ꓠꓬꓲꓸ ꓠꓬꓲ 2021 ꓘꓳꓼ 11 ꓦ꓾ 5 ꓠꓬꓲ ꓕꓯ꓾ ꓴꓢꓮ ꓐꓶ ꓗꓴꓷꓼ ꓝꓲ ꓓꓴ ꓓ: ꓟ ꓬꓰ ꓗꓳ ꓙꓰ ꓢꓴ Collin Powell ꓧꓪ: ꓖꓳ ꓓꓱ: ꓔꓯ ꓫ ꓩꓴ ꓗꓷ_ ꓡꓳ= ꓬꓲꓸ ꓠꓬ ꓚꓳꓦꓲꓓ-19 ꓠꓹ ꓓꓱꓽ ꓠ ꓖꓴ ꓡꓰ ꓗꓸ ꓠꓯꓼ ꓠꓲꓸ ꓑ ꓠꓹ ꓓꓴ ꓙꓳ_ ꓟ ꓑꓶ ꓓꓴ ꓫꓵ_ ꓟ ꓥ ꓡꓳ= ꓬꓲꓸ ꓫꓵ _ ꓕꓯ 84 ꓘꓳꓼ ꓙꓳ_ ꓟ ꓥꓳ=
ꓬꓲꓸ ꓧꓪꓽ ꓖꓳꓽ ꓓꓱ ꓫ ꓑꓮꓲꓽ ꓔꓯꓼ ꓠꓬ National Cathedral ꓪ ꓘꓴ ꓦꓲ ꓗꓪ ꓪ ꓘꓴ ꓜꓲꓼ ꓓꓴ ꓬꓰ ꓢꓲꓸ꓾ ꓬꓲꓸ ꓫꓵꓽ ꓤ ꓪꓳꓽ ꓤ ꓐꓴ꓾ ꓝꓮꓲ ꓠꓬ ꓴꓢꓮ ꓪ ꓔꓲ ꓐꓰ ꓪ ꓔꓲ ꓬꓰ ꓗꓳꓸ ꓙꓰ ꓢꓴ ꓐꓴ ꓮ ꓟꓬ ꓜꓲꓼ ꓡ ꓡꓳ ꓐꓰ ꓦꓳꓮ ꓗꓪ ꓐꓳ ꓔ ꓡꓳ= ꓴꓢꓮ ꓪ ꓔꓲ Joe Biden BE ꓪ ꓔꓲ ꓬꓲꓸ ꓡꓴ Barack Obama BE ꓬꓲꓸ ꓕꓲ ꓦꓲ ꓢꓴ ꓝꓮꓲ ꓠꓬ ꓝꓮꓲ ꓠꓬ ꓪ ꓔꓲ ꓡꓴꓸ George W Bush ꓐꓰ ꓬꓲꓸ ꓕꓲ ꓦꓲ ꓢꓴ ꓐꓴ ꓥ_ꓟꓲ ꓜꓲꓼ ꓓꓴ ꓗꓪ ꓔ ꓔꓬ ꓡꓳ= ꓝꓮꓲ ꓖꓳ ꓟ ꓔꓲ ꓟ ꓞꓲ ꓟꓬꓱꓽ ꓓꓳ ꓙꓳ_ ꓟ ꓗꓴꓷꓼ ꓟꓬꓱꓽ ꓬꓰ ꓢꓴ ꓐꓴ_ ꓟꓲ ꓮ ꓟꓬ ꓜꓲꓼ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=