“ꓴꓠꓢꓚ ꓖꓪ ꓙꓱ ꓜꓲꓼ ꓓꓴ ꓠꓽ ꓮ ꓫꓵ ꓡꓲꓸ ꓟꓽ ꓛꓱꓼ ꓡ꓾ ꓮ ꓫꓵ ꓡꓲꓸ ꓥꓳ ꓡꓳꓸ ꓓꓴ ꓟꓽ ꓙꓳ” -ꓧꓣꓪ

2021 ꓘꓳꓼ 7 ꓦ 29 ꓠꓬꓲ꓾ ꓮ ꓟꓲ ꓟꓶ ꓘꓶꓼ ꓬꓰ ꓗꓷ ꓟ ꓴꓠꓢꓚ ꓖꓪ ꓙꓱ ꓜꓲꓼ ꓓꓴ ꓬꓰ ꓗꓷ ꓟ ꓐꓰ ꓗꓴꓸ ꓙꓲꓽ ꓙꓳ ꓢꓲ꓾ ꓮ ꓫꓵ ꓡꓲꓸ ꓟꓽ ꓛꓱꓼ ꓡ꓾ ꓮ ꓫꓵꓽ ꓡꓲꓸ ꓥꓳ ꓡꓳꓸ ꓓꓴ ꓟꓽ ꓙꓳ ꓐꓰ꓾ ꓧꓣꓪ ꓧꓳꓽ ꓪꓴꓸ ꓟꓴ ꓢꓴ ꓡꓰ ꓗꓸ ꓧꓪ ꓗꓸ ꓓꓶꓽ ꓐꓯ ꓩꓴ ꓡ ꓡꓳ꓿

“ꓴꓠꓢꓚ ꓖꓪ ꓙꓱ ꓜꓲꓼ ꓓꓴ ꓠꓽ ꓮ ꓫꓵ ꓡꓲꓸ ꓟꓽ ꓛꓱꓼ ꓡ꓾ ꓮ ꓫꓵ ꓡꓲꓸ ꓥꓳ ꓡꓳꓸ ꓓꓴ ꓟꓽ ꓙꓳ꓿ ꓟꓯꓼ ꓶ ꓤ ꓪꓴꓽ ꓖꓶ ꓚꓱꓹ꓾ ꓮ ꓔꓳꓸ ꓧꓪ ꓞꓶ (fuel and gas) ꓪꓴꓽ ꓚꓱꓹ ꓐꓰ꓾ ꓙꓵꓽ ꓪ ꓦꓴ ꓢꓴ ꓐꓴ ꓶ ꓡꓯꓼ ꓚꓱꓹ ꓑꓲꓸ ꓠ ꓔ ꓥ꓿ ꓮ ꓕꓽ ꓟꓶ ꓕꓽ ꓖꓪ ꓙꓱ ꓠꓬꓹ ꓓꓰꓼ ꓖꓼ ꓟꓽ ꓜꓳ꓿ ꓬꓰ ꓟꓬꓱꓽ ꓙꓳ ꓠ ꓔꓸ ꓥ꓿” ꓐꓰ ꓧꓣꓪ ꓗꓪ ꓙꓵꓽ ꓪ ꓙꓳ ꓢꓴ ꓡꓳꓹ-ꓬꓰ ꓛ-ꓐꓳ-ꓠꓰꓳ (Louis Charbonneau) ꓡꓰ ꓐꓯ ꓕꓼ ꓩꓴ ꓡ ꓡꓳ꓿

ꓧꓣꓪ ꓠꓬ꓾ ꓧꓪ ꓒꓴ ꓥꓳꓽ ꓗꓪ Human Right Watch ꓥ ꓢꓲ꓾ ꓞꓳ ꓤ ꓟꓶ ꓙꓲꓽ ꓙꓳ ꓟ ꓶꓽ ꓐꓱ ꓶ ꓧꓪ ꓟꓰꓹ ꓡꓳꓸ ꓠꓬꓲ ꓔꓬ ꓟ꓾ ꓫꓸ ꓕꓱ ꓙ ꓔꓬ ꓟ ꓜꓴ ꓥ ꓡꓳ꓿

ꓴꓠꓢꓚ ꓠꓬ ꓧꓪ ꓒꓴ ꓥꓳꓽ ꓗꓪ United Nations Security Council ꓥ ꓢꓲ꓾ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓟ “ꓢꓲ ꓡꓲꓹ ꓟ ꓐꓰ꓾ ꓦ ꓡꓱ ꓐꓳ ꓐꓳ ꓔꓬ ꓙꓲ ꓠꓹ ꓟ ꓚꓱꓹ” ꓐꓱ ꓶ ꓟꓬꓱꓽ ꓬꓰ ꓔꓬ ꓟ ꓜꓴ ꓥ ꓡꓳ꓿

ꓮ ꓟꓲ ꓬꓰ ꓗꓷ ꓟ ꓖꓪ ꓙꓱ ꓜꓲꓼ ꓓꓴ ꓔꓯ ꓐꓶ-ꓔꓲ-ꓫꓵ ꓡꓰ ꓐꓯ ꓧꓳꓽ ꓢꓲ ꓜꓲꓼ ꓓꓴ ꓒꓬꓤꓼ ꓡ ꓟ ꓥ ꓡꓳ꓿ ꓠꓴꓖ ꓐꓰ ꓗꓑꓲꓚꓔ ꓗꓪ ꓟ ꓧꓳꓽ ꓢꓴ ꓐꓴ ꓫꓸ ꓕꓱ ꓗꓷ ꓡꓳ꓿