ꓣ-ꓫꓸ ꓟꓯꓼ ꓔꓯ ꓔꓳꓹ ꓡꓯ ꓘꓳ ꓔꓬ ꓟ ꓬꓴ-ꓗ-ꓣꓲꓸ ꓗꓴꓷꓼ ꓐꓶꓽ ꓓꓳ ꓕꓲ ꓒꓳꓹ ꓗꓪ ꓟꓯꓼ ꓘꓶꓽ ꓡꓲꓽ ꓡ ꓔꓬ ꓠꓬꓲ꓾ ꓴꓢꓮ ꓡꓰ ꓓꓳ-ꓡ 8,000 ꓢꓯꓹ ꓒꓵꓽ ꓟꓯꓼ ꓶ ꓤ ꓔꓳꓹ ꓙ ꓓꓴ ꓥꓳ꓾ ꓐꓰ 2022 ꓘꓳꓼ 4 ꓦ 13 ꓠꓬꓲ ꓕꓯꓽ ꓦꓲ ꓒꓴ ꓒꓴ ꓗꓪ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓬꓲꓸ ꓪꓴꓸ ꓕꓲ ꓧꓪꓹ ꓥ ꓟꓲ ꓓꓳ-ꓡ 12ꓹ000 ꓢꓯꓹ ꓒꓵꓽ ꓟꓯꓼ ꓶ ꓤ ꓬꓰ ꓙ ꓔꓸ ꓟ ꓥ ꓡꓳ꓿
“ꓮ ꓟꓶ ꓙꓱ ꓦꓲ ꓐꓶ ꓓꓴ ꓐꓰ ꓠꓱꓸ ꓐꓯꓼ ꓟꓯꓼ ꓶ ꓤ ꓬꓲ ꓫꓵꓽ ꓬꓲ ꓙꓰꓽ ꓔꓯ ꓬꓴ-ꓗ-ꓣꓲꓸ ꓟꓯꓼ ꓐꓴ ꓜꓱꓽ ꓗꓴꓸ ꓠꓹ ꓟ ꓟꓸ ꓖꓶꓽ ꓛꓲ ꓢꓰ ꓥꓳ” ꓐꓰ ꓙꓳ-ꓗ-ꓐꓲ ꓡꓰ ꓐꓯ ꓡꓳ꓿
ꓧꓶꓸ ꓕꓯꓽ ꓠꓬ ꓴꓢꓮ ꓡꓰ ꓕꓱ ꓡꓱ ꓟꓯꓼ ꓶ ꓤ ꓟꓽ ꓔꓳꓹ ꓙ ꓚꓰꓼ ꓥ ꓟꓲ꓾ ꓮ ꓟꓶ ꓗꓴꓷꓼ ꓓꓽ ꓟ ꓡꓰ ꓬꓴ-ꓗ-ꓣꓲꓸ ꓟꓵꓽ ꓦꓴ ꓡ ꓔꓬ ꓠꓬꓲ ꓬꓲꓸ ꓪ ꓓꓵꓽ ꓙ ꓚꓱꓹ ꓡꓶꓸ ꓙꓰ ꓢꓲꓸ ꓬꓰ ꓙ ꓔꓳꓹ ꓙ ꓩꓴ ꓡ ꓟ ꓥ ꓡꓳ꓿