2021 ꓘꓳꓼ 10 ꓦ 2 ꓠꓬꓲ ꓗꓪ ꓛꓲ ꓴꓢꓮ ꓕꓲ ꓗꓴꓷꓼ ꓡꓱꓸꓼ ꓗꓪ ꓚꓳꓦꓲꓓ-19 ꓑꓶꓸ ꓓꓴ ꓫꓵꓻ ꓢꓴ 7 ꓢꓯꓹ ꓣꓳ ꓕꓯꓽ ꓢꓲ ꓘꓱꓻ ꓙꓰꓳ ꓐꓰ United States Covid-worldometer ꓗꓪ ꓢꓷ ꓙ ꓟꓴ ꓙ ꓔ ꓡꓳ꓿
ꓠꓻ ꓗꓽ ꓠꓯ ꓞꓲꓼ ꓚꓰꓼ ꓓꓳ ꓗ ꓠꓯꓸ ꓫꓵꓻ ꓢꓴ 1 ꓢꓯꓹ ꓣꓳ ꓛꓲ ꓙꓳ ꓡꓳ꓿ ꓬꓲ ꓪ ꓠꓬ ꓠꓻ ꓗꓽ ꓠꓯ ꓞꓲꓼ ꓗꓸ ꓟꓽ ꓫꓳ ꓢꓴ ꓐꓴ ꓟꓬꓽ ꓟ ꓥ ꓡꓳ꓿ “ꓫꓵꓻ ꓢꓴ 1 ꓢꓯꓹ ꓗꓪ ꓐꓰ 70000 ꓣꓳ ꓟ ꓠꓬ ꓠꓻ ꓗꓽ ꓠꓯ ꓞꓲꓼ ꓟꓽ ꓗꓸ ꓔꓸ ꓢꓴ ꓐꓴ ꓥꓳ” ꓐꓰ Johns Hopkins ꓟꓴ ꓕꓲꓸ ꓢꓳ ꓦꓲ ꓗꓪ ꓟ ꓟꓸ ꓒ ꓓꓽ David Dowdy ꓡꓰ ꓐꓯ ꓡꓳ꓿
ꓮ ꓟꓶ ꓠꓬ ꓧꓶꓸ ꓕꓯ ꓠꓻ ꓗꓽ ꓠꓯ ꓞꓲꓼ ꓗꓸ ꓓꓳ ꓢꓴ ꓐꓴ ꓔꓯ 3 ꓧꓪꓹ ꓕꓲ ꓧꓪꓹ ꓗꓸ ꓖꓶ ꓔꓬ ꓟ ꓡꓰ ꓐꓰ꓾ ꓤ ꓠꓱ 12 ꓘꓳꓼ ꓖꓳ ꓑꓳꓸ ꓔꓯ ꓥ ꓟꓲ ꓗꓸ ꓖꓶ ꓔꓬ ꓡꓳ꓿ ꓗꓴꓷꓼ ꓙꓵꓽ ꓜꓴ ꓡꓰ ꓕꓲ ꓐꓱ ꓟꓵꓽ ꓫꓴ ꓗꓪ ꓠꓬ ꓠꓻ ꓗꓽ ꓠꓯ ꓞꓲꓼ ꓗꓸ ꓡ ꓢꓴ 1 ꓣꓳ ꓔꓯ ꓓꓳ-ꓡ 100 ꓡꓯ ꓫꓴ ꓖꓶ ꓢꓲ ꓟꓽ ꓗꓸ ꓡ ꓟꓽ ꓢ ꓢꓯꓼ ꓖꓶ ꓔꓬ ꓡꓳ꓿ ꓖꓳ ꓡꓱ ꓥ ꓟꓲ ꓠꓻ ꓗꓽ ꓠꓯ ꓞꓲꓼ ꓗꓸ ꓠꓲꓹ ꓟꓽ ꓫꓵ ꓢꓴ ꓮ ꓟꓬꓹ ꓙꓳ ꓡꓳ꓿