꓷꓼ ꓮ ꓟꓬꓹ ꓔꓯ ꓔꓳꓹ ꓙ ꓬꓰ ꓙ ꓡꓯ ꓐꓰ ꓓꓰꓽ  ꓔꓬ ꓥ ꓡꓳ꓿

ꓬꓴ-ꓗ-ꓣꓲꓸꓮ ꓡꓲ ꓐꓯ ꓖꓳ ꓡꓱ ꓬꓰ ꓙ ꓐꓭ ꓠꓬ ꓣ-ꓫꓸ ꓔꓺ ꓔꓲ ꓢꓰꓼ ꓡꓯ ꓘꓳ ꓟ ꓟꓯꓼ ꓘꓶꓽ ꓠꓬ ꓟꓵꓽ ꓗꓳ ꓓꓵ ꓓꓵ ꓟꓯꓼ ꓘꓶꓽ ꓑꓶꓸ ꓬꓰ ꓡ ꓥꓳ꓾ ꓐꓰ ꓢꓪꓼ ꓔꓬ ꓡꓳ꓿