ꓴꓢꓮ ꓔꓰꓫꓮꓢ ꓗꓪ ꓟ ꓗ-ꓛꓲ ꓟꓵꓽ ꓡ ꓞꓳ ꓙꓲ-ꓢꓴ ꓢꓲ ꓤ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓬꓲꓸ ꓪꓴꓸ ꓕꓲꓽ ꓧꓪꓹ ꓬꓰ ꓗꓷꓳ

2022 ꓘꓳꓼ 10 ꓦ 29 ꓠꓬꓲ꓾ ꓴꓢꓮ ꓔꓰꓫꓮꓢ ꓗꓪ ꓟ ꓗ-ꓛꓲ ꓟꓵꓽ ꓡ ꓞꓳ ꓙꓲ-ꓢꓴ ꓢꓲ ꓤ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓬꓲꓸ ꓪꓴꓸ ꓕꓲꓽ ꓧꓪꓹ ꓬꓰ ꓪ ꓡꓰꓳ꓿

“ꓘꓴ ꓜꓲꓼ ꓞꓳ ꓬꓲ ꓫꓵ ꓬꓲ ꓙꓰꓽ ꓗꓪ ꓔꓺ ꓓꓵꓽ ꓔꓬ ꓟ꓾ ꓗ-ꓛꓲ ꓟꓵꓽ ꓗꓪ ꓐꓰ ꓡ ꓟ ꓞꓳ ꓫꓵꓽ ꓙꓲ-ꓢꓴ ꓢꓲ ꓤ ꓐꓴ ꓙ ꓡꓯ ꓘꓳ ꓚꓱꓹ ꓕꓲꓽ ꓟ ꓬꓰ ꓠꓹ ꓟ ꓬꓲꓸ ꓪꓴꓸ ꓜꓲ ꓡꓯ ꓘꓳ ꓟ ꓥ ꓡꓳ꓿ ꓕꓲ ꓘꓳꓼ ꓕꓲ ꓧꓪꓹ ꓔꓺ ꓡꓯ ꓘꓳ꓾ ꓙ ꓡꓯ ꓘꓳ ꓑꓮꓲ ꓬꓰ ꓡꓯ ꓐꓰ ꓗꓐꓚ ꓗꓪ ꓐꓰ ꓖꓪ ꓙꓱˍ ꓟ ꓥ ꓐꓶ” ꓐꓰ ꓖꓳ ꓗꓪ ꓜꓲꓼ ꓔꓺ ꓙꓰ ꓢꓴ ꓔꓡꓚꓚ ꓟꓬꓱꓽ ꓡꓳꓸ ꓒꓽ ꓮ-ꓓꓶꓸ ꓙꓬ ꓡꓰ ꓐꓯ ꓟꓳꓸ ꓖꓶ ꓡ ꓡꓳ꓿

ꓕꓱ ꓕꓲ ꓧꓪꓹ ꓔꓮꓫꓮꓢ ꓗꓪ ꓙꓳ ꓟ ꓘꓴ ꓜꓲꓼ ꓞꓳ (6) ꓟ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓜꓲꓼ ꓡ ꓡꓳ꓿ ꓖꓳ ꓘꓴ ꓜꓲꓼ ꓞꓳ (6) ꓟ ꓠꓬ꓾ TLCC꓾ RLCC꓾ RCCC꓾ KBC꓾ DFW KBC꓾ TX Catholic ꓐꓴ ꓥ ꓡꓳ꓿

ꓗ-ꓛꓲ ꓟꓵꓽ ꓗꓪ ꓕꓲ ꓪꓽ ꓔꓬ ꓟ ꓞꓳ ꓫꓵꓽ ꓐꓴ ꓠꓬ ꓮ ꓡꓲ ꓕꓲ ꓗꓴꓷꓼ ꓗꓪ ꓛꓲ ꓥ ꓟꓲ ꓮ ꓬꓲꓼ ꓠꓬꓲ ꓤ ꓠꓲꓹ ꓟ ꓗꓪ ꓐꓰ ꓔꓺ ꓡꓯ ꓘꓳ ꓟ ꓟꓳꓸ ꓖꓶ ꓢꓲ꓾ ꓖꓪ ꓙꓱ ꓜꓲꓼ ꓓꓴ ꓗꓪ ꓢꓲꓹ ꓛꓬ ꓜꓻ ꓕꓱꓹ ꓔꓺ ꓜꓽ ꓗꓷꓳ꓿